ອຸຕຸແຈ້ງ! ມື້ນີ້ຝົນຕົກໜັກອີກຮອບ ພ້ອມລົມພາຍຸ ດິນເຈື່ອນ ເຕືອນພາກເໜືອ ແລະ ກາງ ຮັບມືໃຫ້ດີ

ອຸຕຸແຈ້ງ! ມື້ນີ້ຝົນຕົກໜັກອີກຮອບ ພ້ອມລົມພາຍຸ ດິນເຈື່ອນ ເຕືອນພາກເໜືອ ແລະ ກາງ ຮັບມືໃຫ້ດີ

14th June 2020 0 By Education

ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນເຝົ້າລະວັງຈະມີຝົນຕົກໜັກ ແລະ ລົມພັດແຮງ ແຕ່ແອັດມິນເຊື້ອວ່າຫຼາຍຄົນດີໃຈທີ່ຝົນຈະຕົກ ຫຼັງຕ້ອງປະເຊີນກັບສະພາບອາກາດອັນຮ້ອນອົບເອົ້າມາດົນສົມຄວນ ແຕ່ແນວໃດກໍ່ຕາມ ຕ້ອງເຝົ້າລະວັງນໍາກັນ ເພື່ອບໍ່ໃຫ້ມີອັນຕະລາຍເກີດຂຶ້ນ.

ກົມອຸຕຸນິຍົມ ແລະ ອຸທົກກະສາດ ພະຍາກອນອາກາດປະຈໍາວັນທີ 14 ມິຖຸນາ 2020 ໄວ້ວ່າ: ແຈ້ງເຕືອນຝົນຕົກໜັກ ຮ່ອງຄວາມກົດດັນອາກາດຕໍ່າໄດ້ພາດຜ່ານພາກເໜືອຂອງປະເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ມີກຳລັງປານກາງຫາແຮງພັດປົກຄຸມ, ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຫາປານກາງເປັນບໍລິເວນກ້ວາງ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ ຫາ ພາກກາງ.

ດັ່ງນັ້ນຈຶ່ງແຈ້ງເຕືອນເຖິງປະຊາຊົນ ແລະ ອົງການປົກຄອງທຸກພາກສ່ວນໃຫ້ມີສະຕິຕໍ່ສະພາບຝົນຕົກສະສົມ ແລະ ຝົນຕົກໜັກ ຊຶ່ງອາດຈະເຮັດໃຫ້ເກີດມີດິນເຈື່ອນ ແລະ ນໍ້າຖ້ວມຊຸ ຢູ່ບາງທ້ອງຖິ່ນແຂວງພາກເໜືອ ແລະ ພາກກາງ.