ມັກຕັ້ງວົງຊຸມກັນກິນກຸ້ງໄກ່! ເຈົ້າໜ້າທີ່ເຂົ້າໄປຫາ ຈັບເຮັດບົດບັນທຶກຍົກແກ້ງ

ມັກຕັ້ງວົງຊຸມກັນກິນກຸ້ງໄກ່! ເຈົ້າໜ້າທີ່ເຂົ້າໄປຫາ ຈັບເຮັດບົດບັນທຶກຍົກແກ້ງ

25th April 2020 0 By Education

ຫ້າມແລ້ວບໍ່ຟັງ ປັດຈຸບັນຍັງປາກົດເຫັນການຕັ້ງວົງຊຸມນຸມກັນເປັນຈໍານວນຫຼາຍ ເຊິ່ງມີທັງວົງເຫຼົ້າ, ດື່ມສິ່ງມຶນເມົາ, ອະບາຍຍະມຸກຕ່າງໆ ລວມທັງກັນຕັ້ງກຸ່ມແກ້ງຫຼິ້ນກຸ້ງຫອຍປູປາ ເຊິ່ງເປັນອີກສິ່ງໜຶ່ງທີ່ເຮັດໃຫ້ຄົນໝົດເນື້ອໝົດຕົວໄດ້.

ແຕ່ແນ່ນອນການກະທໍາທີ່ຜິດກົດໝາຍດັ່ງກ່າວບໍ່ສາມາດລອດພົ້ນສາຍຕາເຈົ້າໜ້າທີ່ໄດ້ ໂດຍໃນວັນທີ 16 ເມສາ 2020 ພັທ ຄໍານະລົງ ວຽງວິໄລ ຫົວໜ້າ ປກສ ກຸ່ມບ້ານດຸງ ເມືອງໄຊເສດຖາ ນະຄອນຫຼວງວຽງຈັນ ໄດ້ສຶກສາອົບຮົມກຸ່ມຄົນທີ່ນັ່ງຫຼິ້ນການພະນັນ (ກຸ້ງ-ໄກ່) ລວມມີ 7 ຄົນ, ຍິງ 5 ຄົນ, ຢູ່ເຂດບ້ານໂຊກນ້ອຍ ເມືອງໄຊເສດຖາ; ພ້ອມໄດ້ເຮັດບົດບັນທຶກກັບພວກກ່ຽວ ເພື່ອໃຫ້ປັບປຸງ ແລະ ປ່ຽນແປງບໍ່ໃຫ້ຫຼິ້ນອີກ.

ແຕ່ຖ້າພວກກ່ຽວຫາກຍັງສືບຕໍ່ຝ່າຝືນ ແມ່ນຈະຖືກດຳເນີນຄະດີຕາມລະບຽບກົດຫມາຍ; ເຊີ່ງກອ່ນໜ້ານີ້ ການຈັດຕັ້ງບ້ານໄດ້ກ່າວເຕືອນແລ້ວ, ແຕ່ຍັງມີການຝ່າຝືນຫຼິ້ນອີກ; ຖືວ່າເປັນການລະເມີດຄຳສັ່ງ ເລກທີ 06/ນຍ, ໃນໄລຍະກັກກັນຕົນເອງຢູ່ເຮືອນ ບໍ່ໃຫ້ມີການຊຸມນຸມກັນ ເພື່ອປ້ອງກັນ ແລະ ສະກັດກັ້ນການລະບາດຂອງເຊື້ອພະຍາດໂຄວິດ-19.