ດ່ວນ! ສະຖານີຂົນສົ່ງໂດຍສານສາຍໃຕ້ ແຈ້ງປິດບໍລິການຕໍ່ໄປອີກແບບບໍ່ມີກໍານົດ

ດ່ວນ! ສະຖານີຂົນສົ່ງໂດຍສານສາຍໃຕ້ ແຈ້ງປິດບໍລິການຕໍ່ໄປອີກແບບບໍ່ມີກໍານົດ

1st May 2020 0 By Education

ກ່ອນໜ້າສະຖານີຂົນສົ່ງໂດຍສານສາຍໃຕ້ ໄດ້ປະກາດປິດການບໍລິການໄປຄັ້ງໜຶ່ງແລ້ວ ໃນໄລຍະທີ່ມີຄໍາສັ່ງຂອງທ່ານນາຍົກລັດຖະມົນຕີ ສະບັບເລກທີ 06/ນຍ ອອກມາ ເພື່ອເປັນການສະກັດກັ້ນ, ຄວບຄຸມການລະບາດຂອງພະຍາດໂຄວິດ-19, ເຊິ່ງທາງຄິວລົດສາຍໃຕ້ກໍ່ໃຫ້ຄວາມຮ່ວມມືເປັນຢ່າງດີ.

ແຕ່ຫຼ້າສຸດ ວັນທີ 1 ພຶດສະພາ 2020 ຄິວລົດສາຍໃຕ້ໄດ້ອອກມາປະກາດປິດການບໍລິການອີກຄັ້ງແບບບໍ່ມີກໍານົດ ຫຼັງແຈ້ງການສະບັບຫຼ້າສຸດຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 524 ລົງວັນທີ 1/5/2020 ທີ່ໄດ້ລະບຸໄວ້ວ່າຫ້າມບຸກຄົນເດີນທາງລະຫວ່າງແຂວງຕໍ່ແຂວງ, ຍົກເວັ້ນກໍລະນີຈໍາເປັນ ເປັນຕົ້ນແມ່ນ ການໄປເຮັດວຽກທາງການ, ນັກຮຽນ, ນັກທຸລະກິດ, ການເຈັບເປັນ, ການເສຍຊີວິດ, ການຂົນສົ່ງສິນຄ້າ, ການນໍາສົ່ງຄົນເຈັບ ແມ່ນສາມາດເດີນທາງໄດ້ ແຕ່ຕ້ອງມີເອກະສານຢັ້ງຢືນ.

ແນວໃດກໍ່ຕາມແອັດມິນເຊື່ອວ່າຫຼາຍທ່ານທີ່ຄອງຄອຍຈະໄດ້ກັບບ້ານຫຼັງປະເທດປົດການລັອກດາວ ແຕ່ຍ້ອນສະພາບການລະບາດຂອງພະຍາດຢູ່ຫຼາຍປະເທດໃຮທົ່ວໂລກຍັງໜັກໜ່ວງ ແລະ ໜ້າເປັນຫ່ວງຢູ່. ດັ່ງນັ້ນ ລັດຖະບານຈຶ່ງໄດ້ແຈ້ງການໃຫ້ທຸກຄົນສືບຕໍປະຕິະບັດບາງມາດຕະການໃນຄໍາສັ່ງ 06/ນຍ ຕໍ່ໄປ ແລະ ຂໍໃຫ້ທຸກຄົນເປັນເຈົ້າການຮ່ວມມືກັນຕໍ່ສູ້ໃຫ້ປະເທດເຮົາຜ່ານວິກິດນີ້ໄປໄດ້.