ແນວໃດກໍ່ມີ! ເກີດເຫດສຸດເສົ້າ ເສຍຊີວິດຍ້ອນແຄ້ນເຂົ້າໜຽວ

ແນວໃດກໍ່ມີ! ເກີດເຫດສຸດເສົ້າ ເສຍຊີວິດຍ້ອນແຄ້ນເຂົ້າໜຽວ

13th June 2020 0 By Education

ເລື່ອງເລັກນ້ອຍທີ່ຫຼາຍຄົນບໍ່ຄາດຄິດວ່າມັນຈະເປັນໄປໄດ້ ເພາະສິ່ງທີ່ແອັດມິນຈະນໍາມາເລົ່າໃຫ້ແຟນເພຈໄດ້ຟັງໃນມື້ນີ້ແມ່ນກ່ຽວກັບອາຫານ ເຊິ່ງເປັນເມນູຫຼັກຂອງຄົນລາວ ບໍລິໂພກຢູ່ທຸກມື້ ນັ້ນຄືເຂົ້າໜຽວ ແລະ ເລື່ອງນີ້ ບໍ່ຢາກເຊື່ອກໍ່ຕ້ອງເຊື່ອເພາະມັນເກີດຂຶ້ນແລ້ວ ແຄ້ນເຂົ້າໜຽວຈົນເຖິງຂັ້ນເສຍຊີວິດ.

ເລື່ອງລາວທີ່ແອັດມິນຈະນໍາມາແບ້ງປັນໃນມື້ນີ້ແມ່ນເກີດຂຶ້ນຢູ່ປະເທດເພື່ອນບ້ານຢູ່ອຸດອນໃກ້ໆນະຄອນຫຼວງວຽງຈັນຂອງລາວນີ້ເອງ ມີຊາຍໄວ 50 ປີ ແຄ້ນເຂົ້າໜຽວຈົນເຖິງແກ່ຊີວິດ ເຊິ່ງຜູ້ເປັນແມ່ບອກວ່າສົງໄສປັ້ນຄຳໃຫຍ່ເກີນໄປຈົນຄາຄໍນັ້ນເອງ.

ເຫດການແຄ້ນເຂົ້າໜຽວເກີດຂຶ້ນໃນວັນທີ 12 ມິຖຸນານີ້ເອງ ທີ່ອຳເພີເພັນ ຈັງຫວັດອຸດອນທານີ ປະເທດໄທ ໂດຍແມ່ຂອງຜູ້ເສຍຊີວິດຍ້ອນແຄ້ນເຂົ້າໜຽວເລົ່າວ່າ ຕົນຢູ່ກັບລູກຊາຍທີ່ແຄ້ນເຂົ້າສອງຄົນພຽງລຳພັງເພາະຜູ້ກ່ຽວມີສະຕິບໍ່ສົມປະກອບ ຈິ່ງຕ້ອງດູແລດີເປັນພິເສດ.

ໃນເຊົ້າມື້ເກີດເຫດແມ່ໄດ້ເຮັດອ່ອມຊິ້ນໃສ່ຜັກໃຫ້ລູກກິນ ແຕ່ລູກກິນໄດ້ໜ້ອຍດຽວຍ້ອນບໍ່ສະບາຍ ມີອາການໄອເລັກນ້ອຍ ພໍຕອນສວາຍມາລູກຊາຍຈິ່ງລຸກມາກິນເຂົ້າ ສ່ວນຕົນໄປອອກໄປຫຼັງເຮືອນຫາຢາທີ່ຕົ້ມໄວ້ມາໃຫ້ລູກດື່ມ ພໍຍ່າງອອກມາເຫັນວ່າລູກກຳລັງແຄ້ນເຂົ້າ ຈິ່ງບອກຊາວບ້ານມາຊ່ວຍແຕ່ບໍ່ທັນລູກຊາຍໄດ້ເສຍຊີວິດກ່ອນແລ້ວ ຈິ່ງສົງໄສວ່າລູກຄົງຫີວແຮງຈິ່ງປັ້ນເຂົ້າຄຳໃຫຍ່ເກີນໄປ ກຶນບໍ່ໄດ້ ແລະ ເກີດການເສຍຊີວິດດັ່ງກ່າວ.