ທົດລອງມື້ນີ້ 9ພຶດສະພາ! ໂທລະພາບຊ່ອງ ສຶກສາ-ກິລາ ລາວ ຊ່ອງທາງຮຽນໃໝ່ຂອງນັກຮຽນນັກສຶກສາ ໃນໄລຍະພັກຮຽນ

ທົດລອງມື້ນີ້ 9ພຶດສະພາ! ໂທລະພາບຊ່ອງ ສຶກສາ-ກິລາ ລາວ ຊ່ອງທາງຮຽນໃໝ່ຂອງນັກຮຽນນັກສຶກສາ ໃນໄລຍະພັກຮຽນ

9th May 2020 0 By Education

ໂທລະພາບຊ່ອງ ສຶກສາ-ກິລາ ລາວ (Lao ESTV) ໄດ້ເລີ່ມອອກອາກາດທົດລອງແລ້ວ ຜ່ານທາງໂທລະພາບສະຖານີດາວທຽມ ລາວແຊັດ (LAOSAT) ຊ່ອງ 8 ໃນມື້ນີ້ 9 ພຶດສະພາ 2020 ເພື່ອແນໃສ່ສ້າງເງື່ອນໄຂໃຫ້ລູກຫຼານນັກຮຽນ-ນັກສຶກສາ ໄດ້ຮໍ່າຮຽນທົດແທນໃນໄລຍະການພັກການຮຽນ ຍ້ອນພະຍາດໂຄວິດ 19 ຕາມທິດຊີ້ນຳຂອງຂັ້ນເທີງ ເວົ້າລວມ ແລະ ເວົ້າສະເພາະຂອງກະຊວງສຶກສາທິການ ແລະ ກິລາ.

ສ່ວນລາຍການຕົ້ນຕໍທີ່ຈະອອກອາກາດໃນໄລຍະທົດລອງນີ້ ແມ່ນການຮຽນ ການສອນ ສຳລັບຊັ້ນປະຖົມ ແລະ ຊັ້ນມັດທະຍົມສຶກສາ, ລາຍການກິລາກາຍຍະກຳ, ສິລະປະວັນນະຄະດີ, ສາລະຄະດີ, ຂ່າວ ແລະ ອື່ນໆ ເລີ່ມອອກອາກາດແຕ່ເວລາ 05.50 ໂມງ ເຖິງ 22.00 ໂມງ ທຸກໆວັນ.

ນອກຈາກຈະເບິ່ງໃນໂທລະພາບປົກກະຕິ ໂດຍຜ່ານສະຖານີລາວແຊັດທີວີແລ້ວ, ຍັງສາມາດເຂົ້າເບິ່ງໄດ້ແບບອອນລາຍທາງເວັບໄຊ Edu.laosat.la ພຽງແຕ່ທ່ານລົງຊື່ເຂົ້າເປັນພາສາອັງກິດ ພຽງພິມແຕ່ຊື່ໃສ່ເທົ່ານັ້ນ ກໍຈະຜ່ານເຂົ້າຊົມໄດ້ແລ້ວ.​
ຂໍເນັ້ນວ່າໄລຍະນີ້ຍັງເປັນໄລຍະອອກອາກາດທົດລອງ, ສ່ວນລາຍລະອຽດຜັງລາຍການອອກອາກາດ ສາມາດຕິດຕາອ່ານລາຍລະອຽດໄດ້ໃນເອກະສານທີ່ແອັດມິນຕິດຂັດມານີ້.