ໜັງຄົນລະມ້ວນ! ເຫດຊາຍໜຸ່ມໂພສປະຈານແມ່ຄ້າໂກງຕາຊິງ ດ້ານພາກສ່ວນກ່ຽວຂ້ອງລົງພື້ນທີ່ແລ້ວ

ໜັງຄົນລະມ້ວນ! ເຫດຊາຍໜຸ່ມໂພສປະຈານແມ່ຄ້າໂກງຕາຊິງ ດ້ານພາກສ່ວນກ່ຽວຂ້ອງລົງພື້ນທີ່ແລ້ວ

21st April 2020 0 By Education

ກ່ອນໜ້ານີ້ ແອັດມິນໄດ້ນໍາສະເໜີໄປແລ້ວກ່ຽວກັບເຫດການທີ່ຜູ້ໃຊ້ເຟສບຸກທ່ານໜຶ່ງອອກມາໂພສພາບພ້ອມຂໍ້ຄວາມເຕືອນສະຕິທຸກຄົນກ່ຽວກັບຖືກໂກງຕາຊິງຢູ່ຕະຫຼາດແຫ່ງໜຶ່ງຢູ່ສະຫວັນນະເຂດ ໂດຍຊາຍດັ່ງກ່າວອ້າງວ່າຕົນຖືກແມ່ຄ້າເອົາປຽບໂກງຕາຊິງ, ເຊິ່ງຫຼ້າສຸດມື້ນີ້ ວັນທີ 21 ເມສາ 2020 ແມ່ຄ້າຄົນດັ່ງກ່າວໄດ້ຮັບໂອກາດອອກມາເວົ້າໃນມຸມຂອງຕົນເອງແລ້ວ.

ອ້າງອີງຈາກແຫຼ່ງຂ່າວ Vilaysone lithsounthone ນັກຂ່າວແຂວງສະຫວັນນະເຂດ ທີ່ໄດ້ລົງພື້ນທີ່ພ້ອມກັບເຈົ້າໜ້າທີ່ກ່ຽວຂ້ອງ ເພື່ອລົງກວດສອບຫາຂໍ້ເທັດຈິງມາໃຫ້ສັງຄົມໄດ້ຮັບຮູ້, ເຊິ່ງການລົງພື້ນທີ່ໃນຄັ້ງນີ້ເຫັນໄດ້ການໃຫ້ຂໍ້ມູນຂອງແມ່ຄ້າຄູ່ກໍລະນີ ແລະ ພະຍານພາຍໃນຕະຫຼາດອີກ ຕ່າງເວົ້າເປັນສຽງດຽວກັນວ່າ ຊາຍຄູ່ກໍລະນີມີການຕໍ່ລາຄາຫຼາຍເກີນໄປ ເຮັດໃຫ້ແມ່ຄ້າຕ້ອງຮັບປາກຕົບຄໍາຈະຂາຍໃຫ້ແຕ່ກໍ່ຊິໃຫ້ໄດ້ໃນຈໍານວນເງິນທີ່ລູກຄ້າມີ.

ຍ້ອນແນວນັ້ນ ຈອ່ງເກີດມີປະເດັນດັ່ງກ່າວຂຶ້ນ ຍ້ອນລູກຄ້າຄິດວ່າລາຄາທີ່ຕົນເອງຕໍ່ລົງນັ້ນ ຍັງຈະໄດ້ປະລິມານສໍ່າເກົ່າ ແຕ່ກົງກັນຂ້າມແມ່ຄ້າຫຼຸດລົງຄາລົງຂະນະດຽວກັນກໍ່ຫຼຸດປະລິມານສິນຄ້າລົງນໍາ ເຊິ່ງລາຍລະອຽດສາມາດຕິດຕາມໃນຄລິບລຸ່ມນີ້ໄດ້.

https://web.facebook.com/watch/?v=3258831281008992

ເຖິງຢ່າງໃດກໍ່ຕາມ ເລື່ອງລາວເຫດການທີ່ເກີດຂຶ້ນ ເຮັດໃຫ້ເຫັນໄດ້ເຖິງການສື່ສານທີ່ບໍຊັດເຈນ, ບໍ່ມີການຕົກລົງເຫັນດີຮ່ວມກັນທັງສອງຝ່າຍຢ່າງຈະແຈ້ງ ຈຶ່ງເຮັດໃຫ້ເກີດເຫດການແບບນີ້ຂຶ້ນ.

ພະນັກງານກ່ຽວຂ້ອງລົງກວດສອບ