ປີ​ນີ້​ບໍ່​ເຫັນ​ບໍ່​ເປັນ​ຫຍັງ ຊົມ​ພາບແຫ່​ນາງ​ສັງ​ຂານ​ປີ 1975 ນາງ ໂຄຣາຄະເທວີ ຂີ່​ເສືອ

ປີ​ນີ້​ບໍ່​ເຫັນ​ບໍ່​ເປັນ​ຫຍັງ ຊົມ​ພາບແຫ່​ນາງ​ສັງ​ຂານ​ປີ 1975 ນາງ ໂຄຣາຄະເທວີ ຂີ່​ເສືອ

12th April 2020 0 By Entertain

ນັບ​ວ່າ​ອົດ​ໃຈ​ເຫັນ​ປະ​ເພ​ນີ​ບຸນ​ໃຫຍ່ ບຸນ​ສຳ​ຄັນ​ຂອງ​ລາວ​ເຮົາ​ຢ່າງ​ບໍ່​ມີ​ໃຜ​ຢາກ​ໃຫ້​ເກີດ​ຂຶ້ນ ເນື່ອງ​ຈາກ​ເຊື້ອ​ພະ​ຍາດ​ຮ້າຍ​ທີ່​ແຜ່​ເຊື້​​ອໄປ​ທົ່ວ​ໂລກ ລວມ​ທັງ​ລາວ​ເຮົາ​ທີ່ຍອດ​ເພີ່ມ​ຂຶ້ນ​ຢ່າງ​ຕໍ່​ເນື່ອງ ຈ​​ຶ່ງເປັນ​ເຫດ​ໃຫ້​ໄດ້​ງົດ​ທຸກ​ກິດ​ຈະ​ກຳ, ງານ​ປະ​ເພ​ນີ​ສຳ​ຄັນ​ເພື່ອ​ປ້ອງ​ກັນ ແລະ ກັນ​ການ​ແຜ່​ເຊື້ອ

.

ຕາມ​ປະ​ເພ​ນີ ປີ​ນີ້ນາງສັງຂານປີນີ ຈສ 1382 ພສ 2563 ຄສ 2020, ແມ່ນ ນາງ ໂຄຣາຄະເທວີ ຊົງພາຫຸຣັດ(ຮັດຕົ້ນແຂນ) ທັດດອກປີບ ອາຖັນແກ້ວ ມຸກດາຫານ ພັກສາຫານນໍ່ສມັນ ຫັດຂວາຊົງຂັນ ຫັດຊ້າຍຊົງໄມ້ເທົ້າ ສະເດັດໄສຍາດລືມເນດ(ນອນມືນຕາ) ມາເທີງຫຼັງພະຍັກ (ຫຼັງເສືອ) ເປັນພາຫານະ.”

.

ເກນພິລຸນສາດ (ຄາດຄະເນວ່າ) ປີ 2020 ນີ້ ສຸກ ເປັນອະທິບໍດີຝົນບັນດານໃຫ້ຕົກ 600 ຫ່າ, ຕົກໃນເຂົາຈັກກະວານ 240 ຫ່າ, ຕົກໃນປ່າຫິມະພານ 180 ຫ່າ, ຕົກໃນມະຫາສະຫມຸດ 120 ຫ່າ ແລະ ຕົກໃນໂລກມະນຸດ 60 ຫ່າ.

ເກນທາຣາທິຄຸນ ຕົກລາສີມິຖຸນ ຊື່ ວາໂຢ(ທາດລົມ) ນໍ້າພໍປະມານ ຈະເກີດພາຍຸໜັກ, ເກນນາກຂະລາດໃຫ້ນໍ້າ ປີນີ້ ນາກຂະລາດໃຫ້ນໍ້າ 01 ໂຕ ທຳນາຍວ່າ ຝົນໜ້ອຍ, ເກນທັນຍາຫານ ຊື່ ປານະ ເຂົ້າກ້າໃນໄຮ່ນາ ຈະໄດ້ 01 ສ່ວນ ເສຍ 10 ສ່ວນ, ຄົນທັງຫຼາຍຈະຕົກທຸກໄດ້ຍາກລຳບາກຂາດແຄນ ເພາະກັນດານເຂົ້າປາອາຫານຈະຈິບຫາຍເປັນອັນໜັກແລ.

.

ທີ່​ແຂວງ ຫຼວງ​ພະ​ບາງ ເປັນ​ແຂວງ​ໜຶ່ງ​ທີ່​ຈັດ​ບຸນ​ປະ​ເພ​ນີ​ບຸນ​ປິ​ໃໝ່​ລາວ ໂດຍ​ມີ​ການ​ແຫ່​ນາງ​ສັງ​ຂານ​ທີ່​ສວຍ​ງາມ​ຕາມ​ປະ​ເພ​ນີ ເຊິ່ງ​ໃຜ​ທີ່​ຢາກ​ເບິ່ງ ແລະ ສຳ​ພັດ​ກໍ​ຕ້ອງ​ມາ​ສຳ​ຜັດ​ທີ່ຫຼວງ​ພະ​ບາງ ແຕ່​ປິ​ນີ້​ກໍ​ໜ້າ​ເສຍ​ດາຍ​ທີ່​ບໍ່​ໄດ້​ເຫັນ ນາງ​ສັງ​ຂານ​ມີພາຫະນະ​ເປັນເສືອ ຍ້ອນມີໄວຣັດ​ທີ່​ເຂົ້າ​ມາ ຈິ່ງໄດ້ແຕ່ເອົາພາບເກົ່າໆປີ 1975 ມາຝາກຖືເປັນຕົວແທນປີນີ້ ແລະຢ້ອນວັນວານໄປພ້ອມໆກັນ​ເພາະ​ເປັນ​ປີ​ທີ່​ນາງ​ສັງ​ຂານ​ມີພາຫະນະ​ເປັນເສືອຄື​ກັນ

.

.

ເຖິງວ່າ​ຈະ​ບໍ່​ມີ​ພິ​ທີ​ການ​ຈັດ​ບຸນ​ປະ​ເພ​ນີ ແຕ່​ເຮົາ​ກໍ​ສົງ​ມາ​ພໍ່​ແມ່, ພະ​ໃນ​ເຮືອນ​ເພື່ອ​ເປັນ​ສິ​ລິ​ມຸງ​ຄຸນ​ໄດ້ ຂໍ​ໃຫ້​ທຸກ​ທ່ນ ໂຊກ​ດີ​ປີ​ໃໝ່​ເດີ້…