ເປັນກໍາລັງໃຈໃຫ້ເຈົ້າໜ້າທີ່! ກຽມລົງພື້ນທີ່ ເຜີຍແຜ່ຂໍ້ມູນຕ້ານໂຄວິດ ພ້ອມປາບຜູ້ຝ່າຝືນຄໍາສັ່ງ ເລກທີ 06/ນຍ

ເປັນກໍາລັງໃຈໃຫ້ເຈົ້າໜ້າທີ່! ກຽມລົງພື້ນທີ່ ເຜີຍແຜ່ຂໍ້ມູນຕ້ານໂຄວິດ ພ້ອມປາບຜູ້ຝ່າຝືນຄໍາສັ່ງ ເລກທີ 06/ນຍ

17th April 2020 0 By Education

ໃນໄລຍະຜ່ານມາ ເຊື່ອວ່າຫຼາຍຄົນຈະເຫັນ ແລະ ຮັບຮູ້ຂ່າວທີ່ເຜີແຜ່ຕາມສື່ສັງຄົມອອນລາຍຈໍານວນຫຼາຍ ກ່ຽວກັບຜູ້ຄົນກຸ່ມແກ້ງຈໍານວນໜຶ່ງທີ່ຝ່າຝືນຄໍາສັ່ງນາຍົກ ໂດຍສະເພາະແມ່ນລັກລອບຕັ້ງວົງດື່ມເຫຼົ້າ, ເບຍ ຕາມສະຖານທີ່ລັບລີ້ຕ່າງໆ ເປັນຕົ້ນແມ່ຢູ່ປ່າ, ຢູ່ແຄມນໍ້າຫ້ວຍ ແຕ່ຍ້ອນການເອົາໃຈໃສ່ປະຕິບັດໜ້າທີ່ຂອງເຈົ້າໜ້າທີ່ທີ່ກ່ຽວຂ້ອງກໍ່ໄດ້ລົງພື້ນທີ່ເພື່ອກັກຕົວກຸ່ມຄົນເຫຼົ່ານີ້ ມາສຶກສາອົບຮົມແລ້ວ.

ຫຼ້າສຸດ ມື້ນີ້ ວັນທີ 17 ເມສາ 2020 ຫ້ອງການ ຖວທ ເມືອງອຸທຸມພອນ ສົມທົບກັບກອງບັນຊາການ ປກສ ເມືອງອຸທຸມພອນ ສືບຕໍ່ລົງເຄື່ອນໄຫວໂຄສະນາປະຊາສຳພັນ ແລະ ເຜີຍແຜ່ຂໍ້ມູນຂ່າວສານ ກ່ຽວກັບການເພີ່ມທະວີ ມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 ຢູ່ເມືອງອຸທຸມພອນ.

ແນວໃດກໍ່ຕາມ ແອັດມິນຂໍເປັນກໍາລັງໃຈໃຫ້ກັບເຈົ້າໜ້າທີ່ທຸກພາກສ່ວນໃນການປະຕິບັດໜ້າທີ່ ເພື່ອສັງຄົມ, ພ້ອມນີ້ກໍ່ຂໍຮຽກຮ້ອງມາຍັງທຸກຄົນໃນຊາດໃຫ້ຮ່ວມມືກັນປະຕິບັດຕາມຄໍາສັ່ງຂອງທ່ານນາຍົກລັດຖະມົນຕີຢ່າງເຂັ້ມງວດ ທັງນີ້ກໍ່ເພື່ອຄວບຄຸມ ແລະ ສະກັດກັ້ນການລະບາດຂອງເຊື້ອພະຍາດອັນຮ້າຍແຮງນີ້.