ສາຍໃຍຮັກຄູ່ຜົວເມຍ ຈາກພຽງກາຍໃຈຢູ່ໃກ້ ເມຍ ກິ ດາວເພັດ ໜູຫ່ວງ ເຮັດໄດ້ພຽງສົ່ງບຸນຫາ

ສາຍໃຍຮັກຄູ່ຜົວເມຍ ຈາກພຽງກາຍໃຈຢູ່ໃກ້ ເມຍ ກິ ດາວເພັດ ໜູຫ່ວງ ເຮັດໄດ້ພຽງສົ່ງບຸນຫາ

22nd June 2020 0 By Education

ເປັນເວລາ 2​ເດືອນກວ່າແລ້ວກັບການຈາກໄປຂອງລາຊາເພັງລູກທົ່ງບ້ານນາ ກິ ດາວເພັດ ໜູຫ່ວງ ທີ່ສູນເສຍໄປເມື່ອທ້າຍເດືອນເມສາທີ່ຜ່ານມາ. ແນວໃດກໍ່ຕາມ ເຖິງແມ່ນວ່ານັກຮ້ອງດັງຄົນນີ້ຈະບໍ່ມີຊີວິດຢູ່ແລ້ວ ແຕ່ທຸກຜົນງານຂອງຜູ້ກ່ຽວແມ່ນຍັງຄົງດັງກ້ອງ ສ້າງຄວາມສຸກໃຫ້ກັບແຟນເພງທຸກທົ່ວໜ້າ.

ການຈາກໄປຂອງ ກິ ດາວເພັດ ໜູຫ່ວງ ນອກຈາກຈະສ້າງຄວາມໂສກເສົ້າໃຫ້ແກ່ແຟນເພງໃນທົ່ວປະເທດແລ້ວ ແຕ່ທີ່ໜັກໜາກວ່າແມ່ນຄອບຄົວ ໜູຫ່ວງ ທີ່ຕ້ອງສູນເສຍເສົາຫຼັກຂອງຄອບຄົວໄປແບບບໍ່ທັນຕັ້ງຕົວ ເຖິງເວລາຈະຜ່ານໄປດົນປານໃດ ແຕ່ຄວາມເສຍໃຈ, ຄວາມຮັກອາໄລຫາກໍ່ຍັງຄົງມີຢູ່ ໂດຍສະເພາະແມ່ນຜູ້ເປັນເມຍ ຜູ້ເປັນຄູ່ຊີວິດ ຮ່ວມທຸກຮ່ວມຍາກກັນມາ.

ຫຼ້າສຸດ ເອື້ອຍຄໍາພຸດ ໜູຫ່ວງ ເມຍຂອງ ກິ ດາວເພັດ ໜູຫ່ວງ  ໄດ້ໄປເຮັດບຸນກິນທານ, ສ້າງບຸນສ້າງກຸສົນໜຸນນຊໍາສົ່ງໃຫ້ຜົວຜູ້ລ່ວງລັບ ໃຫ້ໄດ້ມາຮັບມາໂຈມເອົາ. ແນວໃດກໍ່ຕາມ ແອັດມິນພ້ອມທີມງານຂໍໃຫ້ຄອບຄົວໜູຫ່ວງຜ່ານພົ້ນທຸກໂສກນີ້ໄປໄດ້ໂດຍໄວ ພ້ອມສົ່ງກໍາລັງໃຈໃຫ້ຄົນທີ່ຍັງຢູ່ຈົ່ງສູ້ຊີວິດຕໍ່ໄປ.