ພໍ່ຄ້າໂຊກຮ້າຍ! ຂັບລົດບັນທຸກຊີ້ນໄກ່ມາດີໆ ຢາງລົດແຕກ ເຈີດໄປຕໍາເສົາໄຟ ລົດໄກ່ຂວໍ້າເຕັມຫົນທາງ

ພໍ່ຄ້າໂຊກຮ້າຍ! ຂັບລົດບັນທຸກຊີ້ນໄກ່ມາດີໆ ຢາງລົດແຕກ ເຈີດໄປຕໍາເສົາໄຟ ລົດໄກ່ຂວໍ້າເຕັມຫົນທາງ

19th April 2020 0 By Education

ນັບເປັນມື້ໂຊກຮ້າຍຂອງພໍ່ຄ້າຄົນນີ້ ທີ່ຂີ່ລົດຕ່າງຊີ້ນໄກ່ເພື່ອໄປຂາຍ ແຕ່ຢູ່ດີໆ ຢາງລົດທາງຫຼັງແຕກເທື່ອລະເບື້ອງ ເຮັດໃຫ້ລົດເສຍຫຼັກ ເຈີດລົງແຄມທາງຕໍາເອົາຕົ້ນໄມ້ ແລະ ເສົາໄຟ ເຮັດໃຫ່ໄກ່ທີ່ບັນທຸກຢູ່ກະບະຟົ້ງກະເດັນເສຍຫາຍເຕັມຫົນທາງດັ່ງພາບທີ່ເຫັນ ເຊິ່ງເຫດການດັ່ງກ່າວແມ່ນເກີດຂຶ້ນທີ່ປະເທດໄທ.

ຂໍ້ມູນຈາກມູນນິທິຮ່ວມກະຕັນຍູ ໃຫ້ຮູ້ວ່າ: ໃນວັນທີ 18 ເມສາ 2020 ເວລາ ປະມານ 16:45 ຮ່ວມກະຕັນຍູພຸເຕີຍ ໄດ້ຮັບແຈ້ງເຫດວ່າມີລົດຍົນຢາງແຕກເຈີດໄປຕໍາເສົາໄຟຟ້າເຍືອງທາງ ແລະ ຕົ້ນໄມ້ ແຕ່ໂຊກດີມີຜູ້ໄດ້ຮັບບາດເຈັບເລັກນ້ອຍເທົ່ານັ້ນ, ສະຖານທີ່ເກີດເຫດແມ່ນຢູ່ທາງຫຼວງເລກທີ 21 ຖະໜົນສາຍສະຣະບູລີ-ຫຼົ່ມສັກ ຝັ່ງຂຶ້ນເພັດຊະບູນ ລະຫວ່າງຫຼັກກິໂລແມັດທີ່ 120-121 ບໍລິເວນໜ້າສານຈັງຫວັດວິຊຽນບຸຣີ ມ.7 ຕໍາບົນ ສຣະປຣະດູ່ ອໍາເພີວິຊຽນບູຣີ ຈັງຫວັດເພັດຊະບູນ ພົບລົດຍົນກະບະແບບຕອນດຽວຍີ່ຫໍ້ toyota ລຸ້ນ revo ສີເທົາ ຕໍາເສົາໄຟຟ້າເຍືອງທາງໄດ້ຮັບຄວາມເສຍຫາຍ 2ເສົາ ແລະ ຕົ້ນໄມ້ໃນຮ່ອງກາງຫົນທາງ, ໃນລົດມີພຽງຜູ້ຂັບມາຄົນດຽວ ເຊິ່ງບາດເຈັບເລັກນ້ອຍ ຈຶ່ງຮີບນໍາຕົວສົ່ງໂຮງໝໍ.

ຈາກການສອບຖສມຫາສາເຫດເບື້ອງຕົ້ນໃຫ້ຮູ້ວ່າ ເກີດຈາກຢາງລົດຫຼັງທັງສອງເບື້ອງເລີ່ມແຕກເທື່ອລະອັນ ຈົນເຮັດໃຫ້ລົດເສຍຫຼັກເຈີດລົງແຄມທາງຕໍາເສົາໄຟເຍືອງທາງ ແລະ ຕົ້ນໄມ້ດັ່ງກ່າວ.

ເສຍຫາຍທັງລົດທັງໄກ່ ເສຍດາຍເດ

ຂອບໃຈ: ຮ່ວມກະຕັນຍູ