ຄັກສຸດ! ກົດລິບແບບໃໝ່ ໂດຍບໍ່ໃຊ້ມື ເພີ່ມຄວາມສະດວກສະບາຍ ພ້ອມປ້ອງກັນໂຄວິດ-19

ຄັກສຸດ! ກົດລິບແບບໃໝ່ ໂດຍບໍ່ໃຊ້ມື ເພີ່ມຄວາມສະດວກສະບາຍ ພ້ອມປ້ອງກັນໂຄວິດ-19

20th May 2020 0 By Education

ນັບວ່າເປັນອີກ ໜຶ່ງຄວາມຄິດສ້າງສັນທີ່ເກີດຂຶ້ນຢູ່ປະເທດເພື່ອນບ້ານກໍ່ຄືປະເທດໄທ ທີ່ຜູ້ປະກອບການເລັງເຫັນໄດ້ຄວາມສໍາຄັນໃນການປ້ອງກັນພະຍາດໂຄວິດ-19 ໃຫ້ແກ່ລູກຄ້າທີ່ມາໃຊ້ບໍລິການ ໄດ້ອອກແບບການໃຊ້ລິບຮ່ວມກັນ ໂດຍຫຼີກເວັ້ນການກົດສໍາຜັດປຸ່ມເລືອກຊັ້ນຮ່ວມກັນ ດ້ວຍການເຮັດບ່ອນກົດແບບໃໝ່ໃຊ້ຕີນຢຽບເອົາແທນ.

ຮູບແບບການກົດລິບແບບໃໝ່ທີ່ແອັດມິນກໍາລັງເວົ້າເຖິງນີ້ແມ່ນມີຢູ່ ສູນການຄ້າດັງແຫ່ງໜຶ່ງ ເຂດເສັ້ນທາງສີນາກຄະຣິນ ປະເທດໄທ ທີ່ນໍາແຜງຄວບຄຸມການເລືອກຊັ້ນຂຶ້-ລົງ ແລະ ເປີດ-ປິດ ປະຕູຂອງລິບມາຕິດຕັ້ງ ພຽງໃຫ້ລູກຄ້າໃຊ້ຕີນຢຽບ ເພື່ອຫຼີກຫຼ່ຽງການສໍາຜັດ ແລະ ຫຼຸດຄວາມສ່ຽງການແຜ່ລະບາດຂອງພະຍາດໂຄວິດ-19 ເຊິ່ງຖືເປັນແຫ່ງທໍາອິດໃນປະເທດໄທ.

ແນວໃດກໍ່ຕາມ, ວິທີການປ້ອງກັນພະຍາດໂຄວິດ-19 ແອັດເຊື່ອວ່າທຸກທ່ານຈະຮູ້ມາແລ້ວບໍ່ຫຼາຍກໍ່ໜ້ອຍ ແລະ ພະຍາຍາມປ້ອງກັນຕົນເອງໃຫ້ດີທີ່ສຸດ, ແຕ່ສໍາລັບວິທີການໃຊ້ລິບແບບໃຊ້ຕີນກົດເອົາກໍ່ຖືວ່າເປັນອີກວິທີຫຼຸດຄວາມສ່ຽງໜຶ່ງໄດ້ເຊັ່ນກັນ.

ທີ່ມາ: ໄທລັດ