ນາງສາວຍິ່ງລັກມາສົ່ງພອນປີໃໝ່ ຝາກທຸກຄົນໃຊ້ເວລາຊ່ວງນີ້ຢູ່ກັບຄອບຄົວ, ເບິ່ງແຍງສຸຂະພາບ

ນາງສາວຍິ່ງລັກມາສົ່ງພອນປີໃໝ່ ຝາກທຸກຄົນໃຊ້ເວລາຊ່ວງນີ້ຢູ່ກັບຄອບຄົວ, ເບິ່ງແຍງສຸຂະພາບ

13th April 2020 0 By Education

ທ່ານ ນາງ ຍິ່ງລັກ ຊິນນະວັດ ຖືໄດ້ວ່າເປັນຜູ້ນໍາຍິງຄົນໜຶ່ງຂອງປະເທດເພື່ອບ້ານ(ໄທ) ທີ່ປະຊາຊົນຮັກ, ເຊື່ອໝັ້ນ ແລະ ນິຍົມເປັນຈໍານວນຫຼາຍ, ເຊິ່ງຫຼ້າສຸດຕົວຜູ້ກ່ຽວເອງບໍ່ໄດ້ຢູ່ປະເທດໄທແລ້ວແຕ່ກໍຍັງສົ່ງທັງກໍາລັງໃຈ ແລະ ເຄື່ອງຊ່ວຍເຫຼືອຕ່າງໆໃຫ້ປະຊາຊົນເພື່ອສູ້ກັບໂຄວິດ-19 ຢູ່ບໍ່ຂາດສາຍ, ເຮັດໃຫ້ເຫັນໄດ້ເຖິງຄວາມມີນໍ້າໃຈ, ຄວາມຫ່ວງໃຍປະຊາຊົນ ພ້ອມນີ້ຍັງຝາກຄວາມຫ່ວງໃຍເຖິງມະນຸດເງິນນ້ອຍ ລວມເຖິງຜູ້ປະກອບການວ່າຄວນຄິດ ແລະປະຕິບັດຕົນແນວໃດໃນໄລຍະນີ້.

 

ມື້ນີ້ ວັນທີ 13 ເມສາ 2020 ພໍດີເປັນມື້ເປີດຂອງເທດສະການສົງການປີໃໝ່ຂອງໄທ ເຊັ່ນດຽວກັນກັບລາວເຮົາ, ເຊິ່ງໃນໂອກາດນີ້ ສາວ ຍິ່ງລັກ ຊິນນະວັດ ໄດ້ອອກມາໂພສລົງໃນເຟສບຸກສ່ວນຕົວ ໃນຫຼາຍໆຢ່າງອັນສຳຄັນແມ່ນກໍາລັງໃຈເຖິງທຸກຄົນໃຫ້ພ້ອມກັນຜ່ານຜ່າວິກິດນີ້ໄປໃຫ້ໄດ້.

ສາວຍິ່ງລັກລະບຸວ່າ: ມື້ນີ້ເປັນມື້ສົງການ ແລະ ຖືວ່າເປັນວັນປີໃໝ່ຂອງຊາວພຸດທຸກຄົນ ຕົນເອງກໍ່ຂໍສົ່ງຄວາມຮັກຄວາມປາຖະໜາດີຈາກໃຈໄປຍັງພີ່ນ້ອງທຸກທ່ານ ປີນີ້ເປັນປີທີ່ຍາກລໍາບາກເພາະການແແຜ່ລະລາດຂອງເຊື້ອໄວຣັດໂຄວິດ-19 ເຮັດໃຫ້ຜູ້ຄົນຕ່າງລະມັດລະວັງດູແລຕົນເອງຢູ່ເຮືອນ ເຮັດໃຫ້ທຸລະກິດຕ່າງໆ ຕ້ອງຢຸດຊະງັກ ດັ່ງນັ້ນຂໍເປັນກໍາລັງໃຈໃຫ້ທຸກທ່ານຢ່າທໍ້ຖອຍ.

ສໍາລັບນັກທຸລະກິດ ຫຼື ຄົນທໍາມາຄ້າຂາຍຂໍໃຫ້ໃຊ້ວິກິດນີ້ເປັນໂອກາດໃນການຄິດ ແລະ ສ້າງສັນສິ່ງໃໝ່ໆ ຄາດການໄປທາງໜ້າ ແລະ ປັບຮູບແບບທຸລະກິດໃຫ້ຕອບໂຈດກັບວິຖີຊີວິດທີ່ອາດຈະປ່ຽນໄປຈາກເກົ່າຫຼາຍຫຼັງຈາກສະຖານະການຜ່ອນຄາຍເຂົ້າສູ່ພາວະປົກກະຕິ.

ສ່ວນພີ່ນ້ອງແຮງງານຄົນຫາເຊົ້າກິນຄໍ່າ, ລູກຈ້າງ, ປະຊາຊົນທີ່ບໍ່ສາມາດເຂົ້າເຖິງການຢຽວຢາຈາກລັດຖະບານ ກໍ່ຂໍໃຫ້ລັດຖະບານພິຈາລະນາມາດຕະການທີ່ຈະດູແລປະຊາຊົນຢ່າງທົ່ວເຖິງຄວບຄຸມ ແລະ ຮອບດ້ານໃນເວລາອັນໄວເພື່ອໃຫ້ທັນຕໍ່ສະຖານະການ.

ສິ່ງສໍາຄັນທີ່ຢາກຝາກກັບພີ່ນ້ອງປະຊາຊົນໃຫ້ໃຊ້ເວລາຊ່ວງນີ້ຢູ່ກັບຄອບຄົວ, ເບິ່ງແຍງສຸຂະພາບ, ອອກກໍາລັງກາຍສະໝໍ່າສະເໝີ ເພື່ອໃຫ້ຮ່າງກາຍແຂງແຮງ ຫຼີກລ່ຽງຄວາມສ່ຽງຕ່າງໆ ເພື່ອໃຫ້ຫ່າງໄກຈາກໄວຣັດນີ້. ນອກຈາກນີ້ສາວຍິ່ງລັກ ຍັງໄດ້ອວຍພອນປີໃໝ່ ຂໍໃຫ້ທຸກຄົນມີແຮງກາຍແຮງໃຈທີ່ດີ ຜ່ານຜ່າອຸປະສັກນີ້ ແລະ ກັບມາມີຮອຍຍິ້ມໄດ້ໂດຍໄວ.