ດ່ວນໆ! ຂົວນໍ້າເຄັມຍັງກໍ່ສ້າງບໍ່ແລ້ວ ແຕ່ຕອນນີ້ທາງເວັ້ນຂາດແລ້ວ ເຕືອນນັກຂັບຂີ່ຢ່າຜ່ານທາງນັ້ນ

ດ່ວນໆ! ຂົວນໍ້າເຄັມຍັງກໍ່ສ້າງບໍ່ແລ້ວ ແຕ່ຕອນນີ້ທາງເວັ້ນຂາດແລ້ວ ເຕືອນນັກຂັບຂີ່ຢ່າຜ່ານທາງນັ້ນ

8th July 2020 0 By Education

ກ່ອນໜ້ານີ້ ບໍ່ເທົ່າໃດເດືອນ ຂົວນໍ້າເຄີຍເຄີຍເປັນກະແສໃຫຍ່ໂຕໃນສື່ອອນລາຍ ປະເດັນຮົ້ວກັ້ນເຂດກໍ່ສ້າງ ຫຼື ປ້າຍບອກເຕືອນບໍ່ໄດ້ມາດຖານ ເປັນເຫດເຮັດໃຫ້ນັກຂັບຂີ່ທີ່ສັນຈອນຜ່ານທາງນັ້ນ ເກີດອຸບັດເຫດຫຼາຍຄັ້ງ ຈົນນໍາມາສູ່ການເສຍຊີວິດພ້ອມກັນເຖິງ 3ຄົນ. ແຕ່ເລື່ອງລາວດັ່ງກ່າວກໍ່ໄດ້ຮັບການໄກ່ເກ່ຍໄປເປັນທີ່ຮຽບຮ້ອຍແລ້ວ.

ເຊິ່ງຕໍ່ມາທາງຜູ້ຮັບເໝົາກໍ່ສ້າງກໍ່ໄດ້ອອກມາໃຫ້ສໍາພາດຜ່ານສື່ທາງການຊື່ດັງກ່ຽວກັບປະເດັນດັ່ງກ່າວ ແຕ່ກໍ່ໜີບໍ່ພົ້ນດຣາມາ ມີຫາງສຽງຈາກສັງຄົມຕໍ່ວ່າພາກສ່ວນກ່ຽວຂ້ອງທີ່ບໍ່ມີຄວາມຮັບຜິດຊອບ, ຮົ້ວກັນ ຫຼື ປ້າຍເຕືອນຕ່າງໆບໍ່ມີຄວາມປອດໄພ ບໍ່ໄດ້ມາດຕະຖານຄືກັບເຂດກໍ່ສ້າງເຂດອື່ນ ເຊິ່ງຕໍ່ມາກໍ່ໄດ້ມີການແກ້ໄຂປັບປຸງໃໝ່ທັງໝົດ.

ແຕ່ຫຼ້າສຸດ ວັນທີຕອນເຊົ້າຂອງມື້ນີ້ ວັນທີ 8 ກໍລະກົດ 2020 ທາງເວັ້ນໃນເຂດກໍ່ສ້າງດັ່ງກ່າວກໍ່ຄືຂົວນໍ້າເຄັມ ເວີນຄໍາ-ທ່າງ່ອນ ເມືອງໄຊທານີ ນະຄອນຫຼວງວຽງຈັນ ຖືກນໍ້າຊຸຂາດ ເຮັດໃຫ້ການສັນຈອນເປັນອໍາມະພາດ ທັງທີ່ການກໍ່ສ້າງຂົວດັ່ງກ່າວຍັງບໍ່ທັນສໍາເລັດ. ດັ່ງນັ້ນແຈ້ງເຕືອນມາຍັງພໍ່ແມ່ປະຊາຊົນໃຫ້ຫຼີກເວັ້ນການນໍາໃຊ້ເສັ້ນທາງດັ່ງກ່າວ.