ໃນຮອບ 2ເດືອນ! ປັກກິ່ງ ຜະຫວາໜັກ ຢຸດຂາຍແຊວມອນດ່ວນ ຫຼັງພົບເຊື້ອໂຄວິດ-19 ຢູ່ຂຽງແລ່ປາ

ໃນຮອບ 2ເດືອນ! ປັກກິ່ງ ຜະຫວາໜັກ ຢຸດຂາຍແຊວມອນດ່ວນ ຫຼັງພົບເຊື້ອໂຄວິດ-19 ຢູ່ຂຽງແລ່ປາ

14th June 2020 0 By Education

ຫ້າງສັບພະສິນຄ້າຫຼາຍແຫ່ງໃນກຸງປັກກິ່ງຢຸດຂາຍປາເຊວມອນ ຫຼັງມີລາຍງານພົບເຊື້ອໄວຣັດໂຄວິດ-19 ຢູ່ຂຽງແລ່ປາເຊວມອນ ໃນຕະຫຼາດຊິນຟາຕີ້ ເຊິ່ງກາຍເປັນແຫຼ່ງພົບຜູ້ຕິດເຊື້ອແ່ງໃໝ່.

ສໍານັກຂ່າວ ໂກລບອລທາມຂອງຈີນ ລາຍງານວ່າ ຫ້າງສັບພະສິນຄ້າໃນກຸງປັກກິ່ງຫຼາຍແຫ່ງ ຕັດສິນໃຈຢຸດຂາຍເນື້ອປາແຊວມອນໃນວັນເສົາ 13 ມິຖຸນາ 2020 ທີ່ຜ່ານມາ ຫຼັງເຈົ້າໜ້າທີ່ກວດພົບເຊື້ອໄວຣັດໂຄວິດ-19 ຢູ່ຂຽງທີ່ໃຊ້ແລ່ປາແຊວມອນ ຢູ່ຕະຫຼາດ ຊິນຟາຕີ້ ເຊິ່ງຜູ້ຕິດເຊື້ອທີ່ພົບຈໍານວນຫຼາຍໃນຊ່ວງບໍ່ພຽງເທົ່າໃດມື້ກ່ອນໜ້ານີ້ ກ່ຽວຂ້ອງກັບສະຖານທີ່ແຫ່ງນີ້.

ທັງນີ້ ທີມຂ່າວດັ່ງກ່າວ ເຜີຍວ່າເຂົາເຈົ້າໄດ້ລົງພື້ນທີ່ໄປຍັງຫ້າງຕ່າງໆໃນກຸງປັກກິ່ງ ແລະ ພົບວ່າບໍ່ມີປາແຊວມອນວາງຂາຍແລ້ວ ຂະນະທີ່ຮ້ານອາຫານຂາຍເຄື່ອງທະເລຈໍານວນຫຼາຍກໍ່ປິດຮ້ານລົງ ເນື່ອງຈາກລູກຄ້າລັງເລທີ່ຈະຊື້ສິນຄ້າ ພ້ອມນີ້ຮ້ານອາຫານຕ່າງໆກໍ່ໄດ້ຮັບຜົນກະທົບຕ້ອງເອົາແຊວມອນອອກຈາກເມນູ.

ຈາກການກວດພົບເຊື້ອພະຍາດດັ່ງກ່າວຢູ່ຂຽງນັ້ນ ຍັງບໍ່ຮູ້ສາເຫດແນ່ຊັດວ່າມັນໄປຢູ່ທີ່ຂຽງໄດ້ແນວໃດ ແຕ່ເມື່ອເຈົ້າໜ້າທີ່ສືບສວນຢ້ອນກັບໄປພົບວ່າແຊວມອນເຈົ້າບັນຫານີ້ ຖືກນໍາມາຈາກຕະຫຼາດອາຫານທະເລ ຈິ່ງເສິ່ນ ເຊິ່ງຖືກປິດໄປໃນມື້ດຽວກັນ.

ແນວໃດກໍ່ຕາມ ດຣ ຫລິນ ຫລີ່ຫົວໜ້ານັກວິທະຍາສາດຂອງທີມຜູ້ຕິດຕາມ ແລະ ຄວບຄຸມໂລກໃນສັດນໍ້າຂອງມົນທົນກວາງຕຸ້ງ ບອກວ່າເປັນໄປບໍ່ໄດ້ທີ່ແຊວມອນໂຕເປັນໆ ຈະຄິດເຊື້ອໄວຣັດຊະນິດນີ້ ເນື່ອງຈາກພວກມັນອາໄສຢູ່ໃນນໍ້າເຄັມ ແລະ ເປັນໄປບໍ່ໄດ້ທີ່ແຊວມອນແຊ່ແຂງຈພເປັນແຫຼ່ງທີ່ມາຂອງໂຄວິດ-19 ເນື່ອງຈາກົວຣັດຊະນິດນີ້ ມີຊີວິດຢູ່ໃນເຊວທີ່ມີຊີວິດຢູ່ເທົ່ານັ້ນ.

ດຣ ຫຼິນ ຫຼີ່ ກ່າວອີກວ່າ ສາເຫດທີ່ມີເຊື້ອໄວຣັດໂຄວິດ-19 ຢູ່ຂຽງແລາແຊວມອນ ອາດເປັນຍ້ອນແຊວມອນແຊ່ແຂງ ໄປສໍາຜັດກັບເຊື້ອທີ່ປົນເປືເອນ ໃນນໍ້າທີ່ໃຊ້ລະຫວ່າງຂະບວນການແປຮູບ, ຂົນສົ່ງ ຫຼື ບັນຈຸຫີບຫໍ່ກໍ່ເປັນໄດ້.

ທີ່ມາ: ໄທລັດ