ຂ່າວດີ! ໃຜວ່າງວຽກສະໝັກດ່ວນ ບໍລິສັດໂຮຢາປະກາດຮັບພະນັກງານ 4.000ຕໍາແໜ່ງ

ຂ່າວດີ! ໃຜວ່າງວຽກສະໝັກດ່ວນ ບໍລິສັດໂຮຢາປະກາດຮັບພະນັກງານ 4.000ຕໍາແໜ່ງ

28th April 2020 1 By Education

ຊ່ວງນີ້ໃຜໆກໍ່ຈົ່ມພືມພຳຕົກວຽກ ຫົວໜ້າບໍຈ່າຍເງິນ, ໄດ້ເງິນເດືອນເຄິ່ງຄ່າ ຖ້າມີໃຈຢາກເຮັດວຽກແທ້ສະໝັກບໍລິສັດນີ້ເລີຍ ໂຮຢາຈາກຍີ່ປຸ່ນເປີດສົດໆໃໝ່ໆໃນນະຄອນຫຼວງວຽງຈັນຈະເລີ່ມເດີນເຄື່ອງຜະລິດໃນມໍ່ໆນີ້ມີຕຳແໜ່ງວ່າງຈະຮອບເຂົ້າເຮັດວຽກທັງໝົດ 4000 ຄົນ.

ບໍລິສັດ ໂຮຢາ ສ້າງຕັ້ງຂຶ້ນໃນປີ 1941 ຢູ່ເມືອງໂຕກຽວ ປະເທດຍີ່ປຸ່ນ ໂຮຢາ ເປັນບໍລິສັດຊັ້ນນຳທີ່ຜະລິດເຄື່ອງມືທາງດ້ານການແພດ ເຊັ່ນ: ແກ້ວດາວທຽມ, ຄອນແທັກເລນ, ກ້ອງສ່ອງໃນການຜ່າຕັດ ແລະ ເຄື່ອງມືທາງເທັກໂນໂລຢີ ເຊັ່ນ: ເລນກ້ອງ, ເລນແວ່ນຕາ ຈໍ LCO ແລະ ແຜນແກ້ວເກັບຄວາມຈຳ (MEMORY OISK) ເຊິ່ງມີຫຼາຍຮ້ອຍສາຂາໃນທົ່ວໂລກ ໃນປັດຈຸບັນນີ້ ມີໂຮງງານຜະລິດແຜ່ນແກ້ວເກັບຄວາມຈຳ (MEMORY OISK) ຢູ່ປະເທດໄທ, ຫວຽດນາມ ແລະ ຈະຂະຫຍາຍໂຮງງານຜະລິດມາທີ່ປະເທດລາວ (ນະຄອນຫຼວງວຽງຈັນ) ເຊິ່ງກຳລັງຈະເປີດການຜະລິດໃນເດືອນ ເມສາ ປີ 2020 ນີ້, ດັ່ງນັ້ນ ຕ້ອງການເພື່ອຮ່ວມງານຈຳນວນຫຼາຍກວ່າ 4.000 ຄົນ ເຊິ່ງມີລາຍລະອຽດດັ່ງນີ້:

ເງື່ອນໄຂສຳລັບຜູ້ສະໝັກ: ເປັນເພດຍິງ ອາຍຸ 18-35 ປີ, ຮຽນຈົບວິຊາຊີບສາຂາໃດກໍໄດ້ ຫຼືຈົບມັດທະຍົມປາຍ ມ.6 ຫຼື ມ.7 (ຕ້ອງອ່ານໄດ້ຂຽນເປັນ), ມີຄວາມຫ້າວຫັນໃນໜ້າທີ່ຮັບຜິດຊອບ ຮັກໃນການເຮັດວຽກເປັນທີມ, ສຸຂະພາບແຂງແຮງດີ.

ສຳລັບເອກະສານປະກອບໃນການສະໝັກວຽກ ມີ: ແແບບຟອມສະໝັກວຽກບໍລິສັດ, ສຳເນົາໃບປະກາດ ຫຼື ໃບຄະແນນ, ໃບຢັ້ງຢືນທີ່ຢູ່ ແລະ ໃບຢັ້ງຢືນຄ້ຳປະກັນ, ບັດປະຈຳຕົວ ຫຼື ສຳມະໂນຄົວ, ຮູບຂະໜາດ 3×4 ຈຳນວນ 1 ໃບ. ສ່ວນເອກະສານຮັບເປັນສະບັບກອບປີ້ (ຍື່ນແລ້ວບໍ່ສາມາດຖອນຄືນໄດ້)

ສ່ວນສະຫວັດດີການ ຜູ້ທີ່ໄດ້ເຂົ້າເຮັດວຽກຈະໄດ້ຮັບ ປະກອບມີ: ເງິນເດືອນ ແລະ ສະຫວິດດີການດີ, ມີເງິນໂບນັດປະຈຳປີ, ມີເງິນຂະຫຍັນແຕ່ລະເດືອນ, ມີຫໍພັກໃຫ້ພະນັກງານ, ມີລົດຮັບສົ່ງບໍລິສັດ, ມີໂຮງອາຫານ, ມີເງິນຄ່າລ່ວງເວລາ (OT), ມີປະກັນສັງຄົມ, ມີປະກັນອຸປະຕິເຫດ 24 ຊົ່ວໂມງ, ມີຊຸດພະນັກງານໃຫ້, ມີເງິນຊ່ວຍເຫຼືອຄ່າເກີດລູກ, ມີວັນພັກປະຈຳປີໃຫ້, ມີສະຫວັດດີການຂອງຂວັນວັນເກີດ, ມີເງິນປີການເຮັດວຽກຍາວນານ, ຈະສອນວຽກໃຫ້ກ່ອນເລີ່ມວຽກ.

ຖ້າທ່ານໃດສົນໃຈສາມາດຕິດຕໍ່ພົວພັນໄດ້ທີ່ຫ້ອງການ ຕຶກຄຣາວພາຊາໂຣໂຢສະແຄຣວ ຊັ້ນ8 ຖະໜົນສາມແສນໄທ ບ້ານໜອງດ້ວງເໜືອ ເມືອງສີໂຄດຕະບອງ ນະຄອນຫຼວງວຽງຈັນ ຫຼື ສາມາດສົ່ງຊີວະປະຫວັດ (CV) ມາໄດ້ທີ: HLAO.RECRUIT.HR@MD.HOYA.CO.JP