ຈິດໃຈເຮັດດ້ວຍຫຍັງ! ດັບຊີວິດຕົນເອງ ແລະ ເມຍ ຖິ້ມລູກນ້ອຍ 1ປີປາຍໃຫ້ປະເຊີນໂລກພຽງລໍາພັງ

ຈິດໃຈເຮັດດ້ວຍຫຍັງ! ດັບຊີວິດຕົນເອງ ແລະ ເມຍ ຖິ້ມລູກນ້ອຍ 1ປີປາຍໃຫ້ປະເຊີນໂລກພຽງລໍາພັງ

23rd June 2020 0 By Education

ລູກສາວຕ້ອງກາຍເປັນກໍາພອຍ ຍ້ອນນໍ້າມືຂອງພໍ່ ຫຼັງກໍ່ເຫດດັບຊີວິດເມຍຕົນເອງທີ່ກໍາລັງຖືພາ 9ເດືອນ ເສຍຊີວິດແລ້ວ ພຽງ 3ມື້ຫຼັງຈາກນັ້ນກໍ່ຕັດສິນໃຈເຂົ້າປ່າດັບຊີວິດຕົນເອງຕາມ ເຫຼືອໄວ້ພຽງລູກສາວຜູ້ທໍາອິດທີ່ອາຍຸຍັງນ້ອຍ ພຽງ 1ປີປາຍຕ້ອງກາຍເປັນກໍາພອຍ ບໍ່ມີທັງພໍ່ ແລະ ແມ່ ຄອຍດູແລ ແລ້ວຊີວິດນ້ອງຈະເປັນແນວໃດຕໍ່ ຫາກຂາດທີ່ເພິ່ງແບບນີ້.

ໜວ່ຍກູ້ຊີບອົງການກາແດງແຂວງວຽງຈັນ ລາຍງານໃຫ້ຮູ້ວ່າ ໃນວັນທີ 18 ມິຖຸນາ 2020 ເວລາ 22:20 ໂມງໄດ້ຮັບແຈ້ງເຫດຜ່ານ ເບີ 023 1625 ວ່າມີເຫດເສົ້າຜົວກໍ່ເຫດດັບຊີວິດເມຍໂຕເອງ ຢູ່ທີ່ບ້ານນາຊູ ເມືອງໂພນໂຮງ ແຂວງວຽງຈັນ(ເຊິ່ງຜູ້ເສຍຊີວິດກຳລັງຖືພາໄດ້ປະມານ 9 ເດືອນ).

ຫຼັງຈາກນັ້ນ ຜູ້ເປັນຜົວໄດ້ຫຼົບໜີເຂົ້າປ່າເພື່ອໜີຄະດີ ແຕ່ຫຼ້າສຸດໃນວັນທີ 22 ມິຖຸນາ 2020 ມີແຈ້ງມາວ່າພົບຄົນດັບຊີວິດຢູ່ປ່າເຂດບ້ານດຽວກັນ ເຈົ້າໜ້າທີ່ໄດ້ລົງພື້ນທີ່ແລ້ວປະກົດວ່າແມ່ນຜູ້ເປັນຜົວທີ່ດັບຊີວິດເມຍໃນມື້ວັນກ່ອນ. ທັງນີ້ຂໍ້ມູນໃຫ້ຮູ້ຕື່ມອີກວ່າ ທັງສອງເປັນຜົວເມຍກັນ ແລະ ມີລູກສາວອາຍຸປີປາຍພ້ອມກຳລັງຈະເກີດ ແຕ່ກໍ່ມາມີເຫດເສົ້ານີ້ກ່ອນ.

ປັດຈຸບັນໜ່ວຍງານກ່ຽວຂ້ອງໄດ້ມອບສົບໃຫ້ຍາດພີ່ນ້ອງ ເພື່ອທຳພິທີທາງສາສະໜາແລ້ວ, ແນວໃດກໍ່ຕາມ ແອັດມິນພ້ອມທີມງານຂໍສະແດງຄວາມເສຍໃຈນຳຍາດພີ່ນ້ອງຕໍ່ກັບການສູນເສຍໃນຄັ້ງນີ້ດ້ວຍ.