ພົບແຮງງານລາຍວັນ ຖືກເລີກຈ້າງ ຈໍານວນຫຼາຍ ຢູ່ສວນເຈົ້າອານຸວົງ ບໍ່ມີບ່ອນຢູ່ ບໍ່ມີອາຫານການກິນ

ພົບແຮງງານລາຍວັນ ຖືກເລີກຈ້າງ ຈໍານວນຫຼາຍ ຢູ່ສວນເຈົ້າອານຸວົງ ບໍ່ມີບ່ອນຢູ່ ບໍ່ມີອາຫານການກິນ

17th April 2020 0 By Education

ຍ້ອນພົບວິກິດຈາກການລະບາດຂອງພະຍາດໂຄວິດ-19 ເຮັດໃຫ້ກິດຈະການຫຼາຍຢ່າງໃນລາວຕ້ອງຢຸດດໍາເນີນງານ ຫຼື ຕ້ອງປິດໂຕລົງ, ເຊິ່ງມັນສົ່ງຜົນກະທົບທັງຜູ້ປະກອບການ ແລະ ລູກຈ້າງ ຍິ່ງໄປກວ່ານັ້ນຜູ້ທີ່ຫາເຊົ້າກິນຄໍ່າ ຫາຮັບຈ້າງລາຍວັນເມື່ອບໍ່ມີວຽກໃຫ້ເຮັດກໍ່ບໍ່ມີເງິນປະທັງຊີວິດ.

ເຊິ່ງຫຼ່້າສຸດ ເຈົ້າໜ້າທີ່ພົບແຮງງານລາຍວັນ ຖືກເລີກຈ້າງ ຈໍານວນຫຼາຍ ຢູ່ສວນເຈົ້າອານຸວົງທີ່ບໍ່ມີບ່ອນຢູ່, ບໍ່ໄດ້ເຮັດວຽກ, ບໍ່ມີອາຫານກິນ ເຊິ່ງແຮງງານເຫຼົ່ານີ້ມາຈາກຫຼາຍແຂວງເປັນຕົ້ນແມ່ນ ນະຄອນຫລວງວຽງຈັນ, ແຂວງບໍ່ແກ້ວ, ແຂວງຊຽງຂວາງ, ແຂວງໄຊຍະບູລີ, ແຂວງສາລະວັນ

ໃນຈໍານວນນີ້ ມີກໍລະນີແມ່ມານ 1 ຄົນ, ຕາມຂໍ້ມູນທີ່ສອບຖາມມີຄວາມສັບສົນ ຮູ້ແຕ່ວ່າ ຖືພາໄດ້ 7 ເດືອນ ມາຈາກເມືອງຕົ້ນເຜີ້ງ ແຂວງບໍ່ແກ້ວ, ມາຢູ່ນະຄອນຫລວງປະມານ 1 ປີ ເຄີຍເຮັດວຽກຢູ່ໂຮງງານຖົງຢາງ ຫລັກ 52 ບໍ່ມີບ່ອນຢູ່ທີ່ແນ່ນອນ, ມາເອົາອາຫານຢູ່ສວນເຈົ້າອານຸວົງ; ຄືກັນກັບຄົນທີ່ມາສວນແຫ່ງນີ້ຈະມາເຕົ້າໂຮມກັນເວລາປະມານ 11-12 ໂມງທ່ຽງ ເພື່ອມາຮັບເອົາອາຫານທີ່ມີຄົນນໍາມາແຈກຢາຍຢູ່ສວນເຈົ້າອານຸວົງ ຈຸດຢູ່ໃກ້ກັບສວນຫລີ້ນເດັກແຄມຂອງເລີ່ມແຕ່ມີການແຈກຢາຍ.

ສະນັ້ນຈຶ່ງ ຂໍຄວາມຮ່ວມມືກັບກຸ່ມອາສາ, ຜູ້ໃຈບຸນທີ່ຕ້ອງການແຈກຢາຍອາຫານໃຫ້ກຸ່ມຄົນທີ່ອາໃສຢູ່ສະຖານທີ່ສາທາລະນະຂໍໃຫ້ປະສານໄປຫາ ຄະນະສະເພາະກິດຂັ້ນເມືອງ ເພື່ອຄວາມສະດວກໃນການຄຸ້ມຄອງ ແລະ ຄວາມເປັນລະບຽບຮຽບຮ້. ແນວໃດກໍ່ຕາມ ສ່ວນກຸ່ມຄົນດັ່ງກ່າວຄະນະສະເພາະກິດຈະໄດ້ນໍາເຂົ້າສູນກັກກັນຂອງເມືອງຊົ່ວຄາວ ແລະຈະໃຫ້ການຊ່ວຍເຫລືອຕາມຄວາມເໝາະສົມ

ຂໍ້ມູນຈາກ: Vilayvone

ທີ່ມາ: ວິທະຍຸຊາວໜຸ່ມ