ໜີບໍ່ພົ້ນ! ເຈົ້າໜ້າທີ່ຈັບຕົວໄດ້ແລ້ວຂ້າຕະກອນໂຫດດັບຊີວິດຊາຍນິລະນາມທີ່ຫ້ວຍນໍ້າໃສ

ໜີບໍ່ພົ້ນ! ເຈົ້າໜ້າທີ່ຈັບຕົວໄດ້ແລ້ວຂ້າຕະກອນໂຫດດັບຊີວິດຊາຍນິລະນາມທີ່ຫ້ວຍນໍ້າໃສ

9th July 2020 1 By Education

ຂ່າວດ່ວນສົດໆຮ້ອນໆ ຈາກເຫດທີ່ມີຊາຍໜຸ່ມນິລະນາມຖືກລັກລອບປິດຊີວິດຢູ່ເຂດບ້ານຫ້ວຍນໍ້າໃສ ເມືອງສີໂຄດຕະບອງນະຄອນຫຼວງວຽງຈັນ ເມື່ອວັນທີ 8 ກໍລະກົດ 2020 ແລະຫຼ້າສຸດເວລາຜ່ານໄປພຽງ 1ວັນເຈົ້າໜ້າທີ່ສາມາດຈັບຕົວຜູ້ກໍ່ເຫດໄດ້ແລ້ວ.

ເຊິ່ງເຫດການດັ່ງກ່າວເກີດຂຶ້ນແຕ່ຕອນເຊົ້າເວລາ 7:00 ໂມງຂອງວັນທີ 8 ກໍລະກົດ 2020, ກາງຖະຫນົນບ້ານຫ້ວຍຫ້ອມ-ບ້ານຫ້ວຍນໍ້າໃສ ເມືອງສີໂຄດຕະບອງ ນະຄອນຫລວງວຽງຈັນ ເຊິ່ງປະຊາຊົນຢູ່ໃກ້ບໍລິເວນດັ່ງກ່າວໄດ້ເປີດເຜີຍວ່າໄດ້ຍິນສຽງປືນດັງສະນັ່ນ ແຕ່ບໍ່ມີໃຜໃສ່ໃຈຄິດວ່າເດັກນ້ອຍຈູດລູກກະໂພກ ແຕ່ຕໍ່ມາເປັນເຫດຄາຕະກໍາຄົນ.

ຕໍ່ມາມີຄົນພົບເຫັນຮ່າງໄຮ້ວິນຍານຂອງຊາຍຫນຸ່ມນອນເສຍຊີວິດເກືອກກາງຖະໜົນພ້ອມມີຫລັກຖານລູກປືນຢູ່ຂ້າງໆ, ຜູ້ເສຍຊີວິດເປັນເພດຊາຍອາຍຸປະມານ 20 ກວ່າປີນອນຂວໍ້າຫນ້າໃນທ່າຍັງສວມໃສ່ຫມວກກັນທະທົບຢູ່ຫົວ.

ເຈົ້າຫນ້າກູ້ໄພມູນນິທີຊ່ວຍເຫລືອຜູ້ດ້ອຍໂອກາດເປີດເຜີຍວ່າໄດ້ພົບເຫັນລູກປືນຕົກເຮ່ຍຕາມທອ້ງຖະຫນົນຫ່າງກັນກັບຜູ້ເສຍຊີວິດປະມານ 300 ແມັດ ສ່ວນລົດຈັກຂອງຜູ້ເສຍຊີວິດແມ່ນບໍ່ເຫັນ, ຄາດອາດມີການຊິງຊັບ ຫລື ປະເດັນອື່ນໆທີ່ແອບແຝງ.

ຈາກກວດສອບຮ່າງກາຍບໍ່ມີເອກະສານ ແລະ ຫລັກຖານໃດໆຕິດຕົວ ສະນັ້ນຂໍໃຫ້ຍາດພີ່ນ້ອງຜູ້ຕາຍຕິດຕາມ ແລະ ມາເກັບເອົາສົບດ່ວນ

ແຕ່ຫຼ້າສຸດ ມື້ນີ້ວັນທີ 9 ກໍລະກົດ 2020 ມີລາຍງານຈາກຜູ້ໃຊ້ເຟສບຸກຊື່ ປີ ສຸມິນທາ ທີ່ໂພສພາບພ້ອມຂໍ້ຄວາມລະບຸວ່າ ຈັບໄດ້ແລ້ວໂຈນທີ່ຍີງຄົນເສຍຊີວິດຢູ່ຫ້ວຍນ້ຳໃສວານນີ້ຊົມເຊີຍເຈົ້າໜ້າທີ່ເດີ, ແຕ່ທັງນີ້ທັງນັ້ນ ຍັງບໍ່ທັນມີຂໍ້ມູນລະອຽດກ່ຽວກັບຜູ້ຕ້ອງຫາທີ່ຈັບໄດ້ ແຕ່ຫາກມີຂໍ້ມູນເພີິ່ມເຕີມແນວໃດແອັດມິນຈະນໍາມາລາຍງານໃຫ້ທຸກທ່ານໄດ້ຮູ້ນໍາກັນແນ່ນອນ.