ຕາມພາບ! ນີ້ຄືທາງອອກຂອງຊາວສວນປູກໝາກໂມ ເມື່ອຂາຍບໍ່ອອກ ບໍ່ມີຜູ້ຊື້

ຕາມພາບ! ນີ້ຄືທາງອອກຂອງຊາວສວນປູກໝາກໂມ ເມື່ອຂາຍບໍ່ອອກ ບໍ່ມີຜູ້ຊື້

4th May 2020 0 By Education

ປັດຈຸບັນການລະບາດຂອງພະຍາດໂຄວິດ-19 ມັນໄດ້ສົ່ງຜົນກະທົບຕໍ່ທຸກຄົນ, ທຸກພາກສ່ວນໃນທົ່ວໂລກ ເວົ້າລວມ ເວົ້າສະເພາະແມ່ນປະເທດເຮົາ ກໍ່ໄດ້ຮັບຜົນກະທົບໄປຕາມໆກັນ ເຊິ່ງຫຼ້າສຸດ ລາມໄປຮອດຊາວສວນປູກໝາກໂມ ເພື່ອສົ່ງໃຫ້ຕະຫຼາດຈີນ ຫຼື ນັກທ່ອງທ່ຽວຈີນ ທີ່ມັກຈະເດີນທາງເຂົ້າລາວ ແລະ ສວນໝາກໂມ ຄືແຫຼ່ງທ່ອງທ່ຽວອີກໜຶ່ງແຫ່ງທີ່ພວກເຂົາຈະໄປຢ້ຽມຢາມ ແລະ ຊື້ຜົນຜະລິດຈາກຊາວສວນເປັນຈໍານວນຫຼາຍ.

ແຕ່ເມື່ອທຸກປະເທດລ້ວນຈໍາກັດການເດີນທາງເຂົ້າ-ອອກ ເຮັດໃຫ້ລູກຄ້າຂອງຊາວສວນກໍ່ໜ້ອຍລົງເນື່ອງຈາກລູກຄ້າຫຼັກກໍ່ແມ່ນຊາວຈີນ ຍິ່ງຕອນນີ້ເປັນໄລຍະທີ່ໝາກໂມພໍດີເກັບກ່ຽວ ແຕ່ກັບບໍ່ມີຜູ້ຮັບຊື້ ເຮັດໃຫ້ຊາວສວນຕ້ອງໄດ້ທໍາລາຍຖິ້ມ ກາຍເປັນສິ່ງຂອງບໍ່ມີຄ່າໄປໃນພິບຕາ.

ດັ່ງເຫດການທີ່ເກີດຂຶ້ນກັບຊາວສວນຢູ່ເມືອງວຽງພູຄາ ແຂວງຫຼວງນ້ຳທາ ທີ່ຂາຍຫມາກໂມບໍ່ໄດ້ເລີຍຜ່າຖີ້ມເຕັມສວນເພາະປະໄວ້ກໍເນົ່າໄປຂາຍຕະຫຼາດຂົນສົ່ງບໍ່ໄດ້ແມ່ຄ້າປິດຮ້ານບໍ່ຂາຍ, ຂາຍບໍ່ອອກກໍ່ເລີຍຜ່າຖິ້ມຫມົດທັງທັງສວນ, ແນວໃດກໍ່ຕາມແອັດມິນຂໍເປັນກໍາລັງໃຈໃຫ້ທຸກພາກສ່ວນຕໍ່ສູ້ ຜ່ານພົ້ນວິກິດນີ້ໄປນໍາກັນ.

ຂອບໃຈພາບຈາກ: ສາວວຽງ