ແທ້ຫວາ! ນີ້ຄື 6ເຫດຜົນທີ່ຜູ້ຍິງມັກຜູ້ຊາຍຊົງໂຈນ (Bad Boy)

ແທ້ຫວາ! ນີ້ຄື 6ເຫດຜົນທີ່ຜູ້ຍິງມັກຜູ້ຊາຍຊົງໂຈນ (Bad Boy)

3rd May 2020 0 By Education

ເຊື່ອໄດ້ເລີຍວ່າໃນສັງຄົມເຮົານັ້ນ ຜູ້ຍິງບາງສ່ວນກໍ່ມີມັກຜູ້ຊາຍຊົງໂຈນ ຫຼື ແບດບອຍ ເຊິ່ງບາງຄົນກໍ່ບໍ່ເຂົ້າໃຈຕົນເອງຄືກັນວ່າເປັນຫຍັງຈຶ່ງມັກ ແຕ່ກໍ່ໄດ້ມັກໄປແລ້ວຊິເຮັດແນວໃດໄດ້ ມື້ນີ້ເຮົາເລີຍຈະມາແຊບົດຄວາມກ່ຽວກັບ 6 ເຫດຜົນທີ່ວ່າເປັນຫຍັງຜູ້ັຍິງສ່ວນຫຼາຍ ຈຶ່ງມັກຜູ້ຊາຍແບດບອຍ ຈະມີຫຍັງແດ່ນັ້ນ ພວກເຮົາໄປອ່ານພ້ອມທກັນນເລີຍ.

1 ຜູ້ຊາຍແບດບອຍມັກຈີບສາວແບບມີຊັ້ນເຊີງ.

ກຸ່ມຄົນເຫຼົ່ານີ້ ມັກຈະຮູ້ວິທີໃນການຈີບສາວ ຫຼື ເຮັດແນວໃດກໍ່ໄດ້ໃຫ້ຜູ້ສາວປະທັບໃຈ ເພາະເຂົາເຈົ້າມັກຈະມີເທັກນິກໃນການຈີບທີ່ມີຊັ້ນເຊີງພໍສົມຄວນ ເຂົາເຈົ້າຈະຮູ້ໝົດວ່າຜູ້ຍິງທີ່ຕົນເອງຈະເຂົ້າຫານັ້ນຕ້ອງຈັດການແບບໃດ ຍິ່ງຖ້າເປັນສາວໆທີ່ບໍ່ເຄີຍມີແຟນ ຫຼື ມີປະສົບການໜ້ອຍກໍ່ມັກຈະແພ້ທາງຄົນກຸ່ມນີ້ຢູ່ພໍສົມຄວນ.

2 ມີແຮງດຶງດູດ ແລະ ໜ້າຄົ້ນຫາ

ປະຕິເສດບໍ່ໄດ້ເລີຍວ່າຜູ້ຊາຍເຫຼົ່ານີ້ຈະມີແຮງດຶງດູດອິຫຍັງບາງຢ່າງ ເຂົາເຈົ້າຈະດູດີມີສະເໜ່ຢ່າງບອກບໍ່ຖືກ ຈົນໃນບາງຄັ້ງຜູ້ຍິງກໍ່ມັກຈະຖອນໂຕຍາກ ເວລາທີ່ໄດ້ຮູ້ຈັກຫຼືໄດ້ໃຊ້ເວລາຮ່ວມກັບເຂົາເຈົ້າ ກໍ່ມັກຈະຕ້ອງແພ້ທາງຕະຫຼອດ

3 ມີຫຍັງເຮັດໃຫ້ຕື່ນເຕັ້ນຢູ່ຕະຫຼອດ

ບາງເທື່ອຜູ້ຊາຍທີ່ເບິ່ງຄືລຽບໆ, ເນີດໆ ຫຼື ຜູ້ຊາຍທໍາມະດາ ອາດຈະບໍ່ສ້າງຄວາມເລົ້າໃຈ ຫຼື ຕື່ນເຕັ້ນໃຫ້ກັບສາວໆ ແຕ່ການຄົບກັບຜູ້ຊາຍແບດບອຍຈະມັກມີເລື່ອງໃຫ້ປະຫຼາດໃຈຢູ່ສະເໝີ

4 ມີຄວາມເປັນຕົວຂອງຕົວເອງສູງ

ທຸກການກະທໍາຂອງເຂົາເຈົ້າມັກຈະມີຄວາມເປັນຕົວຂອງຕົວເອງທີ່ສູງຫຼາຍ ຈະຂີ້ດື້, ເທ່ ຫຼື ຮ້າຍກາດພຽງໃດ ເຂົາກໍ່ມັກຈະສະແດງອອກມາໃຫ້ເຮົາເຫັນເລີຍຕັ້ງແຕ່ຕົ້ນ ແລ້ວຍິ່ງສາວໆຄົນໃດສາມາດພິຊິດຫົວໃຈຄົນກຸ່ມນີ້ໄດ້ແລ້ວນັ້ນຈະຮູ້ສຶກພູມໃຈໃນຕົວເອງທີ່ສາມາດປາບແບດບອຍໄດ້ແບບດີ້ນບໍ່ຫຼຸດເລີຍ

5 ແບດບອຍບໍ່ແມ່ນຜູ້ຊາຍມັກເກາະຕິດ

ຄົນກຸ່ມນີ້ສ່ວນຫຼາຍ ເວລາມີແໄນມັກຈະໃຫ້ອິດສະລະແຟນໄດ້ເຕັມທີ່ ເພາະເຂົາເຈົ້າບໍ່ມັກການຜູກມັດ ຫຼື ໂຕຕິດກັນປານໃດ ແລະ ຍ້ອນເຫດຜົນທີ່ເຂົາເຈົ້າຮູ້ໃຈຜູ້ຍິງດີ ເຮັດໃຫ້ມີຄວາມເຂົ້າອົກເຂົ້າໃຈຜູ້ຍິງໄດ້ເປັນຢ່າງດີ

6 ສາມາດປົກປ້ອງເຮົາ

ຜູ້ຊາຍແບດບອຍສາຍລຸຍບາງຄົນກໍ່ມີຄວາມເປັນຜູ້ນໍາ ແລະ ພ້ອມຈະປົກປ້ອງເຮົາສະເໝີ ເພາະຫາກເຂົາເຈົ້າໄດ້ຮັກໃຜແທ້ແລ້ວ ກໍ່ພ້ອມທີ່ຈະດູແລ ແລະ ປົກປ້ອງ. ແນວໃດກໍ່ຕາມການເປັນຜູ້ຊາຍແບດບອຍ ບໍ່ໄດ້ໝາຍຄວາມວ່າຈະຊົ່ວໃນທຸກດ້ານ ເຂົາເຈົ້າກໍ່ມີດ້ານດີຄືກັນ ແລະ ຫາກເຈົ້າສາມາດເຂົ້າເຖິງຄົນເຫຼົ່ານີ້ໄດ້ ເຈົ້າກໍ່ມີສິດທີ່ຈະໄດ້ຫົວໃຈເຂົາເຈົ້າໄປຄອບຄອງໄດ້ແບບງ່າຍໆເລີຍ.