ໄດ້ຄູ່ທີ່ດີຊີວິດມີໄຊໄປກວ່າເຄິ່ງ ໄດ້ຄົນຮ່ວມສ້າງຮ່ວມສາເອີ້ນວ່າວາດສະໜາດີ

ໄດ້ຄູ່ທີ່ດີຊີວິດມີໄຊໄປກວ່າເຄິ່ງ ໄດ້ຄົນຮ່ວມສ້າງຮ່ວມສາເອີ້ນວ່າວາດສະໜາດີ

9th May 2020 0 By Education

ສາວລາວໄວ 24 ປີ ມີແນວມາໃຫ້ພວກເຮົາຄິດອິດສາກັນອີກແລ້ວ ຫຼັງຈາກທີ່ຫາກໍ່ຂຶ້ນເຮືອນໃໝ່ໄປໝາດໆຫວ່າງຕົ້ນເດືອນ 3 ຜ່ານມາ, ເຜີແປບດຽວພວກເຮົາຍັງຫຍຸ້ງໆກັບໂຄວິດເພິ່ນກໍ່ສ້າງເດິ່ນບ້ານ, ຍ່ອນຈອດລົດສຸດຫຼູໄປເປັນທີ່ຮຽບຮ້ອຍແລ້ວ ທີ່ສຳຄັນຄືເງິນທີ່ສອງຜົວເມຍຮ່ວມແຮງກັນສ້າງນັ້ນເອງ.

ສາວເອເອບອກວ່າ: ສອງແຮງຊ່ວຍກັນສ້າງສາແນ່ນອນຢູ່ແລ້ວວ່າຈະຕ້ອງສໍາເລັດໄວກວ່າສ້າງແຮງດຽວ🏡 ບໍ່ເສຍແຮງທີ່ຕັ້ງໃຈຫາເງິນອົດຫລິ້ນອົດທ່ຽວ ສຸດທ້າຍກໍສໍາເລັດທຸກຢ່າງ💜ຂອບໃຈຄົນຮັກພາສ້າງຂອບໃຈກຳລັງໃຈຈາກຄອບຄົວແລະຫມູ່ເພື່ອນ🙏🏻 ຄົບ6ເດືອນແລ້ວ ເດີ່ນບ້ານກຳແພງບ່ອນຈອດລົດກໍ່ສຳເລັດແລ້!ວ້າວ!!! ແອັດຫາມາທັ້ງຊີວິດປານນີ້ຍັງບໍ່ມີເຮືອນຢູ່ ກໍ່ອາດຊິເປັນຍ້ອນບຸນວາດສະໜາເອງນັ້ນແລນໍ!

ນີ້ຄືຜູ້ຊາຍທີ່ຄອຍຢູ່ຄຽງຂ້າງ ແລະຊ່ວຍກັນສ້າງເຮືອນຫຼັງງາມນີ້ສຳເລັດ

ເຮືອນຫຼັງງາມຂອງຄູ່ຜົວເມຍສາວເອເອ ຫາກໍ່ຂຶ້ນໄປໃໝ່ໆຫວ່າງ 2 ເດືອນກ່ອນ ປະມານວັນທີ 9/3/2020ຜ່ານມານີ້ເອງ.

ສາວເອເອບອກວ່າ: ອາຍຸ 24ປີ ສຸດທ້າຍກະເຮັດສຳເລັດມີບ້ານ 1 ຫລັງ ມີລົດ 2ຄັນຂອງຜົວຄັນ1ເມຍຄັນ1, ຂອບໃຈຄົນຮັກທີ່ພາສ້າງພາສາຈົນມີທຸກຢ່າງທຸກມື້ນີ້ ອົດທົນສ້າງບ້ານນໍາກັນພາຍໃນ 4 ເດືອນ ອົດໄປຫລິ້ນໄປທ່ຽວເກັບອອມ ຂ້ອຍຫາ ເຈົ້າຫາຊ່ວຍກັນຄົນລະເຄິ່ງ ຂ້ອຍເມື່ອຍເຈົ້າເມື່ອຍແຕ່ເຮົາກະບໍ່ເຄີຍທໍ້ຍ້ອນເຮົາມີເປົ້າຫມາຍດຽວກັນ ເພື່ອສ້າງຮາກຖານຄອບຄົວໃຫ້ຫມັ້ນຄົງ!!

ປະໂຫຍກສັ້ນໆຂອງເພິ່ນນີ້ອາດເຮັດໃຫ້ຫຼາຍຄົນຈຸກ ແລະຈົ່ມພືມພຳວ່າ ແນວຕົ້ນທຶນຊີວິດບໍ່ຄືກັນ ອັນນັ້ນກໍ່ມີສ່ວນ ແຕ່ສຳລັບຄົນທີ່ມີວາດສະໜາດີ, ທຸລະກິດດີ, ໜ້າທີການງານຊ່ວຍເພິ່ນຫາໜ້ອຍກໍ່ໄດ້ຫຼາຍຫາຫຼາຍຍິ່ງທະວີຄູນ ສາວເອເອບອກວ່າ ການທີ່ເລືອກຄູ່ຊີວິດທີ່ດີຊີວິດເຮົາກໍຈະດີຕາມ!!! ອັນນີ້ເຊື່ອເພິ່ນ

ແນວໃດກໍ່ຕາມເລື່ອງລາວຊີວິດນີ້ເຊື່ອວ່າຈະເຮັດໃຫ້ຫຼາຍໆຄົນຢາກຈັ້ນໆກັບຊີວິດຄູ່ໂຕເອງໃຫ້ຮີບມີຫຼາຍໆຢ່າງກ່ອນທີ່ຈະໝົດເຫື່ອໝົດແຮງ ແນ່ນອນບູຮານວ່າ ແຂ່ງຫຍັງແຂ່ງໄດ້ແຕ່ແຂ່ງກັບບຸນວາດສະໜານັ້ນແຂ່ງບໍໄດ້ ຄຳນີ້ສຳຄັນພວກເຮົາຜູ້ທີ່ບໍໄດ້ຄືເພິ່ນກໍ່ຈົ່ງມຸ້ງໝັ້ນຕັ້ງໃຈ ເຮັດໃຫ້ດີທີ່ສຸດຊ່ວຍກັນສ້າງສາມື້ໜຶ່ງຫາກຊິມີນໍ!!!