ອຸທາຫອນ! ນອນຫຼິ້ນເກມພ້ອມສາກໂທລະສັບ ຫາຍໂຕໄປ 2ວັນ ໝູ່ຕາມຫາກາຍເປັນສົບແລ້ວ

ອຸທາຫອນ! ນອນຫຼິ້ນເກມພ້ອມສາກໂທລະສັບ ຫາຍໂຕໄປ 2ວັນ ໝູ່ຕາມຫາກາຍເປັນສົບແລ້ວ

1st May 2020 0 By Education

ເຫັນກັນຢູ່ຕະຫຼອດ ສໍາລັບຂ່າວສະເທືອນໃຈ ຄົນເສຍຊີວິດຍ້ອນຫຼິ້ນໂທລະສັບພ້ອມສາກໄປພ້ອມ ເຊິ່ງມັນອັນຕະລາຍຫຼາຍ, ເຊິ່ງຫຼ້າສຸດເລື່ອງລາວດັ່ງກ່າວເກີດຂຶ້ນກັບຊາຍໂຊກຮ້າຍ ອາຍຸ 32ປີ, ພະນັກງານສົ່ງເຄື່ອງຢູ່ທີ່ຈັງຫວັດນ່ານ ປະເທດໄທ ຫາຍຕົວບໍ່ໄປເຮັດວຽກ 2ມື້ ພົບອີກຄັ້ງກາຍເປັນສົບ ສະພາບກໍາມືຖືສຽບສາຍສາກ ທີ່ມີຮອຍໄໝ້ ຄາດວ່ານອນຫຼິ້ນເກມອອນໄລນ ແລ້ວສາຍສາກຮົ່ວຖືກໄຟຊັອດຈົນເສຍຊີວິດ.

ເມື່ອວັນທີ 30 ເມສາ 2020 ເຈົ້າໜ້າທີ່ໄດ້ຮັບແຈ້ງເຫດວ່າມີຜູ້ເສຍຊີວິດຢູ່ຫ້ອງພັກແຫ່ງໜຶ່ງ ເຊິ່ງສະຖານທີ່ເກີດເຫດເປັນຫ້ອງພັກ 2ຊັ້ນ ທີ່ຊັ້ນ 2 ພາຍໃນຫ້ອງນອນພົບສົບ ທ້າວ ທິນນະກອນ ຣັກຕະນະອຸປະພັນ ອາຍຸ 32ປີ ບ້ານເລກທີ 119 ບ້ານຣ່ອງຟອງ ຕໍາບົນຣ່ອງຟອງ ອໍເພີເມືອງແພຣ່ ຈັງຫວັດນ່ານ ສະພາບສົບນອນຫງາຍຫົ່ມຜ້າເສຍຊີວິດເທິງບ່ອນນອນສວມເສື້ອສີນໍ້າຕານແຂນສັ້ນ ໂສ້ງກີລາສີນໍ້າເງິນຂາສັ້ນ ທີ່ມືຊ້າຍ ແລະ ຂວາ ຖືໂທລະສັບຍີ່ຫໍ້ໜຶ່ງວາງຢູ່ທີ່ບໍລິເວນໜ້າຫ້ອງ ໂດຍມີກໍ່ປັກສຽບຕໍພ່ວງກັນຂ້າງບ່ອນນອນ.


ກວດໃນຫ້ອງບໍ່ພົບຮ່ອງຮອຍການຕໍ່ສູ້ ຫຼື ຄາຕະກໍາແຕ່ຢ່າງໃດ ແຕ່ມືທັງສອງຂ້າງມີຮອຍໄໝ້ ສັນນິຖານວ່າສາເຫດ ໜ້າຈະມາຈາກສາຍສາກເປ່ເພ ຫຼື ຂາດ ເຮັດໃຫ້ກະແສໄຟຟ້າລັດວົງຈອນ ຊັອດຜູ້ກ່ຍວຂະນະກໍາລັງນອນຫຼິ້ນເກມອອນໄລນ ໂດຍຈາກສະພາບສົບເສຍຊີວິດມາແລ້ວບໍ່ຕໍ່າກວ່າ 2ວັນ.

ດ້ານເຈົ້າໜ້າທີ່ເຜີຍວ່າ ສະພາບຫ້ອງພັກບໍ່ພົບຮ່ອງຮອຍການຕໍສູ້ ສ່ວນໝູ່ ແລະ ຍາດພີ່ນ້ອງຂອງຜູ້ຕາຍ ຢືນຢັນວ່າຜູ້ກ່ຽວຍັງບໍ່ມີຄອບຄົວ ແລະ ບໍ່ມີບັນຫາຊີວິດແຕ່ຢ່າງໃດ ແຕ່ເປັນຄົນຕິດເກມ, ມັກຫຼິ້ນເກມອອນໄລນຜ່ານໂທລະສັບມືຖື ຈຶ່ງຄາດວ່າສາເຫດໜ້າຈະມາຈາກສາຍສາກໂທລະສັບມີການລັດວົງຈອນ ກະແສໄຟຟ້າຮົ່ວຊັອດຜູ້ກ່ຽວຂະນະກໍາລັງນອນຫຼິ້ນເກມທີ່ສຽບສາຍສາກຄາໄວ້ ຈົນເສຍຊີວິດດັ່ງກ່າວ ແຕ່ປັດຈຸບັນກໍໄດ້ສົ່ງສົບໃຫ້ນິຕິເວດ ໂຮງໝໍ ຈັງຫວັດນ່ານ ເພື່ອຜ່າຊັນນະສູດຢ່າງລະອຽດອີກຄັ້ງ.

ທີ່ມາ: ໄທລັດ