ມາອີກລາຍ! ຄົນແຂວນຄໍດັບຊີວິດຢູ່ສະຫວັນນະເຂດ ຂໍໃຫ້ໄປດີເຖິງສຸກ

ມາອີກລາຍ! ຄົນແຂວນຄໍດັບຊີວິດຢູ່ສະຫວັນນະເຂດ ຂໍໃຫ້ໄປດີເຖິງສຸກ

11th May 2020 0 By Education

ບໍ່ຮູ້ວ່າເກີດຫຍັງຂຶ້ນໃນໄລຍະນີ້  ປາກົດເຫັນຫຼາຍທີ່ຄົນລາວຈໍານວນໜຶ່ງຕໍຄິດສັ້ນ ປິດຊີບຕົນເອງດ້ວຍວິທີການຕ່າງໆ ທັງຜູ້ໃຫຍ່, ຜູ້ນ້ອຍ ໂດຍບໍ່ສາມາດເດົາສາເຫດຂອງການກໍ່ເຫດດັ່ງກ່າວໄດ້, ໂດຍຫຼ້ສຸດ ເກີດເຫດຄົນແຂວນຄໍດັບຊີວິດຕົນເອງຢູ່ຫ້ອງນໍ້າ ຢູ່ສະຫວັນນະເຂດ.

ລາຍງານຈາກໜ່ວຍກູ້ໄພໃຫ້ຮູ້ວ່າ:  ວັນທີ 11 ພຶດສະພາ 2020 ເວລາປະມານ 07:10 ນາທີ ຕອນເຊົ້າ ໜ່ວຍກູ້ໄພ ສະຫວັນນະເຂດ ໄດ້ຮັບແຈ້ງເຫດເຂົ້າເບີສຸກເສີນ ວ່າມີຄົນຜູກຄໍເສຍຊີວິດ ຢູ່ເຂດບ້ານ ວຽງສະຫວັນ, ນະຄອນ ໄກສອນພົມວິຫານ, ແຂວງ ສະຫວັນນະເຂດ.

ດັ່ງນັ້ນ, ທາງທີມງານເຖິງຈຸດເກີດເຫດພົບສົບຜູ້ເສຍຊີວິດ ເປັນເພດຊາຍ ໃຊ້ເຊືອກຜູກຄໍຕົນເອງຢູ່ພາຍໃນຫ້ອງນ້ຳ ຄາດວ່າຈະເສຍຊີວິດມາຫຼາຍຊົ່ວໂມງ, ຕໍ່ມາຈຶ່ງໄດ້ປະສານແຈ້ງເຈົ້າໜ້າທີ່ ພາກສ່ວນກ່ຽວຂ້ອງເຂົ້າກວດກາເກັບກຳ ຂໍ້ມູນຄະດີ ສ່ວນລາຍລະອຽດການເສຍຊີວິດຢ່າງແນ່ຊັດທາງເຈົ້າໜ້າທີ່ກຳລັງສືບສວນສອບສວນຕໍ່ໄປ

ແອັດມິນຂໍສະແດງຄວາມເສຍໃຈນຳຍາດຕິພີ່ນ້ອງຂອງຜູ້ເສຍຊີວິດ ແລະ ຂໍໃຫ້ວີນຍານຜູ້ເສຍຊີວິດໄປສູ່ພົບພູມທີ່ດີດ້ວຍເຖີ້ນ.