ສຸດສະເທືອນໃຈ! ຄົນໃນຄອບຄົວ 3ຊີວິດ ຕ້ອງຈາກໄປແບບບໍ່ຫວນກັບ ຍ້ອນໂຄວິດ-19

ສຸດສະເທືອນໃຈ! ຄົນໃນຄອບຄົວ 3ຊີວິດ ຕ້ອງຈາກໄປແບບບໍ່ຫວນກັບ ຍ້ອນໂຄວິດ-19

14th April 2020 0 By Education

ນັບວ່າເປັນຂ່າວທີ່ໜ້າເສົ້າສຸດສະເທອນໃຈ ແລະ ມັນຍາກເກີນທໍາໃຈສໍາລັບຄົນທີ່ຕ້ອງສູນເສຍຄົນໃນຄອບຄົວໄປເຖິງ 3ຄົນໃນເວລາທີ່ຫ່າງກັນບໍ່ພຽງເທົ່າໃດມື້ ຍ້ອນໂຄວິດ-19, ເຊິ່ງແນ່ນອນວ່າການມ້ຽນຄາບສົບຄົນໃນຄອບຄົວເຖິງ 3ຄົນມັນເປັນເລື່ອງທີ່ສະເທືອນໃຈແຮງ.

ເມື່ອວັນທີ 13 ເມສາ 2020 ທີ່ຜ່ານມາ ເວັບໄຊ້ເດລີເມວ ລາຍງານເກີດເຫດການທີ່ໜ້າສະເທືອນໃຈ ເມື່ອຄອບຄົວຕະກູນແມັກວີຄາ ໃນອັງກິດຕ້ອງສູນເສຍຄົນໃນຄອບຄົວເປັນລາຍທີ 3 ຈາກໂຄວິດ-19 ໃນໄລຍະເວລາພຽງ 2 ອາທິດ ໂດຍກ່ອນໜ້ານີ້ທ້າວຄີ  ແມັກວີຄາ ອາຍຸ 84ປີ ແລະ ນາງ ຈີນ ແມັກວີຄາ ອາຍຸ 82 ປີ ເຊິ່ງເປັນພໍ່ແມ່ຂອງນາງເຈນີ່ ແມັກວີຄາ ທີ່ຫາກໍ່ເສຍຊີວິດໄປຍ້ອນໂຄວິດ ເມື່ອ 2ອາທິດທີ່ຜ່ານມາ ແຕ່ແລ້ວ ນາງເຈນີ່ ອາຍຸ 62ປີ ກໍ່ຕ້ອງມາເສຍຊີວິດອີກລາຍຈາກການຕິດເຊື້ອໄວຣັດນີ້.

ທັງນີ້, ກ່ອນນາງເຈນີ່ ເສຍຊີວິດ ນາງໄດ້ໂພສຂໍ້ຄວາມ ຮຽກຮ້ອງໃຫ້ໝູ່ເພື່ອນ ແລະ ຄົນທີ່ຕົນເອງຮູ້ຈັກ ຄວນເຊື່ອຟັງ ແລະ ປະຕິບັດຕາມມາດຕະການປ້ອງກັນການຕິດເຊື້ອໂຄວິດ-19 ໂດຍສະເພາະການເວັ້ນໄລຍະຫ່າງສັງຄົມ  ຈົ່ງຢູ່ເຮືອນມັນສາມາດຊ່ວຍຊີວິດເຈົ້າໄດ້.

ແນວໃດກໍ່ຕາມ ເລື່ອງລາວດັ່ງກ່າວນີ້ ຖືເປັນຄະຕິເຕືອນໃຈອີກຢ່າງໜຶ່ງທີ່ເຮັດໃຫ້ເຫັນວ່າເຊື້ອໄວຮັດນີ້ມັນຮ້າຍແຮງສໍ່າໃດ ແລະ ທຸກຄົນຕ້ອງປະຕິບັດຕາມມາດຕະການປ້ອງກັນທີ່ລັດຖະບານວາງອອກຢ່າງເຂັ້ມງວດ, ຈົ່ງເກັບຕົວຢູ່ເຮືອນ ບໍ່ດັ່ງນັ້ນ ທ່ານອາດເປັນຜູ້ໂຊກຮ້າຍຄົນຕໍໄປກໍ່ເປັນໄດ້.

ຂໍ້ມູນຈາກ: ໄທລັດ