ຕາອິຕົນ! ນ້ອງນັ່ງຮຽນ ທ່າມກາງຫ້ອງຮຽນທີ່ໂຫ້ງໄປດ້ວຍນໍ້າຝົນ(ມີຄຣິບ)

ຕາອິຕົນ! ນ້ອງນັ່ງຮຽນ ທ່າມກາງຫ້ອງຮຽນທີ່ໂຫ້ງໄປດ້ວຍນໍ້າຝົນ(ມີຄຣິບ)

18th June 2020 0 By Education

ເມື່ອກ້າວເຂົ້າສູ່ລະດູຝົນ ທຸກສິ່ງທຸກຢ່າງ ການໃຊ້ຊີວິດປະຈໍາວັນກໍ່ເລີ່ມຂັດຂ້ອງ ເນື່ອງຈາກການສັນຈອນເດີນທາງໄປ-ມາກໍ່ບໍ່ສະດວກສະບາຍເທົ່າທີ່ເຄີຍ ໂດຍສະເພາະແມ່ນເຂດຊົນນະບົດ ຫຼື ເຂດທີ່ຍັງບໍ່ມີເສັ້ນທາງປູຢາງ ຫຼື ທາງດີເຂົ້າເຖິງ ຈຶ່ງເຮັດໃຫ້ມີພາບຜູ້ຄົນ, ນ້ອງນັກຮຽນເປື້ອນຕົມເຜີຍແຜ່ຜ່ານສື່ອອນລາຍອອກມາຢູ່ເລື້ອຍຍ້ອນຖະໜົນຫົນທາງທີ່ເປັນດິນແດງ ຫຼື ຍັງຢູ່ໃນການກໍ່ສ້າງບໍ່ທັນສໍາເລັດ.

ແນວໃດກໍ່ຕາມ ນອກຈາກສະພາບເສັ້ນທາງໃນລະດູຝົນທີ່ໄປ-ມາຍາກແລ້ວ ອີກໜຶ່ງສະຖານທີ່ ຫຼື ໜຶ່ງບັນຫາ ທີ່ເມື່ອຮັບຮູ້ ແລະ ໄດ້ເຫັນແລ້ວຈະສະເທືອນໃຈຫຼາຍ ແມ່ນໂຮງຮຽນຢູ່ເຂດນອກເມືອງ ຫຼື ເຂດຊົນນະບົດ ທີ່ຍັງມີຝາເປັນໄມ້ເຮ້ຍເກົ່າ ຂາດເປັນປ່ອງ ບັງຝົນບັງລົມບໍ່ໄດ້ ຍິ່ງໄປກວ່ານັ້ນ ຫຼັງຄາຮົ່ວ ນໍ້າໂຫ້ງໃນຫ້ອງຮຽນ ນັກຮຽນຕ້ອງໄດ້ເຂົ້າໄປນັ່ງຮຽນທ່າມກາງນໍ້າຝົນຖ້ວມຫຼັງຕີນ ດັ່ງໂຮງຮຽນຢູ່ບ້ານທົ່ງເໝືອດ ເມືອງກາສີ ແຂວງວຽງຈັນ ທີ່ສະພາບຫ້ອງຮຽນຊຸດໂຊມ, ມີນໍ້າຝົນໂຫ້ງເຕັມ.

ເມື່ອບໍ່ດົນມານີ້ ຜູ້ໃຊ້ເຟສບຸກຊື່ khambang kham ໄດ້ໂພສພາບ ພ້ອມຄລິບວີດີໂອ ໃຫ້ເຫັນເຖິງສະພາບຫ້ອງຮຽນທີ່ເຕັມໄປດ້ວຍນໍ້າໂຫ້ງ ແລະ ຝາແອ້ມໄມ້ເຮ້ຍທີ່ຂາດເປັນປ່ອງ ແຕ່ນ້ອງນັກຮຽນກໍ່ຍັງນັ່ງຮຽນທ່າມກາງສະພາບຫ້ອງຮຽນນີ້ ເຊິ່ງແອັດເຫັນແລ້ວສະເທືອນໃຈຫຼາຍ, ວອນພາກສ່ວນກ່ຽວຂ້ອງ ຫຼື ຜູ້ໃຫຍ່ໃຈດີ ຊ່ວຍອຸປະຖໍາຄໍ້າຊູນ້ອງນັກຮຽນ ແລະ ໂຮງຮຽນແຫ່ງນີ້ດ້ວຍ.

ມີຄຣິບ