ມາອີກແລ້ວ! ອຸຕຸເຕືອນພາຍຸຈະເຂົ້າອີກ  ມາຮອບນີ້ເລີ່ມຄ່ອຍລົງ ແຕ່ໃຫ້ລະມັດລະວັງຄືເກົ່າ

ມາອີກແລ້ວ! ອຸຕຸເຕືອນພາຍຸຈະເຂົ້າອີກ ມາຮອບນີ້ເລີ່ມຄ່ອຍລົງ ແຕ່ໃຫ້ລະມັດລະວັງຄືເກົ່າ

12th May 2020 0 By Education

ນັບແຕ່ຕົ້ນອາທິດເປັນຕົ້ນມາ ຫຼາຍເຂດໃນທົ່ວປະເທດ ປະເຊີນກັບລົມພາຍຸເກືອບທຸກມື້ ມີທັງຝົນຕົກ, ຟ້າຮ້ອງ, ຟ້າເຫຼື້ອມ ແຕ່ກົງກັນຂ້າມສະພາບອາກາດໃນຕອນກາງເວັນພັດຮ້ອນອົບເອົ້າ, ແດດແຫ້ມຈົນເກືອບໄໝ້ຜິວໜັງ, ຫຼ້າສຸດ ກົມອຸຕຸແຈ້ງເຕືອນພາຍຸປະຈໍາວັນທີ 12 ພຶດສະພາ ອີກ ແຕ່ຮອບນີ້ຈະມາຄ່ອຍລົງ.

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ແຈ້ງເຕືອນ ພາຍຸລະດູຮ້ອນ ປະຈຳວັນທີ 12 ພຶດ​ສະ​ພາ 2020 ຄວາມກົດດັນຕ່ຳຂອງອາກາດຮ້ອນປົກຄຸມຢູ່ພາກເໜືອຫາພາກກາງດ້ວຍກຳລັງອ່ອນ, ສົມທົບກັບກະແສລົມຕາເວັນຕົກ – ຕາເວັນຕົກສ່ຽງໃຕ້ພັດປົກຄຸມພາກເໜືອ, ສ່ວນພາກກາງຫາພາກໃຕ້ກະແສລົມຕາເວັນອອກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນຢູ່ທົ່ວໄປ ແລະ ຈະມີຝົນຕົກ ຟ້າຮ້ອງ ຟ້າເຫລື້ອມ ໃນລະດັບຄ່ອຍຢູ່ທົ່ວໄປ ແລະ ຕົກໃນລະດັບປານກາງພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ.

ດັ່ງນັ້ນ ຈື່ງແຈ້ງເຕືອນເຖິງປະຊາຊົນບັນດາເຜົ່າ ແລະ ອົງການປົກຄອງທຸກພາກສ່ວນ. ຈົ່ງມີສະຕິຕໍ່ສະພາບພາຍຸລະດູຮ້ອນທີ່ຈະເກີດຂື້ນ, ພ້ອມໃຫ້ຫລີກລ່ຽງການຢູ່ກ້ອງຕົ້ນໄມ້ໃຫ່ຍ, ປ້າຍໂຄສະນາ, ສີ່ງປຸກສ້່ງທີ່ບໍ່ໄດ້ມາດຕະຖານ ແລະ ຂໍໃຫ້ຕິດຕາມສະພາບອາກາດຈາກກົມອຸຕຸນິຍົມ ແລະ ອຸທົກກະສາດ ເປັນປະຈໍາ.