ຄວາມຈິງເປັນແນວໃດ? ເຫດແມ່ຄ້າໂກງຕາຊິງຢູ່ສະຫວັນນະເຂດ

ຄວາມຈິງເປັນແນວໃດ? ເຫດແມ່ຄ້າໂກງຕາຊິງຢູ່ສະຫວັນນະເຂດ

21st April 2020 0 By Education

ເປັນກະແສທີ່ກໍາລັງຮ້ອນຢູ່ຕອນນີ້ ສໍາລັບປະເດັນແມ່ຄ້າຢູ່ຕະຫຼາດແຫ່ງໜຶ່ງໃນແຂວງສະຫວັນນະເຂດ ໂກງຕາຊິງລູກຄ້າ ຈາກຊື້ກຸ້ງ 4ໂລທີ່ແມ່ຄ້າຊັ່ງຊິງຂາຍໃຫ້ ແຕ່ເມື່ອເອົາໄປຊັ່ງຊິງທໍາມະດາໜ່ວຍໃໝ່ກັບມີພຽງ 2,5ກິໂລເທົ່ານັ້ນ, ເຊິ່ງເຮັດລູກຄ້າກັບມາໂວຍແມ່ຄ້າ ແລະ ມີປາກສຽງກັນສະນັ່ນຕະຫຼາດ.

ເຫດການດັ່ງກ່າວເກີດຂຶ້ນຢູ່ຕະຫຼາດແຫ່ງໜຶ່ງຢູ່ແຂວງສະຫວັນນະເຂດ ໂດຍມີຜູ້ໃຊ້ເຟສບຸກຊື່ ສົມໝາຍຕະຫຼາດນາດີ ໂພສຄຫຼິບ, ຮູບພາບ ພ້ອມຂໍ້ຄວາມລະບຸໄວ້ວ່າ: ຝາກເຕືອນໄພທຸກຄົນ ໄປຊື້ເຄື່ອງຢູ່ຕະຫຼາດສົດສະຫວັນໄຊ ຊື້ກຸ້ງ 4 ໂລ ມາຕິດຊິງຂ້າງໄດ້ 2,5ໂລ; ຊື້ປາມຶກ 10 ໂລ ໄດ້ 6,9ໂລ; ຊື້ໜວດ 1,5 ໂລ ຕິດຊິງໄດ້ 8ຂີດ ນອກຈາກນີ້ ຂໍສົ່ງຄືນກໍ່ບໍ່ຍອມ.

ແນວໃດກໍ່ຕາມ ຢາກໃຫ້ທຸກຄົນລໍຖ້າຟັງສຽງຈາກແມ່ຄ້າກ່ອນ ບໍ່ຢາກໃຫ້ຟັງຄວາມຂ້າງດຽວ, ທັງນີ້ ວອນຂໍໃຫ້ພາກສ່ວນກ່ຽວຂ້ອງລົງກວດກາຫາຄໍາຕອບເພື່ອສ້າງຄວາມເຊື່ອໝັ້ນໃຫ້ແກ່ປະຊາຊົນທີ່ໄປໃຊ້ບໍລິການໃນຕະຫຼາດແຫ່ງນີ້ດ່ວນ.