ຊາວເມືອງສະໜາມໄຊ ຮຽນຮູ້ວິທີຮັບມືກັບໄພພິບັດໄວ້

ຊາວເມືອງສະໜາມໄຊ ຮຽນຮູ້ວິທີຮັບມືກັບໄພພິບັດໄວ້

27th December 2019 0 By Entertain

ອົງການກາແດງລາວໄດ້ຖ່າຍຖອດບົດຮຽນ   ການກູ້ໄພສຸກເສີນ, ພາຍໃຕ້ໂຄງການຟື້ນຟູຫຼັງໄພພິບັດ, ເມືອງ ສະໜາມໄຊ ແຂວງ ອັດຕະປື ໃຫ້ແກ່ຄະນະກຳມະການຕອບໂຕ້ໄພພິບັດຂັ້ນບ້ານທີ່ຢູ່ລຽບຕາມລ້ອງແມ່ນ້ຳເຊກອງ, ເຊປຽນ ເຊີ່ງມີ: ບ້ານ ຫາດອຸດົມໄຊ, ບ້ານຫີນສົມບັດ, ບ້ານຕະເງົາ, ບ້ານຫາດຍາວ ແລະ ບ້ານສົ້ມປ່ອຍ. ພ້ອມທັງໃຫ້ຄວາມຮູ້ກ່ຽວກັບວຽກງານໄພພິບັດແກ່ຄູ-ອາຈານ ແລະ ນ້ອງນັກຮຽນ ປະຖົມ ແລະ ມັດທະຍົມຕົ້ນ ບ້ານດັ່ງກ່າວ.

ພິທີຝຶກອົບຮົມດັ່ງ, ຈັດຂຶ້ນໃນລະຫວ່າງວັນທີ 23-25 ທັນວາ ຜ່ານມາ ໂດຍການເຂົ້າຮ່ວມຂອງທ່ານ ດຣ ວຽງໄຊ ໄຊສົມບັດ ຫົວໜ້າອົງການກາແດງແຂວງອັດຕະປື ທັງເປັນຮອງຫົວໜ້າໂຄງການຟື້ນຟູຫຼັງໄພພິບັດເມືອງສະໜາມໄຊ,  ທ່ານ ນາງ ໂລມມະນີ ແກ້ວທະນົງ ຕາງໜ້າຈາກສະຫະພັນກາແດງ ແລະ ຊີກວົງເດືອນແດງສາກົນປະຈຳບາງກອກ ປະເທດໄທ, ເຊີ່ງມິຄູເຝິກຈາກອົງການກາແດງລາວ, ຈຳປາສັກ, ສາລະວັນ, ເຊກອງ ແລະ ແຂວງອົງການກາແດງແຂວງອັດຕະປື ຕະຫຼອດຮອດພໍ່ແມ່ປະຊາຊົນເຂົ້າຮ່ວມ.

ການເຝິກອົບຮົມໃນຄັ້ງນີ້ກໍເພື່ອແນ່ໃສ່ເຮັດໃຫ້ຊຸມຊົນມີຄວາມເຂັ້ມແຂງ ຮູ້ວິທີການ ຮັບມືກັບໄພພິບັດທີ່ອາດຈະເກິດຂື້ນ;ການຄົ້ນຫາ ແລະ ກູ້ໄພ ແລະ ການເຕືອນໄພ, ປະຖົມພະຍາບານ, ການເຄື່ອນຍ້າຍຄົນເຈັບການຄັດແຍກຄົນເຈັບ, ການເຄື່ອນຍ້າຍນຳສົ່ງໂຮງໝໍ ທາງທິດສະດີ ແລະ ພາກປະຕິບັດຕົວຈິງ ເພື່ອສ້າງຂີດຄວາມສາມາດໃຫ້ແກ່ຊຸມຊົນຮູ້ຈັກວິທີການກຽມຄວາມພ້ອມ ແລະ ຮັບມືໃນກໍລະນີເກີດມີໄພພິບັດ; ເພື່ອເພີ່ມຄວາມຮູ້, ຄວາມສາມາດໃນວຽກງານການຄົ້ນຫາ ແລະ ກູ້ໄພຂອງຊຸມຊົນ.

ຊຸຸດອົບບຮົມໃນຄັ້ງນີ້ໄດ້ດຳເນີນໄປເປັນເວລາ 3 ວັນ (ໃນລະຫວ່າງວັນທີ 23-25 ທັນວາ 2019) ໂດຍການໃຫ້ທຶນສະໜັບສະໜູນຈາກສະຫະພັນກາແດງ ແລະ ຊີກວົງເດືອນແດງສາກົນ(IFRC) ພາຍໃຕ້ໂຄງການຟື້ນຟູຫຼັງໄພພິບັດເມືອງສະໜາມໄຊແຂວງອັດຕະປື.

ຈາກ: https://laoedaily.com.la/