ຄົນດີຂອງແທ້! ໃຊ້ຊີວິດລຽບງ່າຍບໍ່ຫຼູຫຼາແຕ່ບໍລິຈາກເງິນ ຫຼາຍຮ້ອຍລ້ານຫຼຽນເພື່ອສັງຄົມ ກາຍເປັນແບບຢ່າງໃຫ້ມະຫາເສດຖີ Bill Gates

ຄົນດີຂອງແທ້! ໃຊ້ຊີວິດລຽບງ່າຍບໍ່ຫຼູຫຼາແຕ່ບໍລິຈາກເງິນ ຫຼາຍຮ້ອຍລ້ານຫຼຽນເພື່ອສັງຄົມ ກາຍເປັນແບບຢ່າງໃຫ້ມະຫາເສດຖີ Bill Gates

7th May 2020 0 By Education

ຊາຍຄົນໜຶ່ງໄດ້ກ່າວໄວ້ວ່າ ຢູ່ເທິງສະຫວັນບໍ່ມີທະນາຄານ ທຸກຄົນເກີດມາກັບຄວາມວ່າງເປົ່າ ໃນທີ່ສຸດກໍ່ຕ້ງອຈາກໄປມືເປົ່າ ບໍ່ມີໃຜສາມາດນໍາເອົາຄວາມມັ່ງຄັ້ງຮັ່ງມີ ແລະ ຊື່ສຽງໄປນໍາໄດ້.

ມັນເປັນຄໍາເວົ້າໃຫ້ແງ່ຄິດ ແລະ ກ່າວເຖິງຄວາມເປັນຈິງໄປພ້ອມໆກັນ ເຈົ້າຂອງປະໂຫຍກນີ້ເປັນພຽງຊາຍເຖົ້າທໍາມະດາຄົນໜຶ່ງ ທີ່ບໍ່ທໍາມະດາ ເພາະລາວເຮັດໃຫ້ມະຫາເສດຖີຂອງໂລກຢ່າງ Bill Gates ແລະ Warren Buffett ຕ້ອງຍົກຍ້ອງພ້ອມນັບຖືເປັນແບບຢ່າງ.

ຊາຍເຖົ້າທີ່ຜູ້ຂຽນກໍາລັງເວົ້າຫາຢູ່ນີ້ ມີອາຍຸ 76ປີ ລາວເປັນຄົນທີ່ໃຊ້ຊີວິດທໍາມະດາ ບໍ່ໄດ້ມີລົດ ຫຼື ເຮືອນລັງໃຫຍ່ໂຕ ບໍ່ໄດ້ມີເຄື່ອງຂອງແບຣນເນມ ອາໄສເຊົ່າເຮືອນຢູ່ໃນເມືອງຊານຟຣານຊິສໂກ ກັບພັນລະຍາສຸດທີ່ຮັກຂອງລາວ ພ້ອມເສື້ອຜ້າ ແວ່ນຕາເກົ່າໆ ແລະ ໂມງລາຄາໜ່ວຍລະບໍ່ເທົ່າໃດຫຼຽນເທົ່ານັ້ນ.

ອາຫານທີ່ລາວມັກທີ່ສຸດແຊນວິດຊີສປີ້ງໝາກເລັ່ນ ທີ່ລາຄາບໍ່ແພງ ລາວບໍ່ມັກກິນອາຫານທີ່ຫຼູຫຼາ ບໍ່ມີລົດຫຼູລາຄາແພງຂັບ ລາວມັກຈະນັ່ງລົດເມ ແມ້ແຕ່ກະເປົ໋າທີ່ໃຊ້ກໍ່ຍັງເປັນກະເປົ໋າຜ້າທໍາມະດາ ແຕ່ລາວເປັນຄົນໜຶ່ງທີ່ປະຢັດໃນການໃຊ້ຈ່າຍ ມັກຈະລະອຽດຮອບຄອບ ແລະ ກວດສອບທຸກບິລສະເໝີ ຈາກທີ່ຟັງມາກໍ່ຄືກັບເປັນຄົນທໍາມະດາຄົນໜຶ່ງ ແຕ່ທ່ານຮູ້ບໍ່ກ່ອນທີ່ລາວຈະໃຊ້ຊີວິດມາເຖິງ 76ປີ ລາວເຮັດຫຍັງມາແນ່?

ໃນໄລຍະຜ່ານມາລາວໄດ້ບໍລິຈາກເງິນ ຈໍານວນ 588ລ້ານຫຼຽນສະຫະລັດ ໃຫ້ມະຫາວິທະຍາໄລຄໍເນລ; ບໍລິຈາກ 125ລ້ານຫຼຽນສະຫະລັດ ໃຫ້ມະຫາວິທະຍາໄລແຄລິຟໍເນຍ ລວມເຖິງບໍລິຈາກ 60 ລ້ານຫຼຽນສະຫະລັດ ໃຫ້ມະຫາວິທະຍາໄລສະແຕນຟອດ.
ອີກທັງຍັງລົງທຶນ ປັບປຸງມະຫາວິທະຍາໄລ 7ແຫ່ງ ກັບອີກ 2ແຫ່ງໃນໄອແລນເໜືອ ດ້ວຍເງິນມູນຄ່າກວ່າ 3ໝື່ນລ້ານບາດ ທີ່ສໍາຄັນລາວຍັງຈັດຕັ້ງກອງທຶນເພື່ອການກຸສົນສໍາລັບເປັນຄ່າປິ່ນປົວຢູ່ໂຮງໝໍໃຫ້ກັບເດັກນ້ອຍປາກແຫວ່ງ ໃນປະເທດທີ່ກໍາລັງພັດທະນາອີກດ້ວຍ ລວມເງິນທີລາວບໍລິຈາກໄປແລ້ວກວ່າ 1ແສນລ້ານບາດ ແຕ່ຍັງບໍ່ພຽງເທົ່ານັ້ນ ເພາະລາວຍັງລໍຖ້າໃຊ້ເງິນເພື່ອບໍລິຈາກອີກ ໃນອະນາຄົດ.

ຢ່າງໃດກໍ່ຕາມ ຄົນທີ່ເຮົາກໍາລັງເວົ້ງເຖິງຢູ່ນີ້ແມ່ນ Chuck Feeney ຜູ້ກໍ່ຕັ້ງກອງທຶນ DFS ລາວສາມາດຫາເງິນໄດ້ຢ່າງມະຫາສານໃນແຕ່ລະປີ ລາວຮັກໃນການຫາເງິນຫຼາຍ ແຕ່ບໍ່ມັກໃຊ້ເງິນ ແລະ ລາວຍັງຕັ້ງປະນິທານໄວ້ວ່າ ກ່ອນປີ 2016 ລາວຈະບໍລິຈາກເງິນທີ່ເຫຼືອໃຫ້ໝົດ ເພື່ອທີ່ຕົນເອງຈະໄດ້ຈາກໂລກນີ້ໄປຢ່າງບໍ່ຕ້ອງຫ່ວງຫຍັງອີກ.

ເລື່ອງລາວດັ່ງກ່າວເຮັດໃຫ້ຜູ້ສື່ຂ່າວຈໍານວນຫຼາຍໃຫ້ຄວາມສົນໃຈ ແລະ ສົງໄສໃນສິ່ງທີ່ລາວເຮັດ ຈຶ່ງຖາມລາວວ່າ: ເຈົ້າຢູ່ກັບຊັບສິນອັນມະຫານສານ ເປັນຫຍັງບໍ່ໄປໃຊ້ຊີວິດທີ່ເລີດຫຼູແບບທີ່ຫຼາຍຄົນຕ້ອງການ?

Chuck Feeney ຍິ້ມອອກມາ ພ້ອມກັບເລົ່າວ່າ: ໝາປ່າໂຕໜຶ່ງ ແນວເຫັນສວນອາງຸ່ນ ຈຶ່ງຢາກຈະເຂົ້າໄປກິນອາງຸ່ນໃຫ້ເຕັມທີ່ ແຕ່ໂຕມັນນັ້ນ ອ້ວນເກີນກວ່າທີ່ຈະລອດຮົ້ວເຂົ້າໄປໄດ້ ມັນຈຶ່ງອົດອາຫານເຖິງ 3ມື້ ເພື່ອຫຼຸດຮຸ່ນຂອງມັນລົງ ແລ້ວມັນກໍ່ຜ່ານເຂົ້າໄປໃນສວນອາງຸ່ນໄດ້ໃນທີ່ສຸດ ມັນເຂົ້າໄປກິນອາງຸ່ນ ແລະ ໝາກໄມ້ຈົນອີ່ມພໍໃຈແລ້ວ ແຕ່ເມື່ອມັນຈະຂ້າມຮົ້ວກັບອອກມາ ໂຕມົນໃຫຍ່ເກີນ ມັນຈຶ່ງໃຊ້ວິທີເກົ່າຄືການອົດອາຫານເຖິງ 3ມື້ ສຸດທ້າຍແລ້ວທ້ອງຂອງມັນຕອນທີ່ອອກມາກໍ່ບໍ່ຕ່າງຫຍັງກັບຕອນທີ່ເຂົ້າໄປເລີຍ.

ຂອບໃຈຂໍ້ມູນຈາກ: LIEKR