ດ່ວນ! ເກີດເຫດລົດບັນທຸກປາກະຊັງປີ້ນຢູ່ປາກຊ່ອງ ປາດີ້ນກອງກັນເດຍລະດາດ

ດ່ວນ! ເກີດເຫດລົດບັນທຸກປາກະຊັງປີ້ນຢູ່ປາກຊ່ອງ ປາດີ້ນກອງກັນເດຍລະດາດ

8th May 2020 0 By Education

ອຸບັດເຫດເກີດຂຶ້ນໄດ້ທຸກເມື່ອຍາມອີຫຼີ ບໍ່ວ່າຈະເປັນທາງບົກ, ທາງນໍ້າ ຫຼື ທາງອາກາດ ສະນັ້ນ ທຸກໆການເດີນທາງຕ້ອງມີຄວາມລະມັດລະວັງ ຢ່າຟ້າວຟັ່ງເກີນໄປ ເພາະມັນອາດເຮັດໃຫ້ເກີດຄວາມສູນເສຍຕາມຫຼັງມາໄດ້ ບໍ່ວ່າຈະເປັນຊັບສິນ ຫຼື ຊີວິດກໍ່ຕາມ.

ດັ່ງກໍລະນີຫຼ້າສຸດນີ້, ອາດເຖິງຄາວຊວຍ ຂອງລົດບັນທຸກປາກະຊັງທີ່ພາດທ່າເສຍທີລົດເຈີດລົງແຄມທາງ ເຮັດໃຫ້ປາກະຊັງທີ່ບັນທຸກມານັ້ນ ໂຫຼ່ອອກຈາກຖັງຊະຊາຍກອງແຕມແຄມທາງຈຸດເກີດເຫດ ເຊິ່ງເຫດການດັ່ງກ່າວແມ່ນເກີດຂຶ້ນໃນວັນທີ 8 ພຶດສະພາ 2020 ທີ່ ບ້ານຫລັກ48, ເມືອງປາກຊ່ອງ ແຕ່ກໍ່ຖືວ່າຍັງໂຊກດີທີ່ບໍ່ມີໃຜເປັນຫຍັງ.

ແນວໃດກໍ່ຕາມ ໄລຍະນີ້ຍິ່ງເປັນຊ່ວງທີ່ຝົນຕົກ, ລົມພາຍຸເຂົ້າຕະຫຼອດ ເຊິ່ງມັນຍິ່ງສ່ຽງຕໍ່ການເກີດອຸບັດເຫດທີ່ງ່າຍດາຍ, ດັ່ງນັ້ນ ຜູ້ຂັບຂີ່ກໍ່ຕ້ອງມີສະຕິລະວັງຕົວ ເພື່ອບໍ່ໃຫ້ເກີດອຸບັດເຫດໄດ້.