ທ​ຣຳ​ກ່າວ​ວ່າ ​ການ​ໂຈມ​ຕີ​ຂອງ​ອີ​ຣານ​ບໍ່​ໄດ້​ເຮັດ​ໃຫ້​ທະຫານອາ​ເມ​​ຣິ​ກາ​ເສຍ​ຊີ​ວິດ​ ແລະ​ ບາດ​ເຈັບ

ທ​ຣຳ​ກ່າວ​ວ່າ ​ການ​ໂຈມ​ຕີ​ຂອງ​ອີ​ຣານ​ບໍ່​ໄດ້​ເຮັດ​ໃຫ້​ທະຫານອາ​ເມ​​ຣິ​ກາ​ເສຍ​ຊີ​ວິດ​ ແລະ​ ບາດ​ເຈັບ

9th January 2020 0 By Admin

ວັນ​ທີ 8 ມັງ​ກອ​ນນີ້, ສື່ມວນ​ຊົນ​ອີ​ຣານ​ແຈ້ງ​ຂ່າວ​ວ່າ, ກອງ​ທັບ​ປະ​ຕິ​ວັດ​ອິ​ສ​ລາມ​ອີ​ຣານ​ໄດ້​ຍິງ ຂີ​ປະ​ນາ​ວຸດ​ນຳ​ວິ​ຖີ​ຫຼາຍ​ສິບ​ລູກ​ໃສ່ຖ​ານ​ທັບ​​ອາ​ກາດ​ອາ​ເມ​ຣິ​ກາ​ປະ​ຈຳ​ອີ​ຣັກ, ປັ​ດ​ຈຸ​ບັນ​ນີ້ ຍັງ​ບໍ່​ທັນ​ມີ​​ລາຍງ​ານ​ຂ່າວ​ກ່ຽວ​ກັບຄວາມ​ເສຍ​ຫາຍ​ດ້ານ​ຈຳ​ນວນ​ພົນ.

​ພາຍ​ຫຼັງ​ມາ, ກະ​ຊວງ​ປ້ອງ​ກັນ​ປະ​ເທດ​ອາ​ເມ​ຣິ​ກາຢືນ​ຢັນ​ວ່າ, ຂີ​ປະ​ນາ​ວຸດ​ນຳ​ວິ​ຖີ​ຍິງ​ໂດຍ​ອີ​ຣານ. ທຳ​ນຽບ​ຂາວ​ອາ​ເມ​ຣິ​ກາ​ກ່າວ​ວ່າ: ຝ່າຍ​ອາ​ເມ​ຣິ​ກາ​ໄດ້​ຮັບ​ການ​ລາຍ​ງານ​ຂ່າວ​ກ່ຽວ​ກັບ​ຖານ​ທັບ​ຂອງຕົນ​ປະ​ຈຳ​ອີ​ຣັກໄດ້​ຖືກ​ຫຼອນ​ໂຈ​ມ​ຕີ. ​ທ່ານໂດ​​ໂນ ​ທ​ຣຳ ປະ​ທາ​ນາ​ທິ​ບໍ​ດີອາ​ເມ​ຣິ​ກາ​ໄດ້​ຮັບ​ລາຍ​ງານ​ໂດຍ​ຫຍໍ້​ກ່ຽວ​ກັບ​ເລື່ອງ​​ແລ້ວ, ກຳ​ລັງ​ຕິດ​ຕາມ​ເລື່ອງ​ນີ້​ຢ່າງ​ໃກ້​ຊິດ.

ວັນ​ທີ 3 ມັງ​ກອນ​ນີ້, ທ່ານກາ​ເຊມ ຊູ​ໄລມາ​ນີ ຜູ້​ນຳ​​ຂັ້ນສູ​ງ​ຂອງ​ອີ​ຣານ​ໄດ້​ຖືກ​ທະ​ຫານ​ອາ​ເມ​ຣິ​ກາ​​ຫຼອນໂຈມ​ຕີ​ທາງ​ອາ​ກາດ​ຢູ່ນອກ​ສະ​ໜາມ​ບິນ​ສາ​ກົນ​ແບກ​ແດດ​ຂອງ​ອີ​ຣັກ ​ຈົນ​ເສຍ​ຊີ​ວິດ. ຫຼັງ​ຈາກ​ນັ້ນ, ທ່ານເຊ​ເຢດ ອາ​ລິຄວາມ​ນີ ຜູ້​ນຳ​ສູງ​ສຸດ​​ຂອງອີ​ຣານ​ໄດ້​ອອກ​ຖະ​ແຫຼງ​ການ​ໂດຍ​ກ່າວ​ວ່າ, ຝ່າ​ຍ​ອີ​ຣານ​ຈະ​ດຳ​ເນີນ​ການ​ແກ້​ແຄ້ນ​ຢ່າງ​​ຮຸນແຮງ​ຕໍ່​ເຫດ​ການ​ນີ້.

ຕໍ່ມາທ່ານ​ໂດ​ໂນ ທ​ຣຳ ປະ​ທາ​ນາ​ທິ​ບໍ​ດີ​ອາ​ເມ​​ຣິ​ກາ​ກ່າວ​ວ່າ: ອີ​ຣານ​ຫຼອນ​ໂຈມ​ຕີ​ຖານ​ທັບ​ອາ​ເມ​​​ຣິ​ກາ​ປະ​ຈຳອີ​ຣັກ​ນັ້ນ ບໍ່​ໄດ້​ເຮັດ​ໃຫ້​ອາ​ເມ​​ຣິ​ກາ​ເສຍ​ຊີ​ວິດ​ແລະ​ບາດ​ເຈັບແຕ່​ຢ່າງ​ໃດ,ອາ​ເມ​​ຣິ​ກາ​ຈະ​ປະ​ຕິ​ບັດ​ການ​ຂວ້ຳ​ບາດ​ດ້ານ​ເສດ​ຖະ​ກິດ​ຄັ້ງ​ໃໝ່​ຕໍ່​ອີ​​ຣານ,ແຕ່​ກໍ​ມີ​ທາງ​ເປັນ​ໄປ​ໄດ້​ທີ່​ຈະ​ຮ່ວມ​ມື​ກັບ​ອີ​ຣານ​ກ່ຽວ​ກັບ​ຜົນ​ປະ​ໂຫຍດ​ຮ່ວມ​ກັນ.