ໜຸ່ມສຸດໂຫດ! ກໍ່ເຫດຄາຕະກໍາຄົນຂ້າງເຮືອນທີ່ຮູ້ຈັກກັນມາແຕ່ນ້ອຍ ພ້ອມໃຫ້ເຫດຜົນພຽງ 4ຄໍາ

ໜຸ່ມສຸດໂຫດ! ກໍ່ເຫດຄາຕະກໍາຄົນຂ້າງເຮືອນທີ່ຮູ້ຈັກກັນມາແຕ່ນ້ອຍ ພ້ອມໃຫ້ເຫດຜົນພຽງ 4ຄໍາ

28th April 2020 0 By Education

ປັດຈຸບັນບັນຫາເລື່ອງປະກົດການຫຍໍ້ທໍ້ຕ່າງໆໃນທຸກສັງຄົມເລີ່ມມີປາກົດຂຶ້ນມາເລື້ອຍໆ ແລະ ມາໃນຫຼາຍຮູບແບບໂດຍທີ່ຄາດບໍ່ເຖິງ, ດັ່ງເລື່ອງລາວທີ່ແອັດມິນຈະນໍາສະເໜີໃນມື້ນີ້ ເປັນເລື່ອງທີ່ເກີດຂຶ້ນຢູ່ປະເທດເພື່ອນບ້ານ(ປະເທດໄທ) ເຊິ່ງເປັນເຫດການທີ່ໜ້າສະເທືອນໃຈຫຼາຍ ແລະ ຄວນຖືເປັນບົດຮຽນໄວ້ວ່າຄົນເຮົາສະໄໝນີ້ ຮູ້ໜ້າບໍ່ຮູ້ໃຈ, ຢູ່ບ້ານໃກ້ເຮືອນຄຽງກັນ, ຮູ້ຈັກກັນມາແຕ່ນ້ອຍ ກັບກໍ່ເຫດຄາດຕະກໍາກັນໄດ້ລົງຄໍ.

ພາບປະກອບຂ່າວເທົ່ານັ້ນ

ເຫດການນີ້ເກີດຂຶ້ນທີ່ ຈັງຫວັດອາຍຸດທະຍາ ປະເທດໄທ  ໂດຍຊາຍໜຸ່ມໄວກາງຄົນໄດ້ກໍ່ເຫດຄາດຕະກໍາເພື່ອນບ້ານທີ່ຮູ້ຈັກກັນມາແຕ່ນ້ອຍເສຍຊີວິດ ອ້າງເຫດຜົນວ່າຜູ້ຕາຍ ບິດລົດສຽງດັງ.

ເຊິ່ງຫຼັງຈາກກໍ່ເຫດ ຜູ້ກ່ຽວໄດ້ເອົາຕົວລົບໜີ ຈົນມາຮອດຕອນບ່າຍຂອງມື້ນີ້ ວັນທີ 28 ເມສາ 2020 ເຈົ້າໜ້າທີ່ສາມາດຈັບຕົວໄດ້ ຊາບຊື່ພາຍຫຼັງແມ່ນ ທ້າວວິທະຍາ ເປົາວິມານ ອາຍຸ 49ປີ, ເຊິ່ງຈັບຕົວຜູ້ກ່ຽວໄດ້ພ້ອມຂອງການທີ່ໃຊ້ກໍ່ເຫດ.

ຂະນະດຽວກັນ ນາງ ຫະໄທຣັດ ດິດສັງວອນ ອາຍຸ 42 ປີ ພັນລະຍາຂອງຜູ້ເສຍຊີວິດ ພະຍານຜູ້ຢູ່ໃນເຫດການ ໃຫ້ການວ່າ ຕອນເກີດເຫດຕົນ ແລະ ລູກ 2ຄົນ ກໍາລັງນັ່ງສານວີຢູ່ບໍລິເວນກ້ອງລ່າງເຮືອນ ຂະນະນັ້ນຜູ້ເປັນຜົວ(ຜູ້ເສຍຊີວິດ) ໄດ້ຂີ່ລົດຈັກຈະລ້ຽວເຂົ້າເຮືອນ ໄດ້ມີຜູ້ກໍ່ເຫດຄົນດັ່ງກ່າວ ເຊິ່ງເຮືອນຢູ່ຕິດກັນ ໄດ້ຮ້ອງໃສ່ເພື່ອໃຫ້ຂອງລັບ ເມື່ອຜູ້ເສຍຊີວິດຈະຍ່າງອອກໄປປິດປະຕູໜ້າບ້ານ ຜູ້ກໍ່ເຫດໄດ້ເວົ້າກັບສາມີຕົນເອງວ່າ ມຶງຊິເອົາແນວໃດກັບກູ ມຶງຊິເອົາແນວໃດ ແລະ ຜູ້ເສຍຊີວິດໄດ້ບອກວ່າ ເຈົ້າມີຫຍັງກັບຂ້ອຍບໍ່ ແລະ ທັນໃດນັ້ນ ຕົນໄດ້ຍິນສຍງປືນດັງຂຶ້ນ 3-4ລູກ ຈຶ່ງຮີບແລ່ນອອກໄປທີ່ໜ້າບ້ານ ພົບຜູ້ເປັນຜົວນອນຢຽດກັບພື້ນແລ້ວ

ພາບປະກອບຂ່າວເທົ່ານັ້ນ

ແນວໃດກໍ່ຕາມ ນາງ ຫະໄທລັດ ຍັງບອກອີກວ່າ ຕົນເອງ ແລະ ຄອບຄົວຈະບໍ່ຍອມໃຫ້ອາໄພ ຫຼື ອະໂຫສິກໍາ ໃຫ້ຜູ້ກໍ່ເຫດໂດຍເດັດຂາດ.

ທີ່ມາ: ໄທລັດ