ເຮັດຕາມໄດ້ເລີຍ! ສູດງ່າຍໆ ໄລ່ຍຸງດ້ວຍສະບູ ແລະ ນໍ້າຕານຊາຍ ບໍ່ອັນຕະລາຍຕໍ່ສຸຂະພາບ

ເຮັດຕາມໄດ້ເລີຍ! ສູດງ່າຍໆ ໄລ່ຍຸງດ້ວຍສະບູ ແລະ ນໍ້າຕານຊາຍ ບໍ່ອັນຕະລາຍຕໍ່ສຸຂະພາບ

25th May 2020 0 By Education

ສະບາຍດີແຟນເພຈທີ່ໜ້າຮັກ, ຊ່ວງນີ້ ປະເທດເຮົາກໍາລັງມີການລະບາດໜັກຂອງພະຍາດໄຂ້ເລືອດອອກ ອັນມາຈາກສັດອັນຕະລາຍກໍ່ຄືຍຸງລາຍທີ່ເປັນພາຫະນໍາເຊື້ອ ແລະ ແຜ່ເຊື້ອສູ້ຄົນເຮົາ, ດັ່ງນັ້ນ ຢາກຫ່າງໄກຈາກພະຍາດນີ້ຕ້ອງກໍາຈັດຍຸງຖິ້ມ, ເຊິ່ງແນ່ນອນ ມື້ນີ້ ແອັດມິນໄດ້ໄປຫາສູດເດັດທີ່ເຮົາເຮັດເອງໄດ້ ແລະ ຫາວັດຖຸດິບໃນເຮືອນມາປະດິດເພື່ອກໍາຈັດຍຸງໃຫ້ໝົດໄປ.

ສູດທີ່ແອັດມິນຈະນໍາສະເໜີໃນມື້ນີ້ ເປັນເຄັດລັບ ແລະ ຂັ້ນຕອນງ່າຍໆ ທີ່ຊ່ວຍໃນເລື່ອງຂອງການໄລ່ແມງ ແລະ ໄລ່ຍຸງ ໃຫ້ອອກຈາກເຮືອນເຮົາໄປ ໂດຍບໍ່ສົ່ງຜົນກະທົບຕໍ່ຮ່າງກາຍຂອງເຮົາ ດີກວ່າການຈູດຢາກັນຍຸງອີກຕ່າງຫາກ.

ໂດຍສິ່ງທີ່ເຮົາຕ້ອງກຽມຫຼັກໆ ມີຄື ເສດສະບູເຫຼືອໃຊ້ ຫຼື ຊື້ມາກໍ່ໄດ້ ຈໍານວນ 1ກ້ອນ, ນໍ້າຕານຊາຍຂາວ ຫຼື ນໍ້າຕານຊາຍແດງ 1ບ່ວງແກງ, ແຟ໋ບ ຫຼື ສະບູຝຸ່ນຊະນິດໃດກໍ່ໄດ້ 2 ບ່ວງແກງ, ກຽມນໍ້າສະອາດ ແລະ ພາຊະນະທີ່ຈະບັນຈຸ.

ສ່ວນວິທີການເຮັດ ໃຫ້ເລີ່ມຕົ້ນດ້ວຍການນໍາໄມ້ໄຜ່ ຫຼື ອິຫຍັງກໍ່ໄດ້ ມາຂູດເນື້ອສະບູໃຫ້ເປັນຝອຍ ເປັນຜົງ ແບບລະອຽດ ໃ່ໃນພາຊະນະທີ່ເຮົາຈະນໍາໄປໃຊ້ງານ ຕາມດ້ວຍແຟ່ບ ແລະ ນໍ້າຕານຊາຍເທລົງໄປ ຄົນໃຫ້ເຂົ້າກັນແລ້ວຄ່ອຍໆຖອກນໍ້າໃສ່ ແລ້ວຄົນໃຫ້ເຂົ້າເປັນເນື້ອດຽວກັນຢ່າງດີ.

ຕໍ່ມາໃຫ້ນໍາເອົາຊວດນໍ້າມາຕັດເຄິ່ງ ແລ້ວໃຊ້ສ່ວນກົ້ນຕຸກ ນໍາເອົາສ່ວນປະສົມທີ່ເຮັດມາເທໃສ່ ແລ້ວນໍາໄປວາງໄວ້ບໍລິເວນຈຸດອັບ ໂດຍສະເພາະບໍລິເວນທີມືດ, ບ່ອນທີ່ເປັນແຫຼ່ງຊຸມຂອງແມງໄມ້ ແລະ ຍຸງ.

ທີ່ມາ: postsod