ໂຮງງານຜະລິດຜ້າອັດປາກ-ດັງ 2ແຫ່ງໃນລາວ ເລີ່ມເດີນເຄື່ອງທົດລອງຜະລິດແລ້ວ ຄວາມຫວັງຄົນລາວໄດ້ຊື້ໃຊ້ໃນລາຄາພໍງາມ

ໂຮງງານຜະລິດຜ້າອັດປາກ-ດັງ 2ແຫ່ງໃນລາວ ເລີ່ມເດີນເຄື່ອງທົດລອງຜະລິດແລ້ວ ຄວາມຫວັງຄົນລາວໄດ້ຊື້ໃຊ້ໃນລາຄາພໍງາມ

11th May 2020 0 By Education

ຫຼາຍປີມານີ້ ບ້ານເຮົາໂດຍສະເພາະໃນຕົວເມືອງໃຫຍ່ແມ່ນມີບັນຫາຝຸ່ນ PM2.5 ເຊິ່ງອັນຕະລາຍຕໍ່ສຸຂະພາບ ແຕ່ປະຊາຊົນລາວສ່ວນໃຫຍ່ກໍ່ບໍ່ຄ່ອຍໃສ່ໃຈ ຈິ່ງເຮັດໃຫ້ຜ້າອັດປາກບໍ່ເປັນທີ່ຕ້ອງການສູງ ຈົນມາຮອດໄລຍະທີ່ພະຍາດອັກເສບປອດສາຍພັນໃໝ່ໂຄວິດ-19 ລະບາດ ທຸກຄົນຕື່ນຕົວຫາຜ້າອັດປາກໃສ່ ແລະກາຍເປັນສິນຄ້າຂາດຕະຫຼາດໄປໂດຍອັດຕະໂນມັດ.


ໃນລະຫວ່າງທີ່ພວກເຮົາຕ້ອງການຜ້າອັດປາກທີ່ມີຊັ້ນກັນຊືມປ້ອງກັນທາດແຫຼວຕ່າງໆ ໂດຍສະເພາະປ້ອງກັນການໄອຈາມຈາກຄົນອື່ນມາໃສ່ຕົວເຮົານັ້ນ ທຸກປະເທດທົ່ວໂລກກໍ່ມີຄວາມຕ້ອງການສູງເຊັ່ນກັນ ແລະໄດ້ກຳນົດເອົາຜ້າອັດປາກເປັນສິນຄ້າຄວບຄຸມຫ້າມສົ່ງອອກ ຍິ່ງສົ່ນຜົນກະທົບຕໍ່ບ້ານເຮົາທີ່ບໍ່ມີໂຮງງານຜະລິດຢູ່ພາຍໃນ.


ຍ້ອນເຫັນໄດ້ເຖິງຄວາມສຳຄັນ ແລະຄວາມຈຳເປັນດັ່ງກ່າວ ປັດຈຸບັນໄດ້ມີຫົວໜ່ວຍທຸລະກິດຈຳນວນໜຶ່ງສະເໜີຂໍສ້າງຕັ້ງໂຮງງານຜະລິດຜ້າອັດປາກ-ດັງ ນຳຂະແໜງອຸດສາຫະກຳ ແລະ ການຄ້າຈຳນວນ 8 ໂຮງງານ ໃນນັ້ນສະສະເໜີຂັ້ນກະຊວງກໍ່ຄືກົມຈຳນວນ 4 ໂຮງງານ ແລະ ສະເໜີຕໍ່ການຄ້ານະຄອນຫຼວງ 4 ໂຮງງານ.

ມາຮອດຈຸບັນໂຮງງານເຫຼົ່ານັ້ນ 2 ແຫ່ງແມ່ນໄດ້ເລີ່ມເດີນເຄື່ອງທົດລອງຜະລິດແລ້ວ, ໜຶ່ງໂຮງງານກຳລັງຕິດຕັ້ງເຄື່ອງຈັກ, 4 ໂຮງງານຢູ່ໃນໄລຍະນຳເຂົ້າເຄື່ອງຈັກ ແລະອີກ 1 ໂຮງງານຢູ່ລະຫວ່າງດຳເນີນເອກະສານ ຖ້າຫາກທັງໝົດ 8 ໂຮງງານພ້ອມເດີນເຄື່ອງຜະລິດ ຈະມີກຳລັງການຜະລິດ 1.268.000 ອັນຕໍ່ວັນ ແລະຈະຂາຍໃນລາຄາສະເລ່ຍພຽງແຕ່ ຕໍ່ 1.200-1.400 ກີບຕໍ່ແຜ່ນ !!!