ອີກ 2-3ວັນຕໍ່ໜ້າ! ກຽມຮັບມືກັບພາຍຸລະດູຮ້ອນອັນຮ້າຍແຮງ

ອີກ 2-3ວັນຕໍ່ໜ້າ! ກຽມຮັບມືກັບພາຍຸລະດູຮ້ອນອັນຮ້າຍແຮງ

22nd April 2020 0 By Education

ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນລະວັງພາຍຸລະດູຮ້ອນປະຈຳວັນທີ 22 ເມສາ 2020 ໂດຍໃຫ້ຮູ້ວ່າ ໃນອີກ 2-3 ວັນຕໍ່ໜ້າ ແຈ້ງໃຫ້ພໍ່ແມ່ປະຊາຊົນ ກຽມພ້ອມຮັບມືກັບສະພາບອາກາດອັນຮ້າຍແຮງ ເຖິງຂັ້ນມີໝາກເຫັບຕົກ, ຜ້າຜ່າ, ຕົ້ນໄມ້, ເສົາໄຟຟ້າຫັກເປ່ເພ.

ເນື່ອງຈາກແລວປະທະຂອງມວນອາກາດຮ້ອນ ແລະ ອາກາດເຢັນໄດ້ມາປະທະກັນຢູ່ແຂວງພາກເໜືອ ຫາ ພາກກາງຂອງປະເທດລາວ, ສົມທົບກັບກະແສລົມຕາເວັນຕົກພັດປົກຄຸມພາກເໜືອ ແລະ ກະແສລົມຕາເວັນອອກສ່ຽງໃຕ້ພັດປົກຄຸມພາກກາງ ແລະ ພາກໃຕ້.

ເຊິ່ງຍັງຈະເຮັດໃຫ້ອາກາດຮ້ອນ ຫາ ຮ້ອນເອົ້າຢູ່ຕື່ມອີກ ແລະ ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍຢູ່ໃນແຕ່ລະພາກ ແລະ ຕົກປານກາງ ຫາ ຕົກໜັກ, ຟ້າຜ່າ, ໝາກເຫັບຕົກ ລົມພັດແຮງທີ່ອາດຈະເຮັດໃຫ້ມີຕົ້ນໄມ້ໃຫ່ຍ ແລະ ເສົາໄຟຟ້າຫັກລົ້ມ ໃນໄລຍະຕອນບ່າຍຫາກາງຄືນ, ດັ່ງນັ້ນຈື່ງແຈ້ງເຕືອນເຖີງອໍານາດການປົກຄອງ ແລະ ປະຊາຊົນບັນດາເຜົ່າ ໃຫ້ມີສະຕິລະມັດລະວັງ ຕໍ່ສະພາບອາກາດຮ້າຍແຮງ ທີ່ຈະເກີດຂື້ນໃນໄລຍະ 2 ຫາ 3 ວັນຕໍ່ໜ້ານີ້.