ພາບຫາເບິ່ງຍາກ! ຝູງຊ້າງປ່າ ນັບໄດ້ປະມານ 20ໂຕ ອອກມາຫຼິ້ນນໍ້າມື້ເຂົ້າພັນສາ

ພາບຫາເບິ່ງຍາກ! ຝູງຊ້າງປ່າ ນັບໄດ້ປະມານ 20ໂຕ ອອກມາຫຼິ້ນນໍ້າມື້ເຂົ້າພັນສາ

6th July 2020 0 By Education

ປະເທດລາວອຸດົມສົມບູນໄປດ້ວຍຊັບໃນດິນ ສິນໃນນໍ້າ ແຕ່ເຖິງແມ່ນວ່າປັດຈຸບັນມັນອາດຫຼຸດໜ້ອຍຖອຍລົງ ແຕ່ເຊື່ອວ່າມັນຍັງຫຼົງເຫຼືອຢູ່ບໍ່ໜ້ອຍເຊັ່ນກັນ ໂດຍສະເພາະແມ່ນກຸ່ມສັດປ່າຫວງຫ້າມ, ສັດຄູ່ບ້ານຄູ່ເມືອງ ດັ່ງຝູງຊ້າງຝູງນີ້ ທີ່ອອກມາຫຼິ້ນນໍ້າຢ່າງມ່ວນຊື່ນ ເຊິ່ງເປັນພາບທີ່ຫ່ເຫັນໄດ້ຍາກ ປານກັບວ່າພວກເຂົາຮູ້ ແລະ ຢາກມາຮ່ວມຫຼິ້ນບຸນເຂົ້າະພັນສາຮ່ວມກັບມະນຸດ.

ໂດຍຜູ້ໃຊ້ເຟສບຸກຊື່ ສີໄຄ ຄໍາພັນ ໄດ້ໂພສພາບຝູງຊ້າງປ່າປະມານ 20 ໂຕອອກມາຫຼິ້ນນໍ້າຢອກໃຍກັນຢ່າງມ່ວນຊື່ນໃນວັນທີ 5 ກໍລະກົດ 2020 ເຊິ່ງກົງກັບມື້ເຂົ້າພັນສາ ຂອງປວງຊົນລາວຊາວພຸດ ແລະ ແນ່ນອນວ່າເຫດການນີ້ຊາວເນັດຕ່າງກໍ່ສື່ຄວາມໝາຍໄປໃນຫຼາຍທາງຫຼາຍຄວາມເຫັນ ບາງຄົນກໍ່ວ່າຝູງຊ້າງນີ້ອອກມາບອກໂຊກລາບ ຫຼື ອອກມາຮ່ວມຫຼິ້ນ ຮ່ວມເຂົ້າພັນສາກັບມະນຸດ.

ທັງນີ້, ຈາກທີ່ແອັດມິນ central update ໄປຫາຂໍ້ມູນມານັ້ນ ຝູງຊ້າງປ່າເຫຼົ່ານີ້ ແມ່ນຢູ່ເຂດບໍ່ທອງແດງທີຂຸດຄົ້ນແລ້ວເປັນວັງນຳ້ເພືອສິ່ງທີ່ມີຊິວິດ ເມືອງວິລະບູລີ ,ແຂວງສະຫວັນນະເຂດ.

ແນວໃດກໍ່ຕາມ ພາບດັ່ງກ່າວທີ່ປາກົດຂຶ້ນ ບໍແມ່ນພາບທີ່ຫາເຫັນໄດ້ງ່າຍໆ ແຕ່ມັນກໍ່ເປັນສິ່ງໜຶ່ງທີ່ສະແດງໃຫ້ເຫັນ ແລະ ຢືນຢັນວ່າ ປະເທດລາວເຮົາຍັງມີຄວາມອຸດົມສົມບູນ ມີສັດສາວາສິ່ງ ແລະ ຊັບພະຍາກອນທໍາມະຊາດອື່ນໆອີກ ຢ່າງຫຼວງຫຼາຍພາຍມາກ.

ມີຄລິບ