ເສົ້າໃຈ! ພົບຄົນແຂວນຄໍດັບຊີວິດຢູ່ເຮືອນຂອງໝູ່ເຂດບ້ານໂພນຕ້ອງສະຫວາດ ຂໍໃຫ້ໄປສູ່ພົບພູມທີ່ດີດ້ວຍເຖີ້ນ

ເສົ້າໃຈ! ພົບຄົນແຂວນຄໍດັບຊີວິດຢູ່ເຮືອນຂອງໝູ່ເຂດບ້ານໂພນຕ້ອງສະຫວາດ ຂໍໃຫ້ໄປສູ່ພົບພູມທີ່ດີດ້ວຍເຖີ້ນ

11th May 2020 0 By Education

ເອົາອີກແລ້ວ ກ່ອນໜ້ານີ້ ບໍ່ຮອດຊົ່ວໂມງ ແອັດມິນໄດ້ນໍາສະເໜີຂ່າວໄປແລ້ວກ່ຽວກັບເຫດຄົນແຂວນຂໍດັບຊີວິດຕົນເອງ ເຊິ່ງເຫດການດັ່ງກ່າວເກີດຂຶ້ນຢູ່ສະຫວັນນະເຂດ, ແຕ່ກໍ່ຕ້ອງມາອັບເດດຂ່າວແບບນີ້ອີກຄັ້ງເກີດຂຶ້ນຢູ່ທີ່ບ້ານໂພນຕ້ອງສະຫວາດ ເມືອງຈັນທະບູລີ ນະຄອນຫຼວງວຽງຈັນ.

ສະມາຄົມອາສາກູ້ໄພ ນະຄອນຫຼວງວຽງຈັນ ແຈ້ງເຫດສຸກເສີນໂທ 1624 ລາຍງານໃຫ້ຮູ້ວ່າ: ໃນວັນທີ 11 ພຶດສະພາ 2020 ເວລາ 11:47 ນາທີ ໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າ ມີເຫດຄົນແຂວນປິດຊີບຕົນເອງຢູ່ພາຍໃນເຮືອນ ຢູ່ບ້ານ ໂພນຕ້ອງສະຫວາດ ເມືອງ ຈັນທະບູລີ ນະຄອນຫຼວງວຽງຈັນ

ທີມກູ້ຊີບກູ້ໄພນະຄອນຫຼວງ (ສູນສັ່ງການ), ຈຶ່ງໄດ້ອອກກວດສອບເຫດພົບຜູ້ເສຍຊີວິດ 01 ຄົນ ເປັນເພດຊາຍ ອາຍຸ 25 ຢູ່ບ້ານໂພນຕ້ອງສະຫວາດ ເຊີ່ງຜູ້ກ່ຽວໄດ້ແຂວນຄໍ (ພາຍໃນບ້ານຂອງຫມູ່), ເຊິ່ງຜູ້ເສຍຊີວິດເປັນຄົນແຂວງສະຫວັນນາເຂດ ບ້ານ ນາສະໂນ.

ດັ່ງນັ້ນຫນ່ວຍກູ້ໄພນະຄອນຫຼວງຈື່ງປະສານງານຫາເຈົ້າຫນ້າທີ່ກ່ຽວຂ້ອງ ແລະ ຍາດຕິພີ່ນ້ອງຂອງຜູ້ເສຍຊີວິດມາຮັບເອົາສົບນໍາໄປປະກອບພິທີທາງສາສະໜາ ເຊິ່ງຕອນນີ້ໄດ້ນໍາຜູ້ເສຍຊີວິດໄປຝາກໄວ້ໂຮງເຢັນທີ່ໂຮງຫມໍມະໂຫສົດ ເພື່ອລໍຖ້າພີ່ນ້ອງມາຮັບເອົາ.