ເກີດຫຍັງຂຶ້ນ? ຮອງຫົວໜ້າກົມພາສີ ກໍ່ເຫດໃຊ້ປືນປິດຊີບຕົນເອງ

ເກີດຫຍັງຂຶ້ນ? ຮອງຫົວໜ້າກົມພາສີ ກໍ່ເຫດໃຊ້ປືນປິດຊີບຕົນເອງ

10th May 2020 0 By Education

ໃນເດືອນນີ້ ຜູ້ໃຫຍ່ກໍ່ເຫດຄິດສັ້ນຫວັງປິດຊີບດ້ວຍນໍ້າມືຂອງຕົນເອງເກີດຂຶ້ນເປັນຄັ້ງທີ 2 ຂອງເດືອນພຶດສະພາ 2020 ເມື່ອຮອງຫົວໜ້າກົມພາສີ ກະຊວງການເງິນ ໃຊ້ປືນປິດຊີບຕົນເອງຄາເຮືອນ ໂຊກດີບໍ່ທັນເສຍຊີວິດຄາທີ່ ແຕ່ຍ້ອນຜູ້ກ່ຽວທົນພິດບາດແຜບໍ່ໄຫວຈຶ່ງເສຍຊີວິດລົງໃນເວລາຕໍ່ມາ.

ຕາມລາຍງານຈາກເຈົ້າໜ້າທີໃຫ້ຮູ້ ໃນວັນທີ 4 ພຶດສະພາ 2020 ຜ່ານມາ ໄດ້ເກີດເຫດສະຫຼົດໃຈ ມີຄົນໃຊ້ປືນປິດຊີບຕົນເອງຢູ່ເຮືອນ ທີ່ບ້ານຫົວຂົວ ໜ່ວຍ 8 ເມືອງໄຊເສດຖາ, ນະຄອນຫຼວງວຽງຈັນ. ຊາບຊື່ ທ້າວ ສົມເພັດ ສີວົງໄຊ ອາຍຸ 57 ປີ ອາຊີບລັດຖະກອນ, ຕໍາແໜ່ງ ຮອງຫົວໜ້າກົມພາສີ ກະຊວງການເງິນ, ແພດໝໍ ຊ່ວຍເຕັມທີ່ແລ້ວແຕ່ບໍ່ສາມາດກອບກູ້ເອົາຊີວິດໄດ້.

ຈາກການສືບສວນເບື້ອງຕົ້ນ ຜູ້ເປັນເມຍ ໃຫ້ການວ່າ ໃນຕອນເຊົ້າ ວັນທີ 4 ພຶດສະພາ 2020 ພາຍຫຼັງຕື່ນນອນ, ຕົນເອງ ສາມີ ແລະ ລູກ ໄດ້ພາກັນ ເຮັດວຽກເຮືອນ ແລະ ກຽມຈະອອກໄປວຽກ, ຈາກນັ້ນ ຜູ້ເປັນຜົວ ໄດ້ຊວນໄປ ມັດແຂນ ຢູ່ວັດ. ທັງສອງ ຈິ່ງຂຶ້ນໄປຫ້ອງນອນ, ເມຍເຂົ້າຫ້ອງນໍ້າເພື່ອອາບນໍ້າ ຈະໄປນໍາຜົວ, ຈາກນັ້ນ, ຜູ້ເປັນຜົວ ໄດ້ຮ້ອງຖາມເມຍ ວ່າ ປືນຂອງລາວ ໝົດກໍານົດແລ້ວບໍ່? ເມຍຈິງຕອບວ່າ ຢ້າຟ້າວໄປວົນ ໃຫ້ແລ້ວໂຄວິດ ກ່ອນ.

ຈາກນັ້ນອີກບໍ່ດົນ ກໍ່ໄດ້ຍິນສຽງປືນ 2 ຄັ້ງ, ຜູ້ເປັນເມຍຈິ່ງໄດ້ ແລ່ນອອກຈາກຫ້ອງນໍ້າ ມາເຫັນສາມີນອນບາດເຈັບ ຢູ່ສົ້ນຕຽງຕິດກັບຫ້ອງນໍ້າ, ເມຍຈິງໄດ້ຮ້ອງໃຫ້ລູກມາຊ່ວຍ ແລະ ໂທຫາກູ້ໄພ ເພື່ອນໍາສົ່ງໂຮງໝໍ ແລະ ຜູ່ກ່ຽວໄດ້ເສຍຊີວິດ ໃນເວລາຕໍ່ມາ.

ສ່ວນສາເຫດ ຂອງການປິດຊີບຕົນເອງໃນຄັ້ງນີ້ ແມ່ນຍັງບໍ່ຮູ້ລະອຽດ ທາງເຈົ້າໜ້າທີ່ຈະເຮັດການສືບສວນຫາສາເຫດຕໍ່ໄປ.