ຕ້ອງອ່ານ! ເພາະ 7ອາການນີ້ ຄືສິ່ງບົ່ງບອກວ່າທ່ານອາດຕິດໂຄວິດ-19 ແລ້ວ

ຕ້ອງອ່ານ! ເພາະ 7ອາການນີ້ ຄືສິ່ງບົ່ງບອກວ່າທ່ານອາດຕິດໂຄວິດ-19 ແລ້ວ

13th April 2020 0 By Education

ມີແຟນຂ່າວຫຼາຍທ່ານອິນບັອກມາຫາແອັດມິນວ່າ ຢາກຮູ້ວິທີສັງເກດຕົນເອງແນວໃດຈິ່ງຮູ້ວ່າຕິດໂຄວິດ ຫຼື ຕ້ອງເຂົ້າຫາໝໍດ່ວນເພື່ອກວດຫາເຊື້ອ? ຄວາມຈີງແລ້ວພະຍາດໂຄວິດໃນແຕ່ລະຄົນຈະມີອາການທີ່ແຕກຕ່າງກັນໄປ ບາງຄົນກໍ່ເປັນໄອກ່ອນ, ບາງຄົນຖອກທ້ອງກ່ອນ, ບາງກໍລິ້ນ, ດັງບໍ່ໄດ້ກິ່ນບໍ່ໄດ້ລົດຊາດກ່ອນ ແລ້ວແຕ່ກໍລະນີ ແລະສຸຂະພາບຂອງແຕ່ລະຄົນ.

ແຕ່ຕາມຫຼັກການແພດແລ້ວ ຖ້າທ່ານມີອາການຜິດປົກກະຕິຈາກລະບົບທາງເດີນຫາຍໃຈ ຮ່ວມກັບມີຄວາມສ່ຽງໃນການສຳຜັດຜູ້ຕິດເຊື້ອທີ່ໄດ້ຮັບການຢັ້ງຢືນແລ້ວ ກໍ່ຕ້ອງຮີບຮ້ອນໄປຫາໂຮງໝໍທີ່ໃກ້ບ້ານທີ່ສຸດ ເພື່ອກວດຫາຄວາມເປັນຈີງເປັນຕົ້ນການສອບຖາມປະຫວັດ ເພື່ອຄັດກອງກ່ອນເຂົ້າຮັບການປິ່ນປົວກໍ່ຄືເກັບຕົວຢ່າງໄປກວດ ສຳຄັນຄືຖ້າທ່ານໄດ້ໃກ້ຊິດກັບຄົນຕິດເຊື້ອແລ້ວຕ້ອງແຈ້ງໂຮງໝໍຮັບຊາບທັນທີ ເປັນໄປໄດ້ເພິ່ນຈະສົ່ງລົດໄປຮັບທ່ານເຖິງເຮືອນ ເພື່ອເຂົ້າຮັບເພື່ອກັກບໍລິເວນຕິດຕາມອາການໂດຍໄວທີ່ສຸດ.

ແນວໃດກໍ່ຕາມ ເພື່ອໃຫ້ທ່ານໝັ້ນໃຈວ່າ ອາການແບບໃດແທ້ທີ່ຕ້ອງໄປກວດໃຫ້ໄດ້ເພາະເຂົ້າຂ່າຍຕິດໂຄວິດແລ້ວ ຕາມການບັນທຶກຂອງຫຼາຍໆໂຮງໝໍຜູ້ທີ່ຢູ່ໃນເກນການຕິດເຊື້ອໂຄວິດກໍ່ຄືມີ 7 ອາການດັ່ງນີ້:

1 ມີໄຂ້ສູງ 37 ອົງສາຂຶ້ນໄປ

2 ມີອາການຂອງລະບົບທາງເດີນຫາຍໃຈໄດ້ແກ່ໄອ, ຈາມ, ຕັນດັງ

3 ມີປະຫວັດເດີນທາງມາຈາກພື້ນທີ່ສ່ຽງກໍ່ຄືບ່ອນທີ່ຕິດເຊື້ອແລ້ວ

4 ກຸ່ມຜູ້ປະກອບອາຊີບທີ່ກ່ຽວຂ້ອງກັບນັກທ່ອງທ່ຽວຕ່າງປະເທດ

5 ກຸ່ມທີ່ເດີນທາງໄປສະຖານທີ່ຊຸມຊົນ ສະຖານທີ່ແອອັດເຊັ່ນ: ຕະຫຼາດໜັດ ຫ້າງຊັບພະສິນຄ້າ, ສະຖານທີ່ບໍລິການຂົນສົ່ງສາທາລະນະ

6 ມີປະຫວັດສຳຜັດກັບຜູ້ປ່ວຍໂຄວິດທີ່ໄດ້ຮັບການຢັ້ງຢືນຈາກທ່ານໝໍແລ້ວ

7 ເປັນບຸກຄະລາກອນທາງການແພດ ແລະສາທາລະນະສຸກທີ່ມີປະຫວັດສຳຜັດຜູ້ປ່ວຍ ຫຼື ມີໄຂ້ສູງເກີນ 37,5 ອົງສາ

ແນວໃດກໍ່ຕາມ ມາຮອດປັດຈຸບັນ ສາທາຍັງໄດ້ປັບນິຍາມໃໝ່ຂອງອາການໂຄວິດ-19 ບໍ່ຈໍາເປັນຕ້ອງມີໄຂ້, ແຕ່ຫາກມີອາການໄອ, ມີບັນຫາທາງລະບົບຫາຍໃຈ ຫຼື ພົວພັນກັບຜູ້ປ່ວຍໂຄວິດ ແລະ ມີປະຫວັດເດີນທາງມາຈາກຕ່າງປະເທດ ແມ່ນຕ້ອງກວດຫາເຊື້ອໂຄວິດໂດຍດ່ວນແບບບໍ່ເສຍຄ່າ.