ຂົວເຊກອງ ຂົວຍີ່ປຸ່ນສ້າງໃຫ້ ສາມາດທົນຕໍ່ສະພາບນໍ້າຖ້ວມແຮງໄດ້

ຂົວເຊກອງ ຂົວຍີ່ປຸ່ນສ້າງໃຫ້ ສາມາດທົນຕໍ່ສະພາບນໍ້າຖ້ວມແຮງໄດ້

28th December 2019 0 By Admin

ຂົວເຊກອງ ທີ່ເມືອງລະມາມແຂວງເຊກອງ ຂົວຍີ່ປຸ່ນສ້າງໃຫ້ ທີ່ຖືໄດ້ວ່າໄດ້ມາດຕະຖານ ແລະ ແຂງແຮງ ທົນທານ ທີ່ກ່າວຢູ່ນີ້ຄື  ຂົວທີ່ຍີ່ປຸ່ນສ້າງໃຫ້ ເປັນ ຂົວເຊກອງ ສາມາດທົນຕໍ່ສະພາບນໍ້າຖ້ວມທີ່ຮຸນແຮງໄດ້ ບໍ່ມີເປ່ເພ ຈັກໜ້ອຍ ! ຄຸນນະພາບສຸດຍອດ ຕ້ອງຍົກໂປ້ ໃຫ້ ນັກວິສະວະກອນ ຍີ່ປຸ່ນອີ່ຫຼີ່ !

ໃນລະດູຝົນຂອງປີ 2019 ທີ່ຜ່ານມາ ແມ່ນໍ້າເຊກອງໄດ້ຍື່ງຂຶ້ນສູງ ຈົນຮອດລະດັບ 1-2ແມັດກ້ອງຂາງຂົວເຊກອງ ແລະກໍ່ໄດ້ເຂົ້າຖ້ວມພື້ນທີ່ເຂດໃກ້ຄຽງ ແຕ່ຂົວເຊກອງທີ່ສ້າງຂຶ້ນພາຍໃຕ້ການຊ່ວຍເຫຼືອລ້າຂອງຍີ່ປຸ່ນ ກໍ່ຍັງຄົງສາມາດເຮັດໜ້າທີ່ໃນການເຊື່ອມຕໍ່ສອງຟາກຂອງແມ່ນໍ້າໄວ້ໄດ້ເປັນຢ່າງດີ.

ໃນເມື່ອກ່ອນທີ່ບໍ່ທັນກໍ່ສ້າງຂົວ ປະຊາຊົນຕ້ອງໄດ້ອາໄສເຮືອບັກເພື່ອຂ້າມນໍ້າ ເຊິ່ງມັກຈະຢຸດແລ່ນເມື່ອລະດັບນໍ້າຂຶ້ນສູງແບບນີ້ ເຮັດໃຫ້ບໍ່ສາມາດໄປມາຫາສູ່ກັນໄດ້. ແຕ່ເມື່ອຂົວແຫ່ງນີ້ສໍາເລັດ ກໍ່ໄດ້ກາຍເປັນເສັ້ນທາງການຂົນສົ່ງອັນສະດວກສະບາຍກວ່າເກົ່າ.

ພ້ອມກັນນັ້ນ ເຖິງລະດັບນໍ້າຈະຂຶ້ນສູງກວ່າປີຜ່ານມາ ຂົວດັ່ງກ່າວກໍ່ຍັງຄົງຢືນຢັດເຮັດໜ້າທີ່ຂອງຕົນໄດ້ ເຊິ່ງສາມາດເວົ້າໄດ້ວ່າເປັນສັນຍາລັກອັນໜຶ່ງຂອງການກໍ່ສ້າງໂຄງລ່າງພື້ນຖານທີ່ມີຄຸນະພາບສູງຂອງປະເທດຍີ່ປຸ່ນ.

ຂົວຂ້າມນໍາເຊກອງມີຄວາມຍາວ 300 ແມັດ:ໄດ້ອອກແບບກໍ່ສ້າງຕາມມາດຕະຖານເຕັກນິກຂອງສາກົນ,ເປັນຂົວເບຕົງເສີມເຫຼັກອັດແຮງແບບປະສົມ ລະຫວ່າງສາຍກາບຖ່ວງດຶງ ແລະ ຂາງແບບຮູບກັບ 4 ຫຼ່ຽມ,ສາມາດຮັບນໍ້າໜັກໄດ້ 80 ໂຕນ,ມີເສົາກາງນໍ້າ ແລະ ເສົາຫົວຂົວ2 ເສົາ,ລະບົບຮາກຖານຈໍານວນໜຶ່ງຕອກດ້ວຍເສົາເຂັມ,ມີຈໍານວນ 17 ຕົ້ນ,ມີ 4 ຊ່ວງ,ຊ່ວງກາງນໍ້າທີ່ກວ້າງທີ່ 110 ແມັດ,ຄວາມກວາ້ງຂອງຂົວ 11 ແມັດ,ໜ້າທາງລົດແລ່ນ 8 ແມັດ,ທາງຍ່າງເບື້ອງລະ 1,5 ແມັດ,ໜ້າຂົວປູດ້ວຍຢາງຂົ້ວ,ໜາ 8 ຊັງຕີແມັດ,ມີທາງເຂົ້າຂົວ 2 ເບື້ອງ,ຍາວລວມ 527 ແມັດ,ກວ້າງ 10 ແມັດ,ປູດ້ວຍຢາງຂົ້ວ ໜາ 10 ຊັງຕີແມັດ,

ລວມມູນຄ່າຂອງການກໍ່ສ້າງທັງໝົດປະມານ 159,7 ຕື້ກີບ ໂດຍແມ່ນ ບໍລິສັດໄຕເຊະ ( Taisei Corporation) ຈາກປະເທດຍີ່ປຸ່ນເປັນຜູ້ຮັບເໜົມກໍ່ສ້າງ ເຊິ່ງໄລຍະເວລາການກໍ່ສ້າງຕາມສັນຍາເບື້ອງຕົ້ນແມ່ນ 29 ເດືອນ ແຕ່ເນື່ອງຈາກວ່າມີບັນຫາທາງດ້ານເຕັກນິກ ໂຄງການຈິ່ງແກ່ຍາວເວລາອອກໄປຕື່ມອີກ 10 ເດືອນ ລວມເວລາການກໍ່ສ້າງຕົວຈິງ 39 ເດືອນ ຈິ່ງສໍາເລັດ.