ໂຮງຮຽນນາໆຊາດຈີນ ມິນຊິນ ລະດັບອິນເຕີອີກແຫ່ງໃນລາວ ກຽມເປີດໄວໆນີ້

ໂຮງຮຽນນາໆຊາດຈີນ ມິນຊິນ ລະດັບອິນເຕີອີກແຫ່ງໃນລາວ ກຽມເປີດໄວໆນີ້

15th June 2020 0 By Education

ການສຶກສາໃນປັດຈຸບັນ ເປີດກ້ວາງຫຼາຍ ມີຫຼາຍສະຖາບັນສຶກສາທີ່ມີຫຼັກສູດການຮຽນການສອນແຕກຕ່າງກັນ ເຊິ່ງໜຶ່ງໃນນັ້ນແມ່ນຫຼັກສູດອິນເຕີ ທີ່ມີທັງນັກທຸລະກິດລາວເອງ ແລະ ຕ່າງປະເທດລົງທຶນໃສ່ຂະແໜງການດັ່ງກ່າວ, ຫຼ້າສຸດ ມີໂຮງຮຽນນາໆຊາດ ມິນຊິນ ທີ່ກຽມພ້ອມຈະມາເປີດໃນລາວໄວໆນີ້.

ພາຍຫຼັງທີ່ມີການກະກຽມເປັນເວລາຫຼາຍເດືອນ ໂຮງຮຽນນາໆຊາດຈີນ ມິນຊິນ ກຽມເປີດການຮຽນການສອນສຳລັບລູກຫຼານຊາວຈີນໃນ ສປປ. ລາວ, ນັກຮຽນລາວ ແລະ ຄົນຕ່າງປະເທດທີ່ອາໄສຢູ່ ສປປ.ລາວ ໃນເດືອນກັນຍາທີ່ຈະມາເຖິງໂດຍໃຊ້ຫຼັກສູດການສຶກສາທີ່ມີຊື່ສຽງຈາກຮົງກົງ, ສປ ຈີນ.

ຕາມແຜນການ ໂຮງຮຽນດັ່ງກ່າວ ຈະເປີດສອນຕັ້ງແຕ່ເດັກກ່ອນໄວຮຽນ 3-6 ປີ, ຊັ້ນປະຖົມ 6-12 ປີ ແລະ 12-18 ປີສຳລັບຊັ້ນມັດທະຍົມ ທັງໝົດແມ່ນສອນບົນພື້ນຖານຫຼັກການຮຽນ-ການສອນຂອງກະຊວງສຶກສາຈີນ ໃນນັ້ນສະເພາະຊັ້ນອະນຸບານແມ່ນຈະເປີດໃນປີ 2020 ນີ້ເປັນຕົ້ນໄປ, ຊັ້ນປະຖົມແມ່ນປີ 2022-2023 ແລະ ມັດທະຍົມ ຕົ້ນ ແລະມັດທະຍົມປາຍຈະເປີດໃນປີ 2023.

ແນວໃດກໍ່ຕາມ ເພື່ອໃຫ້ພໍ່ແມ່ຜູ້ປົກຄອງໄດ້ທຳຄວາມເຂົ້າໃຈຢ່າງເລິກເຊິ່ງກ່ຽວກັບໂຮງຮຽນດັ່ງກ່າວ ໃນວັນທີ 27 ມິຖຸນາ 2020 ເວລາ 14 ໂມງ ທາງໂຮງງຮຽນນາໆຊາດມິນຊິນຈີນຈະຈັດການເຜີຍແຜ່ກ່ຽວກັບລາຍລະອຽດ ແລະ ກິດຈະກຳຕ່າງໆຂອງໂຮງງຮຽນນາໆຊາດມິນຊິນຈີນ ຂຶ້ນທີ່ໂຮງແຮມແລນມາກແມ່ຂອງຣີເວີໄຊ, ນະຄອນຫຼວງວຽງຈັນ ຜ່ານລະບົບອິນເຕີເນັດ ເພື່ອເປັນການປ້ອງກັນການລະບາດຂອງພະຍາດ ໂຄວິດ-19 ສາຍພັນໃໝ່. ຜູ້ບໍລິຫານໂຮງຮຽນນາໆຊາດມິນຊິນຈີນຢູ່ຮົງກົງ ຈະເປັນຜູ້ໃຫ້ການໂອ້ລົມໂດຍກົງ.

ສະນັ້ນ ທ່ານໃດສົນໃຈສາມາດຕິດຕໍ່ລົງທະບຽນເຂົ້າຮັບຟັງການເຜີຍແຜ່ໄດ້ທີ່ເບີ 030 5169 464 ຫຼື ເຂົ້າໄປເວັບໄຊເພື່ອປະກອບແບບຟອມລົງທະບຽນທີ່່ admission@minxinlaos.org.