ຂ່າວຮ້ອນ! ຕອນນີ້ເສັ້ນທາງກາສີ-ເມືອງນານ ເປັນອໍາມະພາດ ສັນຈອນບໍ່ໄດ້ ເຕືອນຢ່າເສຍເວລາໄປ

ຂ່າວຮ້ອນ! ຕອນນີ້ເສັ້ນທາງກາສີ-ເມືອງນານ ເປັນອໍາມະພາດ ສັນຈອນບໍ່ໄດ້ ເຕືອນຢ່າເສຍເວລາໄປ

7th July 2020 0 By Education

ນັບຕັ້ງແຕ່ວານນີ້ ວັນທີ 6 ກໍລະກົດ 2020 ເປັນຕົ້ນມາ ເສັ້ນທາງກາສີ-ເມືອງນານ(ພູເກົ້າຫຼັກ) ອ່ວນນໍ້າ ມີນໍ້າຖ້ວມຂັງ ເສັ້ນທາງຖືກຕັດຂາດ ເນື່ອງຈາກຝົນຕົກໜັກ ເຮັດໃຫ້ການສັນຈອນຝນຂົງເຂດດັ່ງກ່າວເປັນອໍາມະພາດ ແຕ່ໃນຄໍ່າຄືນທີ່ຜ່ານມາພາກສ່ວນກ່ຽວຂ້ອງໄດ້ລົງມາແກ້ໄຂໃຫ້ນັກຂັບຂີ່ສາມາດເດີນທາງຂ້າມເຂດດັ່ງກ່າວໄປໄດ້ຊົ່ວຂະນະ ແຕ່ໃຊ້ເວລາຫຼາຍຊົ່ວໂມງ ກວ່າຈະລະບາຍການສັນຈອນໃນຊ່ວງນັ້ນໄປໄດ້.

ແຕ່ຫຼ້າສຸດ, ມື້ນີ້ວັນທີ 7 ກໍລະກົດ 2020 ມີລາຍງານຈາກສື່ສັງຄົມອອນລາຍວ່າ ເສັ້ນທາງເຂດດັ່ງກ່າວແມ່ນເຂົ້າຂັ້ນວິກິດ ນໍ້າອ່ວມຖ້ວມຂັງລົ້ນທາງ, ເສັ້ນທາງຖືກຕັດຂາດ ເຮັດໃຫ້ການສັນຈອນເປັນອໍາມະພາດ, ເຕືອນນັກຂັບຂີ່ ຫ້າມສັນຈອນຜ່ານທາງນີ້ເດັດຂາດ.

ແນວໃດກໍ່ຕາາມ ແອັດມິນ central update  ຂໍເປັນສື່ກາງແຈ້ງຂ່າວມາຍັງພໍ່ແມ່ປະຊາຊົນ ແລະ ນັກຂັບຂີ່ທັງຫຼາຍ ໃນໄລຍະນີ້ໃຫ້ຫຼີກລ່ຽງການນໍາໃຊ້ເສັ້ນທາງກາສີ-ເມືອງນານ(ພູເກົ້າຫຼັກ) ເພື່ອຫຼີກລ່ຽງການເສຍເວລາ ເນື່ອງຈາກເສັ້ນທາງຖືກຕັດຂາດ ໄປ-ມາບໍ່ໄດ້ ແລະ ກໍ່ເພື່ອເຊບຕົວທ່ານເອງບໍ່ໃຫ້ໄດ້ຮັບອັນຕະລາຍທີ່ອາດເກີດຂຶ້ນຈາກເຫດການນີ້ກໍ່ເປັນໄດ້.