ໜ້າຫ່ວງ! ຕົວເລກຜູ້ຕິດເຊື້ອໂຄວິດໃນທົ່ວໂລກເພີ່ມຂຶ້ນທຸກມື້ ປັດຈຸບັນສູງເຖິງ 2,8ລ້ານກວ່າຄົນແລ້ວ

ໜ້າຫ່ວງ! ຕົວເລກຜູ້ຕິດເຊື້ອໂຄວິດໃນທົ່ວໂລກເພີ່ມຂຶ້ນທຸກມື້ ປັດຈຸບັນສູງເຖິງ 2,8ລ້ານກວ່າຄົນແລ້ວ

25th April 2020 0 By Education

ຂປລ. ປັດຈຸບັນ, ສະພາບການແພ່ລະບາດຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ ຫລື ໂຄວິດ-19 ຢູ່ໃນໂລກ ຍັງມີກໍລະນີຕິດເຊື້ອເພີ່ມຂຶ້ນ, ສະເພາະວັນທີ 25 ເມສາ 2020 ເວລາ 10:20 ໂມງ ທົ່ວໂລກ ມີຜູ້ຕິດເຊື້ອທັງໝົດ 2.832.102 ຄົນ ເພີ່ມ 101.151, ເສຍຊີວິດ 197.191 ຄົນ ເພີ່ມ 6.261 ຄົນ, ປົວດີ 786.029 ຄົນ; ຈີນແຜ່ນດິນໃຫຍ່ ຕິດເຊື້ອ 82.816 ຄົນ ເພີ່ມ 12, ເສຍຊີວິດ 4.632 ຄົນ, ບໍ່ມີເພີ່ມ, ປົວດີ 77.346 ຄົນ.


ໃນນັ້ນ, ອາເມລິກາ ຕິດເຊື້ອ 926.969 ຄົນ ຫລາຍເປັນອັນດັບ 1 ຂອງໂລກ ເພີ່ມ 36.168 ຄົນ, ເສຍຊີວິດ 52.127 ຄົນ ເປັນອັນດັບ 1 ຂອງໂລກ ເພີ່ມເປັນ 2.041 ຄົນ, ສະເພາະ ລັດນິວຢອກ ຕິດເຊື້ອ 279.314 ຄົນ ພຽງລັດດຽວກາຍເປັນບ່ອນຕິດເຊື້ອຫລາຍກວ່າປະເທດອື່ນໃນໂລກ ເພີ່ມ 8.152 ຄົນ, ເສຍຊີວິດ 21.430 ຄົນ ເພີ່ມ 448 ຄົນ; ອີຕາລີ ຕິດເຊື້ອ 192.994 ຄົນ ເພີ່ມ 3.021, ເສຍຊີວິດ 25.969 ຄົນ ເພີ່ມ 420 ຄົນ. ແອັສປາຍ ຕິດເຊື້ອ 219.764 ຄົນ ອັນດັບ 2 ຮອງຈາກອາເມລິກາ ເພີ່ມ 6.740 ຄົນ, ເສຍຊີວິດ 22.524 ເພີ່ມ 367 ຄົນ.

ນອກຈາກນີ້, ຝຣັ່ງ ຕິດເຊື້ອ 159.828 ຄົນ ເພີ່ມ 1.645 ຄົນ, ເສຍຊີວິດ 22.245 ເພີ່ມ 389 ຄົນ; ເຢຍລະມັນ ຕິດເຊື້ອ 154.999 ເພີ່ມ 1.870 ຄົນ, ເສຍຊີວິດ 5.760 ຄົນ ເພີ່ມ 185 ຄົນ; ອັງກິດ ຕິດເຊື້ອ 143.464 ເພີ່ມ 5.386 ຄົນ, ເສຍຊີວິດ 19.506 ຄົນ ເພີ່ມ 768 ຄົນ;  ຫວຽດນາມ ຕິດເຊື້ອ 270 ເພີ່ມ 2 ຄົນ, ເສຍຊີວິດ ບໍ່ມີ, ປົວດີ 220 ຄົນ; ໄທ ຕິດເຊື້ອ 2.854 ເພີ່ມ ຄົນ, ປົວດີ 2.490 ຄົນ, ຕາຍ 50 ຄົນ ບໍ່ເພີ່ມ ແລະ ສິງກະໂປ ຕິດເຊື້ອ 12.075 ເພີ່ມ 897 ຄົນ, ເສຍຊີວິດ 12 ບໍ່ເພີ່ມ, ປົວດີ 956 ຄົນ.