ເດັດຂາດ! ຢ່າຢ້ານທີ່ຈະໄປພົບແພດ ແນະນໍາວິທີສັງເກດ ເນື້ອງອກໃນມົດລູກ ພະຍາດຍອດຮິດຂອງສາວໄວເຮັດວຽກ

ເດັດຂາດ! ຢ່າຢ້ານທີ່ຈະໄປພົບແພດ ແນະນໍາວິທີສັງເກດ ເນື້ອງອກໃນມົດລູກ ພະຍາດຍອດຮິດຂອງສາວໄວເຮັດວຽກ

6th June 2020 0 By Education

ທ່ານໝໍແນະນໍາວິທີສັງເກດ ເນື້ອງອກໃນມົດລູກ ໂລກຍອດຮິດຂອງສາວໆໄວເຮັດວຽກ ຫາກປ່ອຍໄວ້ກ້ອນເນື້ອຈະໃຫຍ່ຂຶ້ນເລື້ອຍໆ ຂໍແນະນໍາຫາກມີອາການຄ້າຍຄືຕ້ອງຮີບໄປພົບແພດດ່ວນ

ທ່ານໝໍ ຜູ້ອໍານວຍການໂຮງໝໍແຫ່ງໜຶ່ງໃນປະເທດໄທ ໄດ້ໂພສຂໍ້ຄວາມຜ່ານເຟສບຸກ Arak Wongworachat ໃຫ້ຄວາມຮູ້ ກ່ຽວກັບໂລກເນື້ອງອກໃນມົດລູກ ໂລກຍອດຮິດຂອງສາວໄວເຮັດວຽກ ໂດຍລະບຸ ແພດໃນໂຮງໝໍ ໄດ້ທໍາການຜ່າຕັດມົດລູກຂອງແມ່ຍິງ 4ຄົນ ອາຍຸໄລ່ລຽງກັນ 32ປີ, 36 ປີ, 40, ປີ ແລະ 42 ປີ ໂດຍມີເນື້ອງອກທີ່ຂະໜາດໃຫຍ່ນ້ອຍແຕກຕ່າງກັນ.

ເຊິ່ງທັງ 4ຄົນ ມີອາການດັ່ງນີ້:

1 ຄົນໄຂ້ໃຊ້ມືຄໍາພົບກ້ອນທີ່ທ້ອງນ້ອຍ ກ້ອນຕ້ອງໃຫຍ່ 15 ຊັງຕີແມັດຂຶ້ນໄປ ເຖິງຈະຄໍາໄດ້ເອງຈາກໜ໊າທ້ອງ ແລະ ທຸກຄົນກໍ່ຍັງລໍຖ້າຢ້ານເສຍວຽກ ກັງວົນຄ່າໃຊ້ຈ່າຍ ຈຶ່ງຕໍ່ເວລາໄປອີກ 1ປີ ແລະ ຍັງບໍ່ໄປພົບແພດ ກ້ອນເນື້ອຈຶ່ງໃຫຍ່ຂຶ້ນໄປເລື້ອຍໆ.

2 ປະຈໍາເດືອນຜິດປົກກະຕິ, ປວດຫຼາຍເວລາປະຈໍາເດືອນມາ ເລືອດອອກຫຼາຍ ແລະ ມາດົນກວ່າ 7ມື້ ອອກເປັນລິ່ມເລືອດ ບາງຮອບເດືອນເປັນລົມໄປເລີຍກໍ່ມີ.

3 ປວດຖ່ວງທ້ອງນ້ອຍ ຖ່າຍເບົນດຸ ບາງເທື່ອຕິດຂັດ ຈົນຕິດເຊື້ອໃນກະເພາະຍ່ຽວຫຼາຍຄັ້ງ

4 ທ້ອງຜູກຕະຫຼອດ ເຂົ້າຫ້ອງນໍ້າຕ້ອງນັ່ງເປັນເວລາດົນ

5 ບາງຄົນຍັງບໍ່ທັນມີລູກ ໄປພົບແພດ ເມື່ອສ່ອງໄຟຟ້າກໍ່ພົບກ້ອນ ບາງຄົນຮູ້ດີວ່າຄໍາໄດ້ກ້ອນ ແຕ່ຢ້ານເປັນມະເລັງ ຈຶ່ງບໍ່ກ້າໄປພົບແພດ ຢ້ານໄດ້ຕັດມົດລູກ ຂາດການຕິດຕາມອາຳການ ກ້ອນຈຶ່ງໃຫຍ່ຂຶ້ນຫຼາຍ ເມື່ອຮູ້ແບບນີ້ແລ້ວກໍ່ຢ່າຢ້ານທີ່ຈະພົບແພດ ແລະ ຕິດຕາມປິ່ນປົວຕາມຄໍາແນະນໍາທີ່ຖືກຕ້ອງຕໍ່ໄປ.

ຄໍາແນະນໍາຄື ໃຫ້ແມ່ຍິງເຂົ້າມາກວດຄັດກອງມະເລັງປາກມົດລູກ, ເຊິ່ງການຄັດກອງມະເລັງປາກມົດລູກ ທ່ານໝໍຈະມີການກວດພາຍໃນກໍ່ຄື ການຄໍາມົດລູກຮັງໄຂ່ດ້ວຍ ຖ້າມົດລູກໃຫຍ່ສໍ່າກັບຄົນມານ 2ເດືອນ ກໍ່ຈະພົບແລ້ວ, ຖ້າສົງໄສແທ້ໆ ກໍຈະມີການສ່ອງໄຟຟ້າຮ່ວມນໍາ.

ສໍາລັບຄົນທີ່ຍັງບໍ່ເຄີຍມີເພດສໍາພັນ ເຮົາກໍ່ຫຼີກລ່ຽງບໍ່ກວດພາຍໃນໄດ້ ການກວດສ່ອງໄຟຟ້າທາງໜ້າທ້ອງ ກໍ່ເຫັນເນື້ອງອກ 2-3ຊັງຕີແມັດໄດ້, ສ່ວນຮຫຼ-າຍປະມານ 99% ບໍ່ແມ່ນເນື້ອມະເລັງ ແຕ່ວ່າມັນກໍ່ມີໂອກາດທີ່ຈະກາຍມາເປັນມະເລັງ ແຕ່ວ່າບໍ່ຫຼາຍ ປະມານ 1 ໃນ 10ພັນຄົນ ຫຼື 1 ໃນ ແສນຄົນ

ທີ່ມາ: ໄທລັດ, ຂໍ້ມູນຈາກ: Arak Wongworachat