ເຄາະຊໍ້າກໍາຊັດ! ເຂື່ອນແຕກຢູ່ຈີນ ປະຊາຊົນຫຼາຍແສນຄົນເດືອດຮ້ອນ ຄາດເສຍຫາຍ 500ລ້ານກວ່າໂດລາ

ເຄາະຊໍ້າກໍາຊັດ! ເຂື່ອນແຕກຢູ່ຈີນ ປະຊາຊົນຫຼາຍແສນຄົນເດືອດຮ້ອນ ຄາດເສຍຫາຍ 500ລ້ານກວ່າໂດລາ

13th June 2020 0 By Education

ເຂື່ອນແຕກ ບໍ່ມີສະເພາະລາວເຮົາ ໄລຍະຫຼັງນີ້ປະກົດເຫັນຂ່າວລັກສະນີ້ດຸຂຶ້ນ ເຊິ່ງກ່ອນໜ້າເມື່ອບໍ່ດົນແມ່ນເກີດຢູ່ສະຫະລັດອາເມລິກາ, ແຕ່ຫຼ້າສຸດ ຫວ່າງບໍ່ດົນມານີ້ ເກີດຂຶ້ນຢູ່ປະເທດຈີນ ເຮັດໃຫ້ຕ້ອງອົບພະຍົບປະຊາຊົນຫຼາຍແສນຄົນອອກຈາກເຂດສ່ຽງໄພດ່ວນ.

ຕາມ​ຂ່າວ​ຈາກ​ຈີນ, ​ເຮືອນ​ປະຊາຊົນ 1.000 ກວ່າ​ຫລັງ ​ໄດ້​ຮັບ​ຄວາມ​ເສຍ​ຫາຍ ຄິດ​ເປັນ​ມູນ​ຄ່າ 565 ລ້ານ​ກວ່າ​ ໂດ​ລາ ​ສະຫະລັດ ຫລັງຈາກ ​ເກີດ​ຝົນ​ຕົກໜັກ ຢ່າງ​ຕໍ່​ເນື່ອງ ຕັ້ງ​ແຕ່​ຕົ້ນ​ເດືອນ ມິຖຸນາ ທີ່​ຜ່ານ​ມາ ​ໃນ​ພື້ນ​ທີ່​ທາງ​ພາກ​ໃຕ້​ຂອງ​ຈີນ ​ເຂດ​ປົກຄອງ​ຕົນ​ເອງ ກວ່າ​ງຊີ​ຈ້ວງ(Guangxi Zhuang) ມົນທົນ​ຫູ​ໜານ ​ເຂດ​ເທດສະບານ ຈົງ​ຊີ່​ງ ​ແລະ ​ພື້ນ​ທີ່​ອື່ນໆ ຈົນ​ເກີດ​ເຫດ ​ເຂື່ອນ​ແຕກ ປະລິມານ​ ນ້ຳ​ຈຳນວນ ​ມະຫາສານ ​ໄຫລ​ເຂົ້າຖ້ວມ​ ເຮືອນ​ປະຊາຊົນ ​ແລະ ​ພື້ນ​ທີ່​ກະສິກຳ ​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກ.

ທາງ​ການ​ຈີນ ​ໄດ້​ປະກາດ ​ຍົກ​ລະດັບ ​ສະຖານະ​ການ​ ສຸກ​ເສີນ ລະດັບ 3 ​ແລະ ປະຊາຊົນ ​ຫລາຍ​ແສນ​ຄົນ ​ຕ້ອງ​ຍົກຍ້າຍໜີ​ ນ້ຳ​ຖ້ວມ ​ໄປຢູ່​ເຂດ​ປອດ​ໄພ.ນອກ​ນີ້ ຍັງ​​ມີ​​ໂຮງ​ໄຟຟ້າ ພະລັງງານ​ນ້ຳ ​ແຫ່ງ​ໜຶ່ງ ​ໃນ​ເມືອງ​ເຊົາ​ກວນ(Cao Guan) ມົນທົນກວາງຕຸ້ງ ທີ່​ຕັ້ງຢູ່ ​ທາງ​ພາກ​ໃຕ້​ຂອງ​ຈີນ ​ເກີດທໍ່​ນ້ຳ​ແຕກ ​ໄຫລ​ອອກ​ມາ ​ຢ່າງ​ແຮງ ​ໃນ​ເບື້ອງຕົ້ນ ຄາດ​ວ່າ ​ເກີດ​ຈາກ​ພາຍຸ​ຝົນ ​ແລະ ດິນ​ເຈື່ອນ ​ໃນ​ບໍລິ​ເວນ​ດັ່ງກ່າວ.

ທີ່ມາ: ຂປລ