ລອງເລີຍ! ສູດເດັດເຮັດປຸ໋ຍຈາກປໍ້ໄຂ່ ໃຊ້ແທນປຸ໋ຍເຄມີໄດ້

ລອງເລີຍ! ສູດເດັດເຮັດປຸ໋ຍຈາກປໍ້ໄຂ່ ໃຊ້ແທນປຸ໋ຍເຄມີໄດ້

29th April 2020 0 By Education

ປໍ້ໄຂ່ເຫຼືອຢ່າຖິ້ມ ສາມາດນໍາມາໃຊ້ປຸ໋ຍຊັ້ນດີ ບໍາລຸງພືດຜັກສວນຄົວໄດ້, ແອັດເຊື່ອວ່າຫຼາຍທ່ານຍັງບໍ່ເຄີຍຮູ້ ແລະ ບໍ່ຢາກເຊື່ອ ວ່າປໍ້ໄຂ່ສາມາດນໍາມາເຮັດປຸ໋ຍໄດ້ແບບງ່າຍໆ, ບໍາລຸງຕົ້ນໄມ້, ຜັກສວນຄົວໄດ້ດີ ອີກທັງເປັນການຫຼຸດປະລິມານຂີ້ເຫຍື້ອໃນເຮືອນຄົວອີກດ້ວຍ ແລະ ແນ່ນອນ ມື້ນີ້ແອັດມິນກໍ່ບໍ່ພາດທີ່ຈະນໍາວິທີການເຮັດປຸ໋ຍຈາກປໍ້ໄຂ່ມາໃຫ້ທຸກທ່ານໄດ້ນໍາໄປທົດລອງໃຊ້ນໍາກັນ.

ວິທີການເຮັດ: ໃຫ້ນໍາເອົາປໍ້ໄຂ່ມາບົດໃຫ້ລະອຽດ ຈາກນັ້ນນໍາເກືອ ແລະ ແປ້ງນົວມາຄົນປະສົມໃສ່ເລັກນ້ອຍ ແລ້ວນໍາໄປໂຮຍອ້ອມຮອບໂຄນຕົ້ນໄມ້ ຫຼື ພືດຜັກ ອາທິດລະຄັ້ງ ແລ້ວຫົດນໍ້າຕາມ ລໍຖ້າໃຫ້ເກີດຂະບວນການໝັກ ແລະ ຍ່ອຍສະລາຍໄປຕາມທໍາມະຊາດ, ສານອາຫານຈາກເປືອກໄຂ່ ກໍ່ຈະຄ່ອຍໆຊຶມລົງສູ່ດິນ ເປັນອາຫານໃນດິນ ໃຫ້ພືດນໍາໄປໃຊ້ງານໄດ້.

ເຊິ່ງມັນຈະຊ່ວຍເພີ່ມແຄລຊຽມ, ໂພແທສຊຽມ ແລະ ສານອາຫານຈໍາເປັນຕ່າງໆໃນດິນ ຊ່ວຍໃຫ້ພືດຜັກແຂງແຮງ ຈະເລີນເຕີບໂຕໄດ້ດີ ໂດຍສະເພາະຜັກສວນຄົວ, ຜັກກິນໃບ ໂພແທສຊຽມໃນປໍ້ໄຂ່ຈະຊ່ວຍໃຫ້ຜັກໃບຂຽວງາມ ແລະ ກອບ ແຊບ ຍິ່ງຖ້າເປັນຜັກສະລັດ, ຜັກກາດ, ຄະນ້າ ຍິ່ງຊ່ວຍໃຫ່ໃຫຍ່ໄວ.

ນອກຈາກນີ້ ໃນເປືອກໄຂ່ຍັງມີລິດກໍາມະຖັນອ່ອນໆ ຊ່ວຍຂັບໄລ່ແມງໄມ້ ສັດຕູພືດ ໄດ້ໃນລະດັບໜຶ່ງ, ອີກທັ້ງເປືອກໄຂ່ທີ່ແຕກມັນມີຄົມຊ່ວຍປ້ອງກັນບົ້ງ, ໜອນ ແລະ ສັດເລືອຄານໂຕນ້ອຍໆ ເຂົ້າມາທໍາລາຍພືດຜັກໃນສວນຄົວເຮົາໄດ້.