ເປີດປະຫວັດຫຍໍ້! ພົນເອກ ສີສະຫວາດ ແກ້ວບຸນພັນ ວິລະຊົນຜູ້ໃຊ້ເວລາຊີວິດເພື່ອປະເທດຊາດຕະຫຼອດມາ

ເປີດປະຫວັດຫຍໍ້! ພົນເອກ ສີສະຫວາດ ແກ້ວບຸນພັນ ວິລະຊົນຜູ້ໃຊ້ເວລາຊີວິດເພື່ອປະເທດຊາດຕະຫຼອດມາ

12th May 2020 0 By Education

ປະເທດຊາດຈາລຶກໄວ້ ການຈາກໄປແບບບໍ່ມີວັນຫວນກັບ ຂອງທ່ານ ພົນເອກ ສີສະຫວາດ ແກ້ວບຸນພັນ ອາດີດນາຍົກລັດຖະມົນຕີແຫ່ງ ສປປ ລາວ ແລະ ຜູ້ເຮັດວຽກເພື່ອປະເທດຊາດສະເໝີມາ ທີ່ຈາກໄປດ້ວຍໄວອາຍຸ 92 ປີ.

ທ່ານ ສີສະຫວາດ ແກ້ວບຸນພັນ ເກີດເມື່ອວັນທີ 01 ພຶດສະພາ 1928 ທີ່ບ້ານຫ້ວຍກະລືນ, ເມືອງຊຳເໜືອ, ແຂວງຫົວພັນ ມີອ້າຍເອື້ອຍນ້ອງຮ່ວມກັນ 3 ຄົນ ໃນຊີວິດຕອນຍັງເປັນເດັກນ້ອຍ ທ່ານ ອຳຄາ ກໍຄືເດັກນ້ອຍທົ່ວໄປຂອງບ້ານນອກ. ທ່ານອຳຄາ ໄດ້ກຳເນີດໃນຄອບຄົວທີ່ທຸກຍາກ ເປັນຊາວໄຮ່ນາ, ຫາປູຫາປາຕາມຫ້ວຍ, ຮ່ອງ, ຄອງບຶງ ເມື່ອເພີ່ນມີອາຍຸ 14 ປີ ແມ່ຂອງເພີ່ນກໍໄດ້ເສຍຊີວິດຈາກເພີ່ນໄປ, ສ່ວນພໍ່ໄດ້ໄປເປັນກຸລີຮັບຈ້າງໃຫ້ຝຣັ່ງ, ໄດ້ປະໃຫ້ເພີ່ນຢູ່ກັບນ້າບ່າວ ທີ່ເມືອງປົວ ຕໍ່ມາພໍ່ຂອງເພິ່ນກໍໄດ້ເສຍຊີວິດໄປຍ້ອນໂລກລະບາດ.

ໃນ ເດືອນ ມິຖຸນາ ປີ 1956 ທ່ານ ສີສະຫວາດ ແກ້ວບຸນພັນ ແລະ ທ່ານນາງ ຄຳຫຼ້າ ໄດ້ຕົກລົງແຕ່ງງານກັນ ຢູ່ບ້ານ ຊຽງຄໍ້ ເມືອງ ຊຽງຄໍ້ ແຂວງ ຫົວພັນ. ຫຼັງຈາກແຕ່ງງານແລ້ວພວກທ່ານກໍມີລູກນຳກັນ 4 ຄົນ ຄື: ທ່ານ ນາງ ຊຳສີວັດ ແກ້ວບຸນພັນ, ທ່ານ ດຣ ນາງ ອິນລາວັນ ແກ້ວບຸນພັນ, ທ່ານ ດຣ ນາງ ຂັນລາສີ ແກ້ວບຸພັນ ແລະ ທ່ານນາງ ພອນສີດາ ແກ້ວບຸນພັນ.

ໃນວັນທີ 3 ກຸມພາ ປີ 1972 ທ່ານໄດ້ເຂົ້າຮ່ວມກອງປະຊຸມໃຫຍ່ພັກຄັ້ງທີ II ໃນກອງປະຊຸມໃຫຍ່ຄັ້ງນີ້, ໄດ້ປ່ຽນ “ພັກປະຊາຊົນລາວ” ມາເປັນ “ພັກປະຊາຊົນປະຕິວັດລາວ”.

ປີ 1972-1987 ທ່ານໄດ້ເປັນຄະນະຮາກຖານການທະຫານສູນກາງ; ປີ 1979 ທ່ານໄດ້ເຂົ້າຮ່ວມກອງປະຊຸມນັກຮົມແຂ່ງຂັນ;

ປີ 1976-1987 ທ່ານ ໄດ້ເປັນຄະນະພັກການທະຫານສູນກາງ; ໃນວັນທີ 29 ພະຈິກ 1980 ທ່ານໄດ້ປະດັບຊັ້ນພົນເອກ ແລະ ປີ 1982 ທ່ານໄດ້ເຂົ້າຮ່ວມກອງປະຊຸມຄະນະພັກການທະຫານສູນກາງ.

ປີ 1975-1991: ເປັນລັດຖະມົນຕີປະຈໍາສໍານັກງານນາຍົກລັດຖະມົນຕີ, ເປັນລັດຖະມົນຕີກະຊວງພາຍໃນ, ເປັນປະທານປົກຄອງນະຄອນຫຼວງວຽງຈັນ

ປີ 1991-1996: ເປັນລັດຖະມົນຕີກະຊວງກະສິກໍາປ່າໄມ້

ປີ 1996-1998: ເປັນຮອງປະທານປະເທດ ແຫ່ງ ສປປ ລາວ

ປີ 1998-2001 ເປັນນາຍົກລັດຖະມົນຕີ ແຫ່ງ ສປປ ລາວ

ປີ 2001-2011: ເປັນປະທານສູນກາງແນວລາວສ້າງຊາດ

ປີ 2011: ອອກພັກຜ່ອນຮັບເບ້ຍບໍານານ