ໜ້າຮັກແຮງ! ເຟສບຸກເພີ່ມປຸ່ມກົດຫ່ວງໃຍ ໃຫ້ກໍາລັງໃຈຕໍ່ສູ້ໂຄວິດ-19 ກຽມໃຊ້ອາທິດໜ້າ

ໜ້າຮັກແຮງ! ເຟສບຸກເພີ່ມປຸ່ມກົດຫ່ວງໃຍ ໃຫ້ກໍາລັງໃຈຕໍ່ສູ້ໂຄວິດ-19 ກຽມໃຊ້ອາທິດໜ້າ

18th April 2020 0 By Education

ອັບເດດມາໃໝ່ຕະຫຼອດສໍາລັບລູກຫຼິ້ນຕ່າງໆເທິງເຟສບຸກ ບໍ່ວ່າຈະເປັນການຫຼິ້ນເກມຕ່າງໆ, ການຫາຄູ່, ປຸ່ມກົດສະແດງຄວາມຮູ້ສຶກຫຼາກຫຼາຍອາລົມ ແລະ ຫຼ້າສຸດ ກຽມມາອີກຟີເຈີໜຶ່ງຄືປຸ່ມກົດສະແດງຄວາມຫ່ວງໃຍ ໃຫ້ກໍາລັງໃຈທຸກຄົນສູ້ກັບໂຄວິດ-19 ແອັດມິນຫວັງວ່າຈະໄດ້ໃຊ້ໃນໄວໆນີ້.

ໃນວັນທີ 18 ເມສາ 2020 ມີລາຍງານວ່າ ເຟສບຸກ ເຄືອຂ່າຍສັງຄົມຍອດນິຍົມ ກຽມເພີ່ມປຸ່ມສະແດງຄວາມຫ່ວງໃຍທີ່ເປັນຮູບໜ້າອີໂມຈິກອດຫົວໃຈ ເພື່ອໃຫ້ຜູ້ໃຊ້ເຟສບຸກໄດ້ກົດສະແດງຄວາມຮູ້ສຶກທີ່ເປັນການໃຫ້ກໍາລັງໃຈ ສະໜັບສະໜູນກັນ ແລະ ມີຄວາມເຊື່ອມຕໍ່ເຖິງກັນຫຼາຍຂຶ້ນຂອງຄົນພາຍໃນຄອບຄົວ ແລະ ໝູ່ຄູ່ ທ່າມກາງສະຖານະການແຜ່ລະບາດຂອງເຊື້ອໄວຣັດໂຄວິດ-19 ໂດຍທາງເຟສບຸກຈະເລີ່ມໃຫ້ໃຊ້ປຸ່ມຫ່ວງໃຍນີ້ໄດ້ທາງແອັບພີເຄເຊິນ ແລະ ເວັບໄຊ້ຂອງເຟສບຸກພາຍໃນອາທິດໜ້າ  ນອກຈາກນີ້ເຟສບຸກ ຍັງເຮັດປຸ່ມຫ່ວງໃຍເປັນຮູບຫົວໃຈເຕັ້ນໄວ້ໃຊ້ກັບເຟສບຸກແມສເຊັນເຈີອີກດ້ວຍ.

ແນວໃດກໍ່ຕາມ ການເພີ່ມຟີເຈີໃໝ່ຂອງເຟສບຸກນີ້ມີຂຶ້ນ ຫຼັງຈາກມື້ກ່ອນໜ້າເຄືອຂ່າຍສັງຄົມນິຍົມແຫ່ງໜຶ່ງ ໄດ້ປະກາດທີ່ຈະເພີ່ມເຕີມຂໍ້ຄວາມເຕືອນ ທີ່ສະແດງການຕໍ່ຕ້ານການໃຫ້ຂໍ້ມູນປອມໃນການແຈ້ງເຕືອນຂ່າວ ຂອງຜູ້ທີ່ແຊບົດຄວາມ ຫຼື ຂໍ້ຄວາມທີ່ເປັນຂ່າວລວງທີ່ກ່ຽວຂ້ອງກັບສະຖານະການການລະບາດຂອງພະຍາດໂຄວິດ-19.

ທີ່ມາ: ມະຕິຊົນ