ເອົາອີກແລ້ວ! ມື້ນີ້ ພົບສັນຍານແຜ່ນດິນໄຫວຢູ່ເມືອງໄຊສະຖານອີກຄັ້ງ

ເອົາອີກແລ້ວ! ມື້ນີ້ ພົບສັນຍານແຜ່ນດິນໄຫວຢູ່ເມືອງໄຊສະຖານອີກຄັ້ງ

22nd May 2020 0 By Education

ແອັດມິນເຄີຍສະເໜີໄປກ່ອນໜ້ານີ້ຫຼາຍຄັ້ງແລ້ວ ກ່ຽວກັບເຫດການການພົບສັນຍານແຜ່ນດິນໄຫວໃນປະເທດລາວເຮົາ, ເຊິ່ງພາຍໃນເດືອນພຶດສະພາແມ່ນເກີດຂຶ້ນຫຼາຍຄັ້ງແລ້ວ ແຕ່ຈະພົບຫຼາຍກວ່າໝູ່ແມ່ນຢູ່ເມືອງໄຊສະຖານ ແຂວງ ໄຊຍະບູລີ ແລະ ມື້ນີ້ກໍ່ເຊັ່ນກັນ ກົມອຸຕຸລາຍງານວ່າພົບສັນຍານແຜ່ນດິນໄຫວຢູ່ເມືອງດັ່ງກ່າວອີກຄັ້ງດ້ວຍຄວາມແຮງ 2,3ຣິກເຕີ.

ກົມອຸຕຸນິຍົມ ແລະ ອຸທົກກະສາດ ລາຍງານໃຫ້ຮູ້ວ່າ: ໃນວັນທີ 22 ພຶດສະພາ 2020 ເວລາ 04:48 ໂມງ ໄດ້ພົບສັນຍານການເກີດແຜ່ນດິນໄຫວພາຍນໃນປະເທດລາວ ຈໍານວນ 1ຄັ້ງ ໃນບໍລິເວນເຂດບ້ານ ສີໄຊທອງ ເມືອງໄຊສະຖານ ແຂວງໄຊຍະບູລີ, ເຊິ່ງຈຸດເກີດເຫດຫ່າງໄກຈາກຕົວເມືອງໄຊຍະບູລີປະມານ 63 ກິໂລແມັດ, ສະພາບຂອງແຜ່ນດິນໄຫວທີ່ມີຂະໜາດນ້ອຍດັ່ງລາຍລະອຽດຕາມນີ້

ໃນເວລາ 04:48:28 ຂອງໂມງທ້ອງຖິ່ນຈຸດສູນກາງ ຕາມເສັ້ນຂະໜານ ແລະ ເສັ້ນແວງ (ເບິ່ງໃນແຈ້ງການ) ດ້ວຍຄວາມແຮງສັ່ນສະເທືອນວັດແທກໄດ້ 2.3ຣິກເຕີ, ມີຄວາມເລິກຈາກໜ້າດິນ 8 ກິໂລແມັດ. ແນວໃດກໍ່ຕາມ ເຫດການດັ່ງກ່າວຍັງບໍ່ມີຜົນເສຍຫາຍຫຍັງ.