ເກົາຫຼີໃຕ້ຢືນຢັນ! ຄິມ ຈອງ ອຶນ ຍັງມີຊີວິດຢູ່ ແລະ ສະບາຍດີ ຫຼັງມີຂ່າວລືອາການສາຫັດຈາກການຜ່າຕັດ

ເກົາຫຼີໃຕ້ຢືນຢັນ! ຄິມ ຈອງ ອຶນ ຍັງມີຊີວິດຢູ່ ແລະ ສະບາຍດີ ຫຼັງມີຂ່າວລືອາການສາຫັດຈາກການຜ່າຕັດ

28th April 2020 0 By Education

ທີ່ປຶກສາລະດັບສູງຂອງປູ້ນໍາເກົາຫຼີໃຕ້ ຢືນຢັນ ຄິມ ຈອງ ອຶນ ຜູ້ນໍາສູງສຸດຂອງເກົາຫຼີເໜືອ ຍັງມີຊີວິດຢູ່ ແລະ ຍັງຄົງສະບາຍດີ ຂະນະດຽວກັນ ຈີນລະບຸບໍ່ມີຂໍ້ມູນກ່ຽວກັບ ຄິມ ຈອງ ອຶນ.

ມື້ນີ້ ວັນທີ 28 ເມສາ 2020 ທ່ານ ມຸນ ຊຸງ-ອິນ ທີ່ປຶກສາລະດັບສູງດ້ານນະໂຍບາຍຕ່າງປະເທດຂອງປະທານາທິບໍດີ ມຸນ ແຈ-ອິນ ຂອງເກົາຫຼີໃຕ້ ລະບຸໃນມື້ນີ້ວ່າ ທ່ານ ຄິມ ຈອງ ອຶນ ຜູ້ນໍາສູງສຸດຂອງເກົາຫຼີເໜືອ ຍັງມີຊີວິດຢູ່ ແລະ ຍັງຄົງສຸກສະບາຍດີ ເຊິ່ງປັດຈຸບັນ ຄິມ ກໍາລັງພັກຢູ່ທີ່ວອນຊານ ມາຕັ້ງແຕ່ວັນທີ 13 ເມສາ 2020 ແລະ ຈົນຮອດຕອນນີ້ກໍ່ຍັງບໍ່ພົບການເຄື່ອນໄຫວໃດໆທັງນັ້ນ.

ຂະນະດຽວກັນ ນາງ ໂຊ ເຮ-ຊິວຣອງ ໂຄສົກກະຊວງລວມຊາດຂອງເກົາຫຼີໃຕ້ ລະບຸໃນມື້ນີ້ວ່າ ບໍ່ມີລາຍງານກ່ຽວກັບທີ່ຢູ່ຂອງ ຄິມ ແລະ ບໍ່ມີຂໍ້ມູນໃດໆທີ່ຈະສາມາດຢືນຢັນກ່ຽວກັບສຸຂະພາບຂອງຜູ້ກ່ຽວ ແຕ່ຈາກທີ່ຄະນະກໍາມະການປະຈໍາສະພາຄວາມໝັ້ນຄົງແຫ່ງຊາດຂອງເກົາຫຼີໃຕ້ ຢືນຢັນວ່າບໍ່ມີການເຄືອນໄຫວທີ່ຜິດປົກກະຕິໃດໆ ໃນເກົາຫຼີເໜືອ ກໍ່ຖືໄດ້ວ່າຈຸດຢືນໃນເລື່ອງດັ່ງກ່າວຍັງຄົງຖືກຕ້ອງ.

ດ້ານນາງຊອຍ ຮຍຸນ-ຊູ ໂຄສົກກະຊວງພາຍໃນ ເກົາຫຼີໃຕ້ ລະບຸວ່າ ສາຍດ່ວນທາງທະຫານລະຫວ່າງປະເທດທັ້ງ ຟ ຍັງຄົງດໍາເນີນການປົກກະຕິ ແລະ ບໍ່ໄດ້ໃຫ້ລາຍລະອຽດເພີ່ມເຕີມກ່ຽວກັບກໍລະນີຂອງເກົາຫຼີເໜືອ.

ສ່ວນທ່ານ ເກິງ ຊວງ ໂຄສົກກະຊວງຕ່າງປະເທດຈີນ ລະບຸວ່າ ຈີນບໍ່ມີຂໍ້ມູນກ່ຽວກັບກໍລະນີຂອງ ຄິມ ໂດຍລະບຸພຽງວ່າ ຈີນໄດ້ສົ່ງຊຸດກວດໄວຣັດໂຄວິດ-19 ໄປໃຫ້ກັບເກົາຫຼີເໜືອ ກໍລະນີທີ່ອາດມີຄວາມຈໍາເປັນຕ້ອງໃຊ້ໃນອະນາຄົດ ພ້ອມລະບຸວ່າ ຈີນຈະໃຫ້ຄວາມຊ່ວຍເຫຼືອປະເທດຕ່າງໆທີ່ມີຄວາມຈໍາເປັນທ່າມກາງການແຜ່ລະບາດຂອງພະຍາດໂຄວິດ-19  ແລະ ຍງມີການຕໍ່ສູ້ກັບໄວຣັດນີ້ຢາ່ງຕໍ່ເນື່ອງ.

ທັງນີ້ ລາຍງານຂ່າວດັ່ງກ່າວມີຂຶ້ນທ່າມກາງການຄາດເດົາກ່ຽວກັບສຸຂະພາບຂອງ ຄິມ ເຊິ່ງຫຼ້າສຸດ ໜັງສືພິມໂຣດ໊ອງຊິນມຸນ ຂອງເກົາຫຼີເນືອ ລາຍງານວ່າ ຄິມ ສົ່ງຈົດໝາຍຂອບໃຈແຮງງານທີ່ຊ່ວຍກັນສ້າງຣີສອດແຄມທະເລໃນເມືອງວອນຊານເຊິ່ງເປັນເມືອງແຄມທ່ທາງທິດຕາເວັນອອກຂອງປະເທດ ແລະ ການສ້າງເມືອງ ຊັມຈິຍອນ.

ທີ່ມາ: Tnn thailand